Author: މަރިޔަމް ނާޖިލާ އިމްރާން

ވ. އަތޮޅުގައި ޑައިވިނަށް ގޮސް އުޅެނިކޮށް ގެއްލުނު ހަތަރު ފަތުރުވެރިން ހޯދުމުގެ އޮޕަރޭޝަނުގައި ބައިވެރިވުމަށް ފިންލޭންޑްގެ ތަޖުރިބާކާރު ތިން ޑައިވަރުން ރާއްޖެ އަތުވެއްޖެއެވެ.

ރައީސް އޮފީހުގެ އިސް ތަރުޖަމާނު މުޙައްމަދު ޙުސައިން ޝަރީފް (މުންދު) ވިދާޅުވެފައިވާ ގޮތުން، ފިންލޭންޑުގެ މި ޑައިވަރުން ރާއްޖެ އައީ އިޓަލީވިލާތުގެ ސަރުކާރުން ހުށަހެޅި ހުށަހެޅުމަކަށް ކަމަށެވެ.

އަދި އެ ޓީމުގައި ކޭވް ޑައިވިން ސްޕެޝަލިސްޓެއް ވެސް ހިމެނޭ ކަމަށާ، ޓީމު ރާއްޖެއައީ ކަމަށް ބޭނުންވާ ސާމާނުވެސް ހިފައިގެންނެވެ.

ގެއްލުނު ފަތުރުވެރިން ހޯދަމުގެ މަސައްކަތުގައި އެމްޑީއެފްއާ ބައިވެރިވާން ފިންލޭންޑްގެ ޑައިވަރުން ރާއްޖެއައިސްފައިވާއިރު، އެ ފަތުރުވެރިން ހޯދުމުގެ މަސައްކަތުގައި އުޅުނު، ސާޖަންޓް ފަސްޓް ކްލާސް މުޙައްމަދު މަހުދީ އިއްޔެ ނިޔާވުމާއި ގުޅިގެން އޮޕަރޭޝަން އޮތީ ވަގުތީގޮތުން މެދު ކަނޑާލާފައެވެ.

މިދިޔަ ބުރާސްފަތި ދުވަހު، ޑައިވިންއަށް ގޮސް އުޅެނިކޮށް ފަސް މީހުން ގެއްލިފައިވާއިރު، އެތަނުން އެކެއްގެ ހަށިގަނޑު ވަނީ ފެނިފައެވެ. އަދި، ބާކީ ތިބި މީހުން ކޭވްއެއްގެ ތެރޭގައި ތާށިވެފައިވާ ކަމަށް ބެލެވޭ ކަމަށް އެމްއެންޑީއެފުން ވަނީ ބުނެފައެވެ.

މި ފަތުރުވެރިންނަކީ “ޑޫކް އޮފް ޔޯކް” ނަމަކަށް ކިޔާ ސަފާރީއެއްގައި ދަތުރުކުރަމުންދިޔަ ބައެކެވެ.

މި ހާދިސާގައި ގެއްލުނު މީހުންގެ ތެރޭގައި އިޓަލީގެ ޔުނިވާސިޓީ އޮފް ޖެނޯއާގެ މެރިން ބަޔޮލޮޖީ ޕްރޮފެސަރެއް ކަމަށްވާ މޮނިކާ މޮންޓެފަލްކޯން އާއި އޭނާގެ 20 އަހަރުގެ ދަރިފުޅު ޖިއޯޖިއާ ސޮމަކަލް ހިމެނެ އެވެ. މީގެ އިތުރުން މި ދަތުރުގައި ބައިވެރިވި މިއުރިއަލް އޮޑެނީނޯ، ޖިއަންލޫކާ ބެނެޑެޓީ އަދި ފެޑެރިކޯ ގުއަލްޓިއޭރީ ވެސް ވަނީ ގެއްލިފަ އެވެ.

‏މާލެ ވޯޓަރ އެންޑް ސްވެރޭޖް ކޮމްޕެނީ ލިމިޓެޑްގެ، އެމްޑަބްލިޔުއެސްސީގެ ޗެއަރމަންކަމުގެ މަޤާމުންނާއި، ޑިރެކްޓަރުންގެ ބޯޑުގެ މެމްބަރުކަމުން ޝަމްހޫޒާ އަޙުމަދު ވަކިކޮށްފިއެވެ.

އޭނާ މަގާމުން ވަކިކުރީ މިއަދުއެވެ.

މާލެ ވޯޓަރ އެންޑް ސްވެރޭޖް ކޮމްޕެނީ ލިމިޓެޑްގެ، ޗެއަރމަންކަމުގެ މަޤާމުންނާއި، ޑިރެކްޓަރުންގެ ބޯޑުގެ މެމްބަރުކަމުން ސ. ފޭދޫ ނާޒުކީގޭ އަލްފާޟިލާ ޝަމްހޫޒާ އަޙުމަދު މިއަދުން ފެށިގެން ވަނީ ވަކިކޮށްފައެވެ.

— Privatization & Corporatization Board (@pcb_gov) May 17, 2026

އެމްޑަބްލިއުއެސްސީގެ ޗެއާޕާސަންގެ މަގާމަށް ޝަމްހޫޒާ އައްޔަނު ކުރީ 2023 ޑިސެމްބަރު މަހުގެ 26 ވަނަ ދުވަހު އެވެ.

އެމްޑަބްލިއުއެސްސީގެ ޗެއާޕާސަންގެ މަގާމުގައި ކުރިން ހުންނެވި އަހުމަދު މައުސޫމު ވަނީ 28 މެއި 2023 ގައި އިސްތިއުފާ ދެއްވާފައެވެ.

އޭގެ ކުރިން ޝަމްހޫޒާ ވަނީ މާލޭ ސިޓީ ކައުންސިލުގެ ކައުންސިލް އެގްޒެކެޓިވްގެ މަގާމާއި ހައުސިން މިނިސްޓްރީގެ ޑިރެކްޓަރުގެ މަގާމު އަދާކުރައްވާފަ އެވެ.

ވ. އަތޮޅު ކައިރިއަށް ޑައިވްކުރުމަށް ގޮސް އުޅެނިކޮށް ގެއްލުނު އިޓަލީވިލާތަށް ނިސްބަތްވާ ހަތަރު ފަތުރުވެރިން ހޯދުމަށް ޓަކައި، އެ ގައުމުގެ ސަރުކާރުން ހުށަހެޅި އެހީތެރިކަމުގެ ފުރުސަތުގެ ދަށުން، ފިންލޭންޑުގެ މާހިރުން މާދަން ރާއްޖެ އަންނާނެ ކަމަށް، ސަރުކާރުން މިރޭ ބުނެފިއެވެ.

ބުރާސްފަތި ދުވަހު ގެއްލުނު އެ ފަސް ފަތުރުވެރިންގެ ތެރެއިން މިހާތަނަށް ފެނިފައި ވަނީ އެންމެ މީހެކެވެ. އެ މީހާ ފެނިފައި ވަނީ މަރުވެފައި އޮއްވައެވެ. ބާކީ ހަތަރު ފަތުރުވެރިން ހޯދުމަށް އެމްއެންޑީއެފުން އަންނަނީ ފުޅާ ސާޗް އެންޑް ރެސްކިއު އޮޕަރޭޝަނެއް ކުއިއަށްގެންދަމުންނެވެ. އެ އޮޕަރޭޝަންގައި، އެމްއެންޑީއެފްގެ ޑައިވަރަކު ވަނީ މިއަދު ނިޔާވެފައެވެ.

އެކަމާ ގުޅިގެން، ގެއްލުނު މީހުން ހޯދުމަށް މިހާރު ކުރިއަށް ގެންދާ އޮޕަރޭޝަން މަޑުޖައްސައިލައި، ބޭރުގެ މާހިރުންގެ އެހީތެރިކަން ހޯދުމަށް އެކި ފަރާތްތަކުން އަންނަނީ ގޮވައިލަމުންނެވެ.

ސަރުކާރުގެ އިސް ތަރުޖަމާނު މުޙައްމަދު ޙުސައިން ޝަރީފް (މުންދު) ވިދާޅުވީ، ފީނުމުގެ ތިން ޓެކްނިކަލް ތަޖުރިބާކާރަކު، އިޓަލީވިލާތުގެ ސަރުކާރުން ހުށަހެޅި ހުށަހެޅުމެއްގައި މާދަމާ ހެނދުނުގެ ވަގުތެއްގައި ރާއްޖެ އަންނާނެ ކަމަށެވެ.

އިޓަލީވިލާތުގެ ސަރުކާރާ މަޝްވަރާކުރަމުން ދިޔައިރު، އިނގިރޭސިވިލާތުގެ ސަރުކާރާއި އޮސްޓްރޭލިއާ ސަރުކާރުގެ އިތުރުން، އެމެރިކާ ސަރުކާރުން ވެސް އެހީތެރިކަން ދޭން ހުށަހަޅައިފައިވާ ކަމަށް، މުންދު ވިދާޅުވިއެވެ. މާދަން ރާއްޖެ އަންނަނީ، އޭނާ ވިދާޅުވިގޮތުގައި، އިނގިރޭސިވިލާތުގެ ސަރުކާރާއި އޮސްޓްރޭލިއާ ސަރުކާރާ އިޓަލީވިލާތުގެ ސަރުކާރުން މަޝްވަރާކޮށް އެކުލަވައިލި ޓީމެކެވެ.

“މާދަމާ މި އަންނަ ތިން އެކްސްޕާޓް ޑައިވަރުންނަކީ ފިންލޭންޑް ބައެއް، އެ ބޭފުޅުން މަސައްކަތްކުރައްވާނީ އެމްއެންޑީއެފާ އެކުގައި،” މުންދު ވިދާޅުވިއެވެ.

އިޓަލީ ފަތުރުވެރިން ހޯދުމަށް ކުރަމުން ދިޔަ މަސައްކަތް ކުރަނިކޮށް، އެމްއެންޑީއެފް ކޯސްޓް ގާޑުގެ ސްޓާފް ސާޖަންޓް، މުޙައްމަދު މަހުދީ ނިޔާވުމާ ގުޅިގެން، އެ އޮޕަރޭޝަން މަޑުޖައްސައިލައިފައިވާ ކަމަށް، މުންދު ވިދާޅުވިއެވެ. އޭނާ ވިދާޅުވިގޮތުގައި، ފިންލޭންޑުގެ ޑައިވަރުންނާ މަޝްވަރާކުރުމަށްފަހު، އެ އޮޕަރޭޝަން ކުރިއަށް ގެންދާނެ ގޮތެއް އެމްއެންޑީއެފުން ނިންމާނެއެވެ.

އެމްއެންޑީއެފުން މީގެ ކުރިން މައުލޫމާތު ދިން ގޮތުގައި، ގެއްލުނު ފަސް މީހުންގެ ތެރެއިން އެކަކުގެ ހަށިގަނޑު ފެނިފައިވަނީ ބުރާސްފަތި ދުވަހުގެ އިރުއޮއްސި 6:13 ހާއިރު، ގާތްގަނޑަކަށް 60 މީޓަރު އަޑީގައި އޮތް ހޮހަޅައެއްގެ ތެރެއިންނެވެ.

އެ ހާދިސާއާ ގުޅިގެން އެ ފަތުރުވެރިން ޑައިވިންއަށް ދިޔަ ސަފާރީގެ އޮޕަރޭޓިން ލައިސެންސް ވެސް މިހާރު ވަނީ ސަސްޕެންޑްކޮށްފައެވެ.

ވާވު އަތޮޅުގައި ޑައިވްކުރަނިކޮށް އިޓަލީގެ ފަތުރުވެރިންތަކެއް ގެއްލުމާ ގުޅިގެން، ދިވެހިރާއްޖޭގެ ހާރިޖީ ވަޒީރު އިރުތިޝާމް އާދަމް، އިޓަލީއިން ރާއްޖެއަށް ކަނޑައަޅާފައި ހުންނަވާ ސަފީރު، ޑެމިއަނޯ ފްރޭންކޮވިގްއާ ބައްދަލުކުރައްވައިފިއެވެ.

މި ބައްދަލުކުރެއްވުމާ ގުޅިގެން އެކްސްގައި ކުރެއްވި ޕޯސްޓެއްގައި އިރުތިޝާމް ވިދާޅުވީ، މި މަހުގެ 14 ވަނަ ދުވަހު ހިނގާފައިވާ މި ހާދިސާއާ ގުޅިގެން، މިހާތަނަށް ނުފެނިވާ އިޓަލީގެ ފަތުރުވެރިން ހޯދުމަށް ކުރަމުންދާ މަސައްކަތްތަކާ ގުޅިގެން މި ބައްދަލުވުމުގައި މަޝްވަރާކުރެވުނު ކަމަށެވެ.

މީގެ އިތުރުން، ސާރޗް އެންޑް ރެސްކިޔު އޮޕަރޭޝަނުގައި ޑައިވްކުރަނިކޮށް ހާލުދެރަވި، އެމްއެންޑީއެފްގެ ސްޓާފް ސާޖަންޓް މުޙައްމަދު މަހުދީ ނިޔާވެފައިވުމަކީ ލިބުނު ބޮޑު ހިތާމައެއްކަން ފާހަގަކުރައްވައި، އެ ހިތާމައިގައި ބައިވެރިވާކަން ހާމަކުރެއްވިއެވެ.

އިޓަލީގެ އެމްބެސެޑަރ މިކަމާ ގުޅިގެން ވިދާޅުވީ، ސްޓާފް ސާރޖަން ނިޔާވުމާ ގުޅިގެން ދިވެހި ދައުލަތަށާއި އެމްއެންޑީއެފްއަށް ތަޢުޒިޔާ ވިދާޅުވިކަމަށް ވެސް ހާރިޖީ ވަޒީރު ހާމަކުރެއްވިއެވެ.

އަދި މި ބައްދަލުވުމުގައި، މި ހާދިސާއާ ގުޅިގެން ދެ ޤައުމުގެ ކަމާގުޅުންހުރި އިދާރާތައް ގުޅިގެން މަސައްކަތް ކުރުމުގެ މުހިންމުކަމަށް އަލިއަޅުވާލެވުނުކަމަށް ވެސް ވަޒީރު ހާމަކުރެއްވިއެވެ.

ސްޓޭޓް ޓްރޭޑިން އޮގަނައިޒޭޝަން (އެސްޓީއޯ) ގެ މިދިޔަ އަހަރުގެ ވިޔަފާރީގެ ފައިދާއިން ހިއްސާއަކަށް 85 ރުފިޔާ ބެހުމަށް ނިންމައިފިއެވެ.

އެގޮތަށް ނިންމީ “ދުސިތު ޑީ ޓޫ ފޭދޫ މޯލްޑިވްސް” ގައި މިރޭ ބޭއްވި އެ ކުންފުނީގެ މިދިޔަ އަހަރުގެ އަހަރީ އާއްމު ޖަލްސާގައެވެ.

ހިއްސާގެ ފައިދާގެ ގޮތުގައި 85 ރުފިޔާ ބެހުމަށް ނިންމީ ޖަލްސާއަށް ހާޒިރުވި 263 ހިއްސާދާރުންގެ ތެރެއިން 99 ޕަސަންޓު ހިއްސާދާރުންގެ ވޯޓުންނެވެ.

އެސްޓީއޯއިން ހިއްސާގެ ފައިދާގެ ގޮތުގައި 85 ރުފިޔާ ބެހުމަށް ނިންމި އިރު، މިއީ މިދިޔަ އަހަރު ބަހަން ނިންމި އަދަދަށްވުރެ 5 ރުފިޔާ އިތުރުވުމެކެވެ.

އެސްޓީއޯއަށް މިދިޔަ އަހަރު ސާފު ފައިދާގެ ގޮތުގައި 785 މިލިއަން ރުފިޔާ ވަނީ ލިބިފައެވެ. އެސްޓީއޯ މިދިޔަ އަހަރު އާމްދަނީގެ ގޮތުގައި 16.68 ބިލިއަން ރުފިޔާ ލިބިފައިވެއެވެ.

އެސްޓީއޯގެ ބޯޑުގައި ކުރިއަށް އޮތް އަހަރު އާއްމު ހިއްސާދާރުންގެ ފަރާތުން ތަމްސީލްކުރާނޭ ޑިރެކްޓަރަކަށް ހޮވުނީ މުހައްމަދު އަހުސަން ސަލީމެވެ.

މީގެ އިތުރުން އެސްޓީއޯގެ އޮޑިޓަރަކަކަށް އެއް މިލިއަން ރުފިޔާއަށް އައްޔަނުކުރީ އާނެސްޓް އެންޑް ޔަންގެވެ.

ވ. އަތޮޅުގެ ސަރަހައްދަކަށް ޑައިވިންއަށް ގޮސް އުޅެނިކޮށް ގެއްލުނު އިޓަލީގެ ފަތުރުވެރިން ހޯދަން ރެސްކިއު އޮޕަރޭޝަނުގައި ހަރަކާތްތެރިވަނިކޮށް ހާލު ދެރަވެގެން ފަރުވާ ދެމުން ދިޔަ ސިފައިންގެ ޑައިވަރު ސާޖަންޓް ފަސްޓް ކްލާސް މުހައްމަދު މަހުދީއަކީ ނުރައްކާތެރި އެތައް ހާދިސާއެއްގައި ފީނައިވާ ރާއްޖޭގެ އެންމެ މޮޅު އެއް ޑައިވަރު ކަމަށް ކަމަށް ދާހިލީ ސަލާމަތާއި މަސައްކަތްތެރިކަމާއި ފަންނިއްޔާތާ ބެހޭ ވަޒީރު އަލީ އިހްސާން ވިދާޅުވެއްޖެއެވެ.

ވ. އަތޮޅު އަލިމަތާ ރިސޯޓު ކައިރީ ސަރަހައްދަކަށް ޑައިވިންއަށް މިމަހުގެ 14 ވަނަ ދުވަހު ފައިބާފައިވަނީ އިޓަލީގެ 5 ފަތުރުވެރިންނެވެ. ދިވެހި އެއްވެސް ޑައިވަރަކާ ނުލާ އެ ފަތުރުވެރިން ޑައިވިންއަށް ފައިބާފައިވާއިރު، އެމީހުންގެ ހަބަރެއް ނުވެގެން އެމީހުން ހޯދަމުން ދަނިކޮށް، އޭގެ ތެރެއިން ފަތުރުވެރިއަކު ނިޔާވެފައި އޮއްވާ ފެނިފައިވަނީ ހަމަ އެދުވަހުގެ ވަގުތެއްގައި ކަނޑުގެ 60 މީޑަރު އަޑިން ކޭވްއެއްގެ ތެރެއިންނެވެ.

އެއާއި އެކީ އެމްއެންޑީއެފުން ވަނީ އެސަރަހައްދުގައި ހާއްސަ އޮޕަރޭޝަނެއް ފަށާފައެވެ. “ހައި ރިސްކު” އޮޕަރޭޝަނެއް ކަމަށް އެމްއެންޑީއެފުން ސިފަކޮށްފައިވާ އެ އޮޕަރޭޝަނުގައި ސަރުކާރުގެ އިސް ތަރުޖަމާނު މުހައްމަދު ހުސެއިން ޝަރީފް (މުންދު) ވިދާޅުވި ގޮތުގައި 8 ޑައިވަރުން ބައިވެރިވިއެވެ.

އެ އޮޕަރޭޝަންގައި ބައިވެރިވި ސިފައިންގެ ޑައިވަރު މަހުދީ ނިޔާވެފައި ވަނީ އޭޑިކޭގައި ފަރުވާ ދެމުން ދަނިކޮށެވެ. އެނގިފައިވާ ގޮތުގައި އޭނާ ނިޔާވެފައިވަނީ އޮޕަރޭޝަނުގައި ހަރަކާތްތެރިވަމުން ދަނިކޮށް ޑީކޯ ވެގެން ފަރުވާ ދެމުން ދަނިކޮށެވެ.

އެކަމާއި ގުޅިގެން މީގެ ކުރިން ސިފައިން ގޭގައި މަސައްކަތް ކުރައްވާފައިވާ ވަޒީރު އިހުސާން ވިދާޅުވީ، އޭނާ އާއި މަހުދީ ރާއްޖޭގެ ގައުމީ ދިފާއީ ބާރާ ގުޅުނީ 2005 ވަނަ އަހަރުގެ ތެރޭގައި އެކުގައި ކަމަށެވެ. އަދި ސިފައިންގެ އަސާސީ ތަމްރީނު ފުރިހަމަކުރީވެސް އެކުގައި ކަމަށްވެސް ވަޒީރު ވިދާޅުވިއެވެ.

“ރީީީގެ ދުވަސްތަކުން ފެށިގެންވެސް، މަހުދީއަކީ އޭނާގެ ހިތްވަރުގަދަކަމާއި، އަހުލާގާއި، ވާޖިބަށް ކަމޭހިތުމުގައި ނަމޫނާ ދެއްކި ސިފައިންގެ ބޭކަލެއް. ފާއިތުވި އަހަރުތަކުގައި އޭނާ ވެގެންދިޔައީ ރާއްޖޭގައި ހުރި އެންމެ ތަމްރީނުލިބިފައިވާ، ގާބިލު އެއް ޑައިވަރަށް. ވަރަށް ނުރައްކާތެރި، ހިރާސްބޮޑު އޮޕަރޭޝަންތައް ހިިމެނޭ ގޮތަށް، ކަނޑުގެ 70 މީޓަރު އަޑިއަށް ފީނައިގެން ކުރިއަށްގެންދިޔަ އޮޕަރޭޝަންތައްވެސް ހިމެނޭ،”. ވަޒީރު ވިދާޅުވެފައި ވެއެވެ.

މިއަދު، މީހުން ހޯދުމުގެ ނުރައްކާތެރި ހިރާސްބޮޑު އޮޕަރޭޝަނެއްގައި، ގައުމީ ހިދުމަތުގައި ހުއްޓާ، މަހުދީ ފުރާނައިން އެންމެ މަތިވެރި ގުރުބާނީއެއް ވެފައިވާ ކަމަށްވެސް ވަޒީރު ވިދާޅުވެފައި ވެއެވެ.

އަދި އޭނާއަކީ އަޅުގަނޑު ދުށް އެންމެ ހިތްވަރުގަދަ ސިފައިންގެ މީހުންގެ ތެރެއިން އެކަކު ކަމަށްވެސް އިހުސާން ވިދާޅުވެފައި ވެއެވެ.

“އޭނާއަކީ ރާއްޖޭގެ ހަގީގީ ބަތަލެއް. އަދި އަޅުގަނޑުމެންގެ ޑައިވަރުންގެ ތެރެއިންވެސް އެންމެ ފާހަގަކޮށްލެވޭ އެކަކު،”. އިހުސާން ފޭސްބުކްގައި ކުރެއްވި ޕޯސްޓޭއްގައި ވިދާޅުވެފައި ވެއެވެ.

އޭނާގެ ވަކިވެދިއުމަކީލިބުނު ފުން ހިތާމައެއްކަންވެސް ފާހަގަކުރައްވަމުން ވަޒީރު ވިދާޅުވީ، މި ދަތި އުނދަގޫ ވަގުތުގައި ދުއާއާއި ހަމްދަރުދީ ވަނީ އޭނާގެ އާއިލާއާއި، ގާތް ރަހުމަތްތެރިންނާއި، އަދި އެކުގައި މަސައްކަތްކުރި ސިފައިންގެ ބޭކަލުންނާއި އެކުގައި ކަމަށެވެ.

ބޭރުގެ ބައެއް މީޑިއާތަކުން ރިޕޯޓްކޮށްފައިވާ ގޮތުގައި ކޭވްއެއްގެ ތެރެއިން ފެނުނު މީހާއަކީ އެމީހުންނާއި އެކީ ރާއްޖެ އައިސް އުޅުނު އިންސްޓްރަކްޓަރެކެވެ. އެމީހުން ފައިބާފައިވާ ކޭވްއަކީ ދިގުމިނުގައި ގާތްގަނޑަކަށް 200 ފޫޓޫ ހުންނަ ކޭވްއެއް ކަމަށް އެމްއެންޑީއެފުން ވަނީ ވިދާޅުވެފައެވެ.

މި އޮޕަރޭޝަނުގައި އެމްއެންޑީއެފަށް އެހީތެރިވުމަށް އިޓަލީގެ 2 ތަޖުރިބާކާރުން ވެސް ބައިވެރިވުމަށް ވަނީ ހަމަޖެހިފައެވެ. އެގޮތުން ބައިވެރިވަނީ ޑީޕްސީ ރެސްކިއު އެކްސްޕާޓަކާއި ކޭވް ޑައިވިން އެކްސްޕާޓެއް ކަމަށް ބޭރުގެ މީޑިއާތަކުން ވަނީ ރިޕޯޓްކޮށްފައެވެ.

ވ. އަތޮޅުގެ ސަރަހައްދަކަށް ޑައިވިންއަށް ގޮސް އުޅެނިކޮށް ގެއްލުނު އިޓަލީގެ ފަތުރުވެރިން ހޯދަން ރެސްކިއު އޮޕަރޭޝަނުގައި ހަރަކާތްތެރިވަނިކޮށް ހާލު ދެރަވެގެން ފަރުވާ ދެމުން ދިޔަ ސިފައިންގެ ޑައިވަރު، ސްޓާފް ސާޖެންޓް، މުހައްމަދު މަހުދީ 43އ. ގެ ޖަނާޒާ މިރޭ ބާއްވާ ގޮތަށް ހަމަޖެހިއްޖެއެވެ.

ވ. އަތޮޅު އަލިމަތާ ރިސޯޓު ކައިރީ ސަރަހައްދަކަށް ޑައިވިންއަށް މިމަހުގެ 14 ވަނަ ދުވަހު ފައިބާފައިވަނީ އިޓަލީގެ 5 ފަތުރުވެރިންނެވެ. ދިވެހި އެއްވެސް ޑައިވަރަކާ ނުލާ އެ ފަތުރުވެރިން ޑައިވިންއަށް ފައިބާފައިވާއިރު، އެމީހުންގެ ހަބަރެއް ނުވެގެން އެމީހުން ހޯދަމުން ދަނިކޮށް، އޭގެ ތެރެއިން ފަތުރުވެރިއަކު ނިޔާވެފައި އޮއްވާ ފެނިފައިވަނީ ހަމަ އެދުވަހުގެ ވަގުތެއްގައި ކަނޑުގެ 60 މީޑަރު އަޑިން ކޭވްއެއްގެ ތެރެއިންނެވެ.

އެއާއި އެކީ އެމްއެންޑީއެފުން ވަނީ އެސަރަހައްދުގައި ހާއްސަ އޮޕަރޭޝަނެއް ފަށާފައެވެ. “ހައި ރިސްކު” އޮޕަރޭޝަނެއް ކަމަށް އެމްއެންޑީއެފުން ސިފަކޮށްފައިވާ އެ އޮޕަރޭޝަނުގައި ސަރުކާރުގެ އިސް ތަރުޖަމާނު މުހައްމަދު ހުސެއިން ޝަރީފް (މުންދު) ވިދާޅުވި ގޮތުގައި 8 ޑައިވަރުން ބައިވެރިވިއެވެ.

އެ އޮޕަރޭޝަންގައި ބައިވެރިވި ސިފައިންގެ ޑައިވަރު މަހުދީ ނިޔާވެފައި ވަނީ އޭޑިކޭގައި ފަރުވާ ދެމުން ދަނިކޮށެވެ. އެނގިފައިވާ ގޮތުގައި އޭނާ ނިޔާވެފައިވަނީ އޮޕަރޭޝަނުގައި ހަރަކާތްތެރިވަމުން ދަނިކޮށް ޑީކޯ ވެގެން ފަރުވާ ދެމުން ދަނިކޮށެވެ.

މަހުދީގެ ކަށުނަމާދު އޮތީ މިރޭ 22:00 ގައި އިސްލާމީ މަރުކަޒުގައެވެ. އަަދި މައްޔިތާއަށް ޒިޔާރަތް ކުރުން މިރޭ 19:00 އިން ފެށިގެން އިސްލާމީ މަރުކަޒުގައި ކުރިއަށް ދާނެއެވެ.

ބޭރުގެ ބައެއް މީޑިއާތަކުން ރިޕޯޓްކޮށްފައިވާ ގޮތުގައި ކޭވްއެއްގެ ތެރެއިން ފެނުނު މީހާއަކީ އެމީހުންނާއި އެކީ ރާއްޖެ އައިސް އުޅުނު އިންސްޓްރަކްޓަރެކެވެ. އެމީހުން ފައިބާފައިވާ ކޭވްއަކީ ދިގުމިނުގައި ގާތްގަނޑަކަށް 200 ފޫޓޫ ހުންނަ ކޭވްއެއް ކަމަށް އެމްއެންޑީއެފުން ވަނީ ވިދާޅުވެފައެވެ.

މި އޮޕަރޭޝަނުގައި އެމްއެންޑީއެފަށް އެހީތެރިވުމަށް އިޓަލީގެ 2 ތަޖުރިބާކާރުން ވެސް ބައިވެރިވުމަށް ވަނީ ހަމަޖެހިފައެވެ. އެގޮތުން ބައިވެރިވަނީ ޑީޕްސީ ރެސްކިއު އެކްސްޕާޓަކާއި ކޭވް ޑައިވިން އެކްސްޕާޓެއް ކަމަށް ބޭރުގެ މީޑިއާތަކުން ވަނީ ރިޕޯޓްކޮށްފައެވެ.

ތިލަދުންމަތީ ދެކުނުބުރީ ކުރިނބީ ކައުންސިލް އިދާރާގެ އައު އިމާރާތް ރަސްމީކޮށް ހުޅުވައިފިއެވެ.

ކައުންސިލް އިދާރާގެ އައު އިމާރާތް ހުޅުވައިދެއްވީ އެކަމަށްޓަކައި ބޭއްވި ޚާއްސަ ރަސްމިއްޔާތެއްގައި ލޯކަލް ގަވަރމަންޓް އޮތޯރިޓީގެ ޗީފް އެގްޒެކެޓިވް އޮފިސަރ މުޙައްމަދު ނިމާލާއި ހދ.ކުރިނބީ ކައުންސިލްގެ ރައީސް ޢަބްދުﷲ އަސްލަމެވެ.

މި ރަސްމިއްޔާތުގައި ލޯކަލް ގަވަރމަންޓް އޮތޯރިޓީގެ އިސް ބޭފުޅުންނާއި، ކުރިނބީ ކައުންސިލްގެ 4 ވަނަ ދައުރުގެ ކައުންސިލް މެންބަރުންނާއި އަދި އަންހެނުންގެ ތަރައްޤީއަށް މަސައްކަތްކުރާ ކޮމިޓީ މެންބަރުންގެ އިތުރުން ކުރިޔަށް އޮތް 5 ވަނަ ދައުރަށް އިންތިޚާބު ކުރެވުނު ކައުންސިލަރުންނާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ މެންބަރުން ބައިވެރިވެވަޑައިގެންނެވިއެވެ.

މީގެއިތުރުން، ހދ. އަތޮޅު ކައުންސިލްގެ ރައީސާއި، ރަށުގެ އިދާރާތަކުގެ އިސްވެރިންނާއި، ރަށަށް ޚިދުމަތްކުރައްވާފައިވާ ޚިދުމަތްތެރީން މި ރަސްމިއްޔާތުގައި ބައިވެރިވެވަޑައިގެންނެވިއެވެ.

ހދ.ކުރިނބީ ކައުންސިލްގެ އައު ކައުންސިލް އިމާރާތުގެ މަޝްރޫއަކީ އެލްޖީއޭގެ ޕީއެސް.އައިޕީ ބަޖެޓުގައި ހިމެނިގެން، ކުރިނބީ ކައުންސިލާއި ހަވާލުކޮށްގެން ކުރިޔަށްގެންދިޔަ މަޝްރޫއެކެވެވެ. މުޅި މަޝްރޫޢަށް ޖުމުލަ 5.9 މިލިޔަން ރުފިޔާ ޚަރަދުކޮށްފައިވެއެވެ.

މި މަޝްރޫޢާ ގުޅޭގޮތުން ވާހަކަދައްކަވަމުން އެލްޖީއޭގެ ޗީފް އެގްޒެކެޓިވް އޮފިސަރ މުޙައްމަދު ނިމާލް ވިދާޅުވީ، 2023ވަނަ އަހަރުގެ ސެޕްޓެމްބަރުމަހު މަޝްރޫޢުގެ ކޮންޓްރެކްޓުގައި ސޮއިކުރެވުނުނަމަވެސް އޭރު މަޝްރޫޢުގެ ޢަމަލީ މަސައްކަތް ކުރިއަށްނުދާކަމަށެވެ. މި ސަރުކާރު ހަވާލުވިއިރު ނިންމިފައިވަނީ މަޝްރޫޢުގެ އެންމެ %2 ކަން ނިމާލް ފާހަގަކުރެއްވިއެވެ.

އެހެންނަމަވެސް ރައީސް ޑރ. މުޢިއްޒު ވެރިކަމާ ހަވާލުވެވަޑައިގެން މި މަޝްރޫޢުގެ %98 މަސައްކަތް ނިންމާލާފައިވާކަމަށް ވިދާޅުވިއެވެ.

“މި ސަރުކާރުން ވެރިކަމާ ހަވާލުވެވަޑައިގެން ކައުންސިލް އިމާރާތުގެ %98 މަސައްކަތްމިވަނީ ނިންމާލާފަ. އޭރުގަ އެތަނުގަ އޮންނާނީ ހުސް ބިމެއް. އެހެންވީމަ ހަގީގަތަކީ މި މަޝްރޫޢަކީ ސަރުކާރުން ކުރިއަށްގެންދިޔަ މަޝްރޫއެއްކަން.” ނިމާލް ވިދާޅުވިއެވެ.

ހދ. ކުރިނބީ ކައުންސިލުން ފާހަގަކުރެއްވި ގޮތުގައި، ރަށު ފެންވަރުގައި ރައްޔިތުންނަށް ޚިދުމަތް ފޯރުކޮށްދިނުމުގައި ކުރިން ބޭނުން ކުރަމުންދިޔަ އިމާރާތަކީ 32 އަހަރަށް ވުރެ ގިނަ ދުވަސްވެފައިވާ، ޖާގައިގެ ގޮތުން ދަތި، ވަސީލަތްތައް މަދު، އިމާރާތެކެވެ.

މިކަމުގެ ސަބަބުން ރައްޔިތުންނަށް ޚިދުމަތް ފޯރުކޮށްދިނުމުގައި ގިނަގުނަ ގޮންޖެހުންތަކަކާ ކުރިމަތިލާންޖެހޭކަމަށާއި، ޚިދުމަތުގެ ފެންވަރު ރަނގަޅުކުރުމަށާއި، ޒަމާނީ ބަދަލުތަކާއެކު އާ ޚިދުމަތްތައް ތަޢާރަފްކުރުމަށް ނުހަނު ބޮޑަށް ހުރަސްތަކާ ކުރިމަތިލާންޖެހެއެވެ.

ނަމަވެސް، އަލަށް މި ބިނާކުރެވުނު ކައުންސިލް އިދާރާއަކީ އެންމެ ޒަމާނީ ފެންވަރުގެ ވަސީލަތްތަކާއެކު އަދި ޖާގައިގެ ގޮތުން ތަނަވަސް، މުވައްޒަފުންނަށް މަސައްކަތުގެ މާހައުލުގައި ހިތްހަމަޖެހުމާއެކު މަސައްކަތްކުރުމުގެ ފުރުޞަތު ފަހިވާ، ރައްޔިތުންނަށް ދެވޭ ޚިދުމަތްތަކުގެ ފެންވަރު އިތުރަށް ހަރުދަނާވެ ރަނގަޅުވެގެންދާނެ ގޮތަށް ފަރުމާކޮށްފައިވާ އިމާރާތެއްކަމަށް އެ ރަށު ކައުންސިލުން ވިދާޅުވެއެވެ.

މި އައު އިދާރާއާއެކު ރައްޔިތުންނަށް ޚިދުމަތް ފޯރުކޮށްދިނުމުގައި ކުރިން ދިމާވި ދަތިތަކަށް އެދެވޭ، އަދި ދާއިމީ ހައްލެއް ލިބިގެންދާނެކަމަށް އެ ކައުންސިލުން ވިދާޅުވެއެވެ.

ޝަރުއީ ނިޒާމުގެ ތެރެއިން ގައުމުގެ ކަންކަމުގެ މައްޗަށް ބާރުފޯރުވައި، ނޫސްވެރިކަމަށް ގެއްލުން ދިނުމަކީ ބަލައިގަނެވޭނެކަމެއް ނޫންކަމަށް ކުރީގެ ރައީސް އަބްދުﷲ ޔާމީން އަބްދުލްގައްޔޫމް ވިދާޅުވެއްޖެ އެވެ.

ރައީސް ޑރ. މުހައްމަދު މުއިއްޒުގެ ސަރުކާރާއި ދެކޮޅަށް، ރައީސް ޔާމީނާއި ރައީސް ނަޝީދު އަދި ރައީސް އިބްރާހިމް މުހައްމަދު ސޯލިހު އެކުގައި މަސައްކަތް ފައްޓަަވައި މިރޭ ވަނީ ބައްދަލު ކުރައްވާފަ އެވެ. މިއީ މިގޮތަށް ސިޔާސީ އެއް މޭޒަކުން ތިން ރައީސުން ބައްދަލު ކުރައްވާ ފުރަތަމަ ފަހަރެވެ.

މިރޭގެ ބައްދަލުވުމަށް ފަހު، ނޫސްވެރިންނަށް މައުލޫމާތު ދެއްވަމުން ރައީސް ޔާމީން ވިދާޅުވީ ރައްޔިތުން ކަނޑަތުކުރަމުން މިދަނީ ނުހަނު ދަތި، ހިތްދަތި ދުވަސްތަކެއް ކަމަށެވެ. އިގްތިސާދީ ގޮތުން ކުރިމަތިވެފައިވާ ގޮންޖެހުންތަކުގެ ސަބަބުން ރައްޔިތުންގެ ދިރިއުޅުން އިންތިހާއަށް ތަދުވެފައިވާ މި ދަނޑިވަޅުގައި، ސަރުކާރު ޖަވާބުދާރީކުރުވުމަކީ ނޫސްވެރިންނާއި ސިޔާސީ ހުރިހާ ފަރާތްތަކުން އަދާ ކުރަންޖެހޭ ގާއުމީ ޒިންމާއެއްކަމަށް އެމަނިކުފާނު ވިދާޅުވި އެވެ.

ރައީސް ޔާމީން ވިދާޅުވީ މީޑިއާއަކީ ސަރުކާރު ޖަވާބުދާރީކުރުވުމަށާއި ރައްޔިތުން ބާރުވެރިކުރުވުމުގައި އޮތް އެންމެ ވަރުގަދަ ބާރުކަމަށެވެ. އަދި ޝަރުއީ ނިޒާމުގެ ތެރެއިން މީޑިއާއަށް ހަމަލާދީ ނޫސްވެރިންގެ އަނގަބަންދުކުރަން އުޅުމަކީ ބަލައިގަނެވޭނެ ކަމެއް ނޫންކަމަށް ރައީސް ވިދާޅުވިއެވެ.

ރައީސް ޔާމީން ވިދާޅުވީ ޝަރުޢީ ނިޒާމަށް އިހުތިރާމްކުރަން ބޭނުންވި ނަމަވެސް، މިފަދަ ”ގޭގް އޯޑަރު“ ތަކުގެ ސަބަބުން ނޫސްވެރިކަމުގެ މިނިވަންކަން ގެއްލިފައިވާތީ އެކަމާ ދެކޮޅަށް އިހްތިޖާޖުކުރުން މަޖުބޫރުވެފައިވާ ކަމަށެވެ. އަދި މުޅި ޤާނޫނުއަސާސީން ލިބިދޭ ބާރުތައް ހިފަހައްޓައި، ރައީސް މުއިއްޒުގެ ސަރުކާރުން ފުދުމުހުތާރު ވެރިކަމެއްގެ ސިފަ ދައްކަމުންދާކަމަށް ވިދާޅުވި އެވެ.

ވޭތުވެދިޔަ ވިއްސަކަށް އަހަރު ސިޔާސީ އިސްސަފުގައި މަސައްކަތް ކުރެއްވި ތިން ރައީސުން މިކަންކަމަށް އެއްބަސްވެވަޑައިގަންނަވާކަމަށް ވެސް ރައީސް ޔާމީން ވިދާޅުވި އެވެ. އަދި ވިދާޅުވީ ގައުމުގެ ”ސްޓްރެސް ލެވެލް“ މިހާ ބޮޑަށް އުފުލިފައިވާއިރު، އެ ބޭފުޅުންގެ ޟަމީރު މިއަދު މަޖުބޫރުކުރަނީ ރައްޔިތުންނަށް އުފާފާގަތި ދުވަސްތަކެއް ހޯދައިދިނުމަށްޓަކައި އައު ސްޓްރެޓެޖީތަކާއެކު އެންމެން އެކުގައި ނިކުތުމަށްކަމަށެވެ.

މީގެ އިތުރުން، ރޭގެ މުޒާހަރާގައި ފުލުހުން ނުބައްދަލު ބާރު ބޭނުންކޮށްފައިވާކަމަށް ވެސް ރައީސް ޔާމީން ވިދާޅުވި އެވެ. އަދި ވިދާޅުވީ މިހާރުން މިހާރަށް ހައްޔަރުކޮށްފައިވާ ނޫސްވެރިން ބަންދުން ދޫކޮށްލުމަށް ގޮވާލާކަމަށެވެ. އަދި އަދުލު އިންސާފުގެ ދާއިރާއިން ނެރެފައިވާ ”ގޭގް އޯޑަރު“ ބާތިލުކޮށް، ރައްޔިތުންނަށް ފަހިވާނެހެން ކަންކަން ފުރުސަތު ދިނުމަށް ވެސް ގޮވާލެއްވި އެވެ.

މިރޭގެ ބައްދަލުވުމުގައި ރައީސް ޔާމީން ވިދާޅުވީ، މިއަދު ތިން ރައީސުން ބައްދަލު ކުރާއިރު އެއްވެސް ސަރުކާރެއް ފުރިހަމައެއް ނޫންކަމަށެވެ.