Author: މަރިޔަމް ނާޖިލާ އިމްރާން

އދ. މަހިބަދޫ ކައުންސިލްގެ ނައިބު ރައިސަކު ހޮވަން އާ ކައުންސިލަރުންގެ މެމްބަރުންގެ މެދުގައި އަށް ވަނަ ފަހަރަށް ބޭއްވި ވޯޓުގައި، އެ ރަށު ކައުންސިލުގެ ނައިބަކަށް އެމްޑީޕީގެ މެމްބަރު ޒައީމާ މުހައްމަދު ހޮވިއްޖެއެވެ.

ކައުންސިލްތަކުގެ އާ ދައުރަށް އިންތިހާބުކުރި ކައުންސިލަރުން ހުވާކުރީ އާދިއްތަ ދުވަހުއެވެ. ގާނޫނުގައިވާ ގޮތުން މެންބަރުން އިންތިހާބުވުމަށް ފަހު ބާއްވާ ފުރަތަމަ ޖަލްސާގައި ކައުންސިލަށް ނައިބަކު ހޮވަން ޖެހެއެވެ. ކައުންސިލްގެ މަސައްކަތްތައް ފެށޭނީ ނައިބު ރައީސް ހޮވުމަށްފަހުއެވެ.

ނަމަވެސް އިއްޔެ ނެގި ވޯޓުތަކުން ނަތީޖާ އެއްވަރުވެ، އެ ކައުންސިލްގެ މަސައްކަތްތައް އޮތީ ހުއްޓިފައެވެ.

މަހިބަދޫ ކައުންސިލުގެ ނައިބު ރައީސްކަަމަށް ތިން ބޭފުޅަކު ވާދަ ކުރެއްވިއެވެ. އެއީ އެމްޑީޕީގެ މެންބަރު ޒައީމާ މުހައްމަދާއި ޕީއެންސީގެ މެމްބަރު މުހައްމަދު މައުމޫން އަދި އަމިއްލަ މެމްބަރު ބުންޏާމީން ހަސަންއެވެ.

އެގޮތުން ނައިބު ރައީސް ހޮވުމަށް ފުރަތަމަ ނެގި ވޯޓުގައި ޒައީމާ މުހައްމަދަށް ދެ ވޯޓު އަދި މުހައްމަދު މައުމޫނަށް ވެސް ދެ ވޯޓު އަދި ބުންޏާމީން ހަސަން އަށް ލިބުނީ އެއް ވޯޓެވެ. ވޯޓު އެއްވަރު ވުމުން، އިތުރަށް ނެގި ހަ ފަހަރު ވެސް ވަނީ ވޯޓު އެއްވަރުވެފައެވެ.

އެގޮތުން ޒައީމާއަށް ދެ ވޯޓު އަދި މައުމޫނަށް ދެ ވޯޓު ލިބިވަޑައިގެންނެވި އިރު، ނަތީޖާ ނުނެރެވުނީ ބާތިލު އެއް ވޯޓުގެ ސަބަބުންނެވެ.

އެންމެ ފަހުން ރޭ ނެގި ވޯޓުގައި އެ ރަށު ކައުންސިލަށް ވަނީ ނައިބު ރައީސަކު ހޮވައިފައެވެ.

އެގޮތުން ރޭ ނެގި ވޯޓުގައި ޒައީމާ އަށް ލިބުނީ ތިން ވޯޓެވެ. އަދި މައުމޫނަށް ލިބުނީ ދެ ވޯޓެވެ.

ޖުޑީޝަލް ސާވިސް ކޮމިޝަން (ޖޭއެސްސީ) އަށް ރައީސުލްޖުމްހޫރިއްޔާ އައްޔަންކުރައްވާފައިވާ މެންބަރު އަދި އެ ކޮމިޝަނުގެ ނައިބު ރައީސް ޔަޒްމީދު މުހައްމަދު، އޭނާގެ ސުލޫކީ މައްސަލައެއް ތަހުގީގު ކުރަމުންދަނިކޮށް ނައިބް ރައީސް ކަމުގެ މަގާމުން އިސްތިއުފާ ދެއްވައިފިއެވެ. ޔަޒްމީދު އިސްތިއުފާ ދެއްވާފައި މިވަނީ އޭނާގެ އަޑު ކަމަށް ބުނާ އޯޑިއޯތަކެއް ސޯޝަލް މީޑިއާގައި އާންމުވެފައިވާ ދަނޑިވަޅެއްގައެވެ.

ޖޭއެސްސީން ވަނީ ޔަޒްމީދު އިސްތިއުފާ ދެއްވިކަން ކަށަވަރުކޮށްދީފައެވެ. ނަމަވެސް އިސްތިއުފާ ދެއްވި ސީދާ ސަބަބެއް އެ ކޮމިޝަނުން ހާމައެއް ނުކުރެއެވެ. ޔަޒްމީދު ޖޭއެސްސީގެ ނައިބު ރައީސްކަމަށް އިންތިޚާބު ކުރެވުނީ މިދިޔަ އޮކްޓޫބަރު މަހުގެ 23 ވަނަ ދުވަހުއެވެ. އޭނާ އެ މަގާމަށް އައީ ކުރިން އެ މަގާމުގައި ހުންނެވި ހައިކޯޓުގެ ފަނޑިޔާރު މުހައްމަދު ނިޔާޒު އިސްތިއުފާ ދެއްވުމާ ގުޅިގެންނެވެ. ޔަޒްމީދު ޖޭއެސްސީގެ މެންބަރުކަމަށް ރައީސް ޑރ. މުހައްމަދު މުއިއްޒު އައްޔަންކުރެއްވީ 23 ފެބްރުއަރީ 2025 ގައެވެ.

ޔަޒްމީދުގެ ސުލޫކީ މައްސަލަ ބަލަން ފެށީ މައިގަނޑު ދެ ތުހުމަތަކާ ގުޅިގެންނެވެ. ފުރަތަމަ ތުހުމަތަކީ ޖިނާއީ މައްސަލައެއްގެ ނަތީޖާއަށް ނުފޫޒު ފޯރުވަން އޭނާ މަސައްކަތް ކުރެއްވި ކަމަށް ބުނާ މައްސަލައެވެ. ދެވަނަ ތުހުމަތަކީ ލީކުވި އޯޑިއޯތަކުގައި، ލޯކަލް ކައުންސިލް އިންތިޚާބުގައި ސަރުކާރު ހިންގާ ޕީއެންސީއަށް ވޯޓު ނުދިނުމަށް ގޮވާލުމާއި، މަސްތުވާތަކެތީގެ މައްސަލައެއްގައި ހައްޔަރުކުރި މީހަކު ޕްރޮސިކިއުޓަރ ޖެނެރަލްގެ އޮފީހަށް ނުގޮސް ސަލާމަތް ކުރެވިދާނެ ކަމަށް ބުނެފައިވާ މައްސަލައެވެ.

ޔަޒްމީދަކީ މީގެ ކުރިން ޕީޕީއެމް/ޕީއެންސީގެ ޓިކެޓުގައި ރައްޔިތުންގެ މަޖިލީހަށް ވާދަކުރައްވާފައިވާ ބޭފުޅެކެވެ. އަދި ރައީސް ޔާމީންގެ ސަރުކާރުގައި އެންޓި-ކޮރަޕްޝަން ކޮމިޝަން (އޭސީސީ) ގެ މެންބަރުކަންވެސް އޭނާ ކުރެއްވިއެވެ. ވިލިނގިލީ ދާއިރާގައި ޕީއެންސީގެ ތާއީދު ވަރުގަދަ ކުރުމުގައި އިސްކޮށް އުޅުއްވާ ޔަޒްމީދު ޖޭއެސްސީއަށް އައްޔަންކުރުމުން، އޭނާގެ ސިޔާސީ ފަސްމަގުގެ ސަބަބުން އޭރުވެސް ގިނަ ބައެއްގެ ސަމާލުކަން އެކަމަށް ހުއްޓުނެވެ.

ފަނޑިޔާރުންގެ ސުލޫކީ މައްސަލަތައް ބަލައި، ފިޔަވަޅު އެޅުމުގެ ގާނޫނީ ޒިންމާ އޮތް މުއައްސަސާގެ އިސްވެރިއަކު، ޖިނާއީ މައްސަލަތަކަށް ނުފޫޒު ފޯރުވަން އުޅުނު ކަމުގެ ތުހުމަތު ކުރެވުމަކީ ޖޭއެސްސީގެ މިނިވަންކަމާ މެދު ސުވާލު އުފެދުނު ކަމެކެވެ. ޚާއްސަކޮށް ސުޕްރީމް ކޯޓުގެ ތިން ފަނޑިޔާރެއްގެ މައްސަލަ ޖޭއެސްސީން ބަލަމުންދިޔަ ދަނޑިވަޅެއްގައި އޭނާ މަގާމަށް އައްޔަން ކުރުމުންވެސް ސުއާލު އުފެދުނެވެ.

މި ތުހުމަތުތަކާ ގުޅިގެން ނުވަތަ މަގާމުން އިސްތިއުފާ ދެއްވި ސަބަބާ ބެހޭގޮތުން ޔަޒްމީދު މުހައްމަދު މިހާތަނަށް އާންމުކޮށް އެއްވެސް އެއްޗެއް ވިދާޅުވެފައެއް ނުވެއެވެ.

މިހާރު އޮތް ސަރުކާރު ވައްޓާލުމުގެ މަސައްކަތް ފައްޓަވާފައިވާ ކަމަށާއި، ރައްޔިތުންގެ މަޖިލިސް މެދުވެރިކޮށް މި އަހަރު ނިމުމުގެ ކުރިން ރައީސް ޑރ. މުހައްމަދު މުއިއްޒުގެ އިތުބާރު ނެތްކަމުގެ ވޯޓު ނަގާނެ ކަމަށް ކުރީގެ ރައީސް މުހައްމަދު ނަޝީދު ރޭ ވިދާޅުވެއްޖެއެވެ.

އައްޑޫ ހިތަދޫ އުތުރު ދާއިރާގެ ބައި-އިލެކްޝަންގައި ވާދަކުރައްވާ އެމްޑީޕީގެ ކެންޑިޑޭޓް ސޯބެގެ ކެމްޕޭން ޖަލްސާއެއްގައި ވާހަކަދައްކަވަމުން ނަޝީދު ވިދާޅުވީ، ސަރުކާރު ހިންގާ ޕީއެންސީގެ މެންބަރުން ޕާޓީ ބަދަލުކޮށް، ރައީސްގެ އިތުބާރު ނެތްކަމުގެ ގަރާރުގައި ސޮއިކުރާނެ ކަމުގެ ފުރިހަމަ ޔަގީންކަން އެބައޮތް ކަމަށެވެ. އަދި އިދިކޮޅު ފަރާތްތަކުން މަޖިލީހުގެ ތިންބައިކުޅަ ދެބައި އަޣުލަބިއްޔަތު ހޯދާނެ ކަމަށްވެސް އެމަނިކުފާނު ލަފާކުރެއްވިއެވެ.

“މި އަހަރު ނިމުމުގެ ކުރިން މި ސަރުކާރު ބަދަލުކުރަން ޖެހޭ. ކަންބޮޑުނުވޭ. އިރާދަކުރެއްވިއްޔާ މަޖިލީހުގެ އަޣުލަބިއްޔަތު، ސުޕަ މެޖޯރިޓީ، އިތުބާރު ނެތްކަމުގެ ވޯޓުގެ ތިންބައިކުޅަ ދެބައި އަޅުގަނޑުމެން ހޯދާނަން. ރައީސް ޔާމީން ވެސް ހުންނެވީ މިކަން ކުރަން ވަރަށް ތައްޔާރަށް. އަދި އަޅުގަނޑަށް ވަރަށް ސާފުކޮށް އެނގޭ ޕީއެންސީގެ ގިނަ މެންބަރުންތަކެއް ފްލޯ ކްރޮސް ކުރާނެކަން،” ނަޝީދު ވިދާޅުވިއެވެ.

ނަޝީދު އިތުރަށް ވިދާޅުވީ، މި މަސައްކަތުގައި ޕީއެންއެފްގެ ލީޑަރު އަދި ކުރީގެ ރައީސް އަބްދުﷲ ޔާމީން ފުރިހަމައަށް ބައިވެރިވެވަޑައިގަންނަވާ ކަމަށެވެ. ކުރީގެ ތިން ރައީސުން ކަމަށްވާ ނަޝީދު، ޔާމީން އަދި އިބްރާހީމް މުހައްމަދު ސޯލިހު ގުޅިގެން މަސައްކަތް ކުރުމަށް މިމަހު ކުރީކޮޅު ވަނީ އެއްބަސްވުމެއްގައި ސޮއިކުރައްވާފައެވެ.

ހިތަދޫ އުތުރު ދާއިރާގެ ބައި-އިލެކްޝަނަކީ ރައީސް މުއިއްޒު ސަރުކާރަށް ރައްޔިތުންގެ އިތުބާރު އޮތްތޯ ބެލުމަށް ނެގޭ ފެންނަ ނުފެންނަ ވޯޓެއްގެ ގޮތުގައި ނަޝީދު ސިފަކުރެއްވިއެވެ. މި ގޮނޑި ހުސްވީ އެ ދާއިރާގެ ކުރީގެ މެންބަރު މުހައްމަދު ސިނާން އިސްލާމިކް ބޭންކަށް ދައްކަންޖެހޭ 3.8 މިލިއަން ރުފިޔާ ނުދައްކައިގެން ސުޕްރީމް ކޯޓުން އޭނާގެ މެންބަރުކަން ގެއްލިފައިވާ ކަމަށް ހުކުމް ކުރުމާ ގުޅިގެންނެވެ.

މަޖިލީހުގެ 93 ގޮނޑީގެ ތެރެއިން 76 ގޮނޑި މިވަގުތު ޕީއެންސީން ކޮންޓްރޯލް ކުރަމުންދާއިރު، ނަޝީދު ވިދާޅުވާ ފަދަ ބޮޑު ބަދަލެއް އައުމަކީ ސިޔާސީ ގޮތުން ނާދިރު ކަމެއްގެ ގޮތުގައި ބެލެވެއެވެ. ޚާއްސަކޮށް ފްލޯ ކްރޮސިންއާ ދެކޮޅަށް ހުރި ގާނޫނީ ހުރަސްތަކުގެ ސަބަބުން މިފަދަ ބަދަލެއް ގެނައުމަކީ ގޮންޖެހުން ބޮޑު ކަމެކެވެ.

މިދިޔަ ޖެނުއަރީ މަހު ބޭއްވި އޯލެވެލް އިމްތިހާނުގެ ނަތީޖާ މިއަދު ދޫކުރަން ފަށާނެ ކަމަށް ޑިޕާޓްމަންޓް އޮފް ޕަބްލިކް އެގްޒަމިނޭޝަން (ޑީޕީއީ) އިން ބުނެފިއެވެ.

ޑީޕީއީން ބުނީ އެސްއެސްސީ އަދި ކެމްބްރިޖް އައިޖީސީއެސްއީ އޯލެވެލް އިމްތިހާނުގެ ނަތީޖާ މިއަދު މެންދުރު 12:00 އިން ފެށިގެން ލިބޭނެ ކަމަށެވެ.

އެގޮތުން އަމިއްލަ ގޮތުން އިމްތިހާނުގައި ބައިވެރިވި ކެންޑިޑޭޓުންގެ ނަތީޖާ ދޫކުރާނީ އައިޑީކާޑު ގެންދިއުމުން ކަމަށާއި ބަދަލުގައި މީހަކު ފޮނުވާ ނަމަ، ދަރިވަރުގެ އައިޑީކާޑާއި ހަވާލުވާ މީހާގެ އައިޑީކާޑު ގެންދަން ޖެހޭނެ ކަމަށް ވެސް ޑީޕީއީން ބުންޏެވެ.

މިދިޔަ ޖެނުއަރީ މަހު ބޭއްވި އެސްއެސްސީ އަދި ކެމްބްރިޖް އައިޖީސީއެސްއީ އޯލެވެލް އިމްތިހާނުގައި 267 ސެންޓަރަކުން 8،218 ދަރިވަރުން ބައިވެރިވިއެވެ. އެއީ ރަށްރަށުގެ 246 ސެންޓަރަކާއި މާލޭގެ 21 ސެންޓަރެއްގައެވެ.

މި އަހަރު ގްރޭޑު ދިހައެއް ނިންމާ ދަރިވަރުންގެ އޯލެވެލް އިމްތިހާނު ފަށާނީ އޮކްޓޫބަރު މަހުގެ ތެރޭގައެވެ.

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ މާލީ ބަޔާން މިއަދު ރައީސުލްޖުމްހޫރިއްޔާގެ އޮފީހުގެ ވެބްސައިޓްގައި އާންމު ކޮށްފިއެވެ.

މާލީ ބަޔާނުގައި ވާގޮތުން ރައީސްގެ ބީއެމްއެލްގެ ދިވެހި ރުފިޔާ އެކައުންޓްގައި 184،845.52 ރުފިޔާ ހުރިއިރު ބީއެމްއެލްގެ ސޭވިސް އެކައުންޓްގައި 1،701،470.44 ރުފިޔާ އެބަހުއްޓެވެ. އަދި އިސްލާމިކް ބެންކުގެ ސޭވިންގްސް އެކައުންޓްގައި ވަނީ 1،000 ރުފިޔާ އެވެ.

މީގެ އިތުރުން މޯލްޑިވްސް ފައިނޭންސް އެންޑް ލީސިންގ ކޮމްޕެން ނެގި ލޯނަކަށް މިވަގުތާ ހަމައަށް ނުދެއްކި 1،319،265.13 ރުފިޔާ އޮތް ކަމަށްވެސް މާލީ ބަޔާނުގައިވެއެވެ.

މާލީ ބަޔާނުގައި ވާގޮތުން ވޭތުވެދިޔަ ހަ މަސް ދުވަހު މުސާރައިގެ ގޮތުގައި ރައީސަށް ލިބިވަޑައިގެންފައިވަނީ 282،024.00 ރުފިޔާއެވެ. އަދި ހުޅުމާލޭ ރޯހައުސް އަކުން ކުލީގެ ގޮތުގައި 240،000 ރުފިޔާ ލިބިވަޑައިގެންފައިވެ އެވެ. އަދި މ. ފިޤް އިން 180،000 ރުފިޔާ ލިބިވަޑައިގެންފައިވެއެވެ.

ރައީސްގެ މިލްކިއްޔާތުގައިވާ މ. ދިމްޔާތަކީ ވާރުތައިން ލިބިވަޑަައިގެންފައިވާ ބިމެއްކަން މާލީ ބަޔާނުގައި ފާހަގަކޮށްފައިވެއެވެ. ހުޅުމާލެ އެމްބަރ ޓެރަސް 2 ގެ އަގަކީ 5،919،500.00 ރުފިޔާއެވެ. ހއ. ވަަށަފަރުގައިވާ ރައީސްގެ ދިމްޔާތު ނަމަކަށްކިޔާ ބިމުގެ އަގަކީ 150،000 ރުފިޔާއެވެ. މ. ފިޤްގެ ބައެއް ރައީސަށް ލިބިވަޑައިގެންފައިވަނީ ހިބައިންނެވެ.

މީގެ އިތުރުން 260،000 ރުފިޔާގެ ކާރެއް އެމަނިކުފާނުގެ މިލްކިއްޔާތުގައިވެއެވެ.

ހަމައެއާއެކު ރައީސްގެ އަނބިކަނބަލުން މެޑަމް ސާޖިދާ މުހައްމަދަށް އެލަވަންސްގެ ގޮތުގައި 199،99.98 ރުފިޔާ ލިބިވަޑައިގެންފައިވެއެވެ. އަދި އެކަމަނާއަށް ދިމްޔާތު ޕްރައިވެޓް ލިމިޑެޓުން މުސާރައިގެ ގޮތުގައި 78،000 ރުފިޔާ ލިބިވަޑައިގެންފައިވެއެވެ. މީގެ އިތުރުން މިނިސްޓްރީ އޮފް ހެލްތު، ފެމިލީ އެންޑް ވެލްފެއަރގެ ކޮންސަލްޓަންޓްގެ މަގާމުގައި ހުންނެވުމުން މުސާރައިގެ ގޮތުގައި ހަ މަސްދުވަސްތެރޭ 4،927.32 ރުފިޔާ ލިބިވަޑައިގެންފައިވެއެވެ.

މިއަދު އާއްމު ކޮށްފައިވާ ނައިބު ރައީސްގެ މާލީ ބަޔާނުގައިވާ ގޮތުން އެމަނިކުފާނަށް މިދިޔަ ހަ މަސްދުވަހުގެ ތެރޭގައި މުސާރައިގެ ގޮތުގައި 314،664 ރުފިޔާ ލިބިފައިވެއެވެ. ނައިބުރައީސްގެ ބީއެމްއެލް އެކައުންޓުގައި 8،390 ރުފިޔާ އަދި އިސްލާމިކް ބޭންކުގައި ހުރީ 39 ރުފިޔާއެވެ. އޭގެއިތުރުން އިސްލާމިކް ބޭންކުގެ ޑޮލަރު އެކައުންޓުގައި 397 ޑޮލަރު އެބަހުއްޓެވެ.

މާފިލާފުށިން މާލެއަށް ދަތުރު ކުރަނިކޮށް ފަޅައިގެން ގޮސް އަޑިއަށް ދިޔައީ ނެޝަނަލް ސާވިސްގެ ދަރިވަރުންތަކެއް ގޮވައިގެން މާލެ އައި ލޯންޗެއް ކަމެއް އެމްއެންޑީއެފުން ބުނެފިއެވެ.

ކަނޑުމަގުން ރާއްޖެއަށް ސިއްރުން އެތެރެކުރަން އުޅުނު ދެ މިލިއަނަށްވުރެ ގިނަ ސިނގިރޭޓު މޯލްޑިވްސް ކަސްޓަމްސް ސާވިސްއިން އަތުލައިގަނެފިއެވެ.

ރާއްޖެއަށް ޑިޖިޓަލް އިންގިލާބެއް ގެނައުމަށް ސަރުކާރުން ގެންގުޅޭ “މޯލްޑިވްސް 2.0” އެޖެންޑާގެ ދަށުން، ގައުމީ އޭއައި އެންޑް ޑޭޓާ ކޮމްޕެޓެންސީ ސެންޓަރ ނުވަތަ “މޯލްޑިވްސް އޭއައި ލެބް” ރަސްމީކޮށް  އިފްތިތާހުކޮށްފިއެވެ.

މައިންޑްކޯއާއި ބޭންކް އޮފް މޯލްޑިވްސް (ބީއެމްއެލް) ގުޅިގެން ކުރިއަށްގެންދާ “ކޯ.ލެބް 26” އިވެންޓް ހުޅުވުމަށް ބޭއްވި ޚާއްޞަ ރަސްމިއްޔާތެއްގައި މި ލެބް އިފްތިތާހުކޮށްދެއްވީ ދާޚީލީ ސަލާމަތާއި މަސައްކަތްތެރިކަމާއި ފަންނިއްޔާތާ ބެހޭ ވަޒީރު ޢަލީ އިޙްސާންއެވެ.

މިއަދު ފެށުނު “ކޯ.ލެބް 26” އަކީ އާޓިފިޝަލް އިންޓެލިޖެންސް (އޭއައި) ބޭނުންކުރުމާ ގުޅޭގޮތުން ރާއްޖެއިން ގެންގުޅޭނެ ގައުމީ އުސޫލުތަކާއި އިސްތިރާތީޖީތައް ކަނޑައެޅުމަށްޓަކައި ބާއްވާ ހަތަރު ދުވަހުގެ ގައުމީ ޕްރޮގްރާމެކެވެ. މި ޕްރޮގްރާމުގައި ސަރުކާރުގެ އިސްވެރިންނާއި، އަމިއްލަ ވިޔަފާރިތަކާއި، ފަންނީ މާހިރުންގެ އިތުރުން ސޮފްޓްވެއަރ ޑިވެލޮޕަރުން ބައިވެރިވެއެވެ.

ޕްރޮގްރާމުގެ ފުރަތަމަ ދެ ދުވަހު މައިގަނޑު ގޮތެއްގައި މަސައްކަތްކުރާނީ އޭއައި މެދުވެރިކޮށް އާންމުންނަށް ލިބޭނެ ފައިދާތަކަށާއި، ގައުމީ އަމާޒުތަކަށް ރިއާޔަތްކޮށް، އޭއައި ބޭނުންކުރާނެ މުހިންމު ދާއިރާތައް ދެނެގަތުމަށެވެ. މީގެއިތުރުން ޑޭޓާގެ ތައްޔާރީތަކާއި، ޒިންމާދާރުކަމާއެކު އޭއައި ބޭނުންކުރުމާ ގުޅޭގޮތުން ފުޅާދާއިރާއެއްގައި މަޝްވަރާކުރެވޭނެއެވެ.

ޕްރޮގްރާމުގެ ފަހު ދެ ދުވަހު ކުރިއަށްދާނީ ތަޖުރިބާކާރުންގެ އިރުޝާދާއެކު ބާއްވާ “ހެކަތަން” އެކެވެ. މި ހެކަތަން ކުރިއަށްދާނީ ދެ ޓްރެކަކަށް ބަހާލައިގެންނެވެ:

އެޕްލައިޑް އޭއައި ޓްރެކް: ސަރުކާރުގެ މަސައްކަތްތަކަށް އޭއައި ބޭނުންކުރާނެ ގޮތްތައް ދެނެގަތުން.
ފިންޓެކް އިނޮވޭޝަން ޓްރެކް: ބީއެމްއެލްގެ ‘ސްވައިޕް އޭޕީއައި’ ބޭނުންކޮށްގެން މާލީ ދާއިރާއަށް އާ އީޖާދުތައް ތައާރަފުކުރުން.

ބޭންކް އޮފް މޯލްޑިވްސްގެ ސީއީއޯ އަދި މެނޭޖިންގ ޑިރެކްޓަރ މުޙައްމަދު ޝަރީފް ވިދާޅުވީ، އޭއައިގެ ސަބަބުން ކަސްޓަމަރުންގެ ބޭނުންތައް ދެނެގަތުމާއި، ސްކޭމްތައް ހުއްޓުވުމާއި، ސައިބަރ ސެކިއުރިޓީ ވަރުގަދަކުރުމަށް ބޮޑެތި ފުރުސަތުތަކެއް ލިބިގެންދާނެ ކަމަށެވެ. “ޓެކްނޮލޮޖީއަކީ މިހާރު ހަމައެކަނި މަސައްކަތްތަކަށް އެހީތެރިވެދޭ ކަމެއް ނޫން. އެއީ އިގްތިސާދީ ބައިވެރިވުން ބައްޓަންކުރަމުންދާ މުހިންމު ވަސީލަތެއް،” ޝަރީފް ވިދާޅުވިއެވެ.

މައިންޑްކޯގެ މެނޭޖިންގ ޑިރެކްޓަރ ސައީދާ އުމަރު ފާހަގަކުރެއްވި ގޮތުގައި، ކުރިއަށް އޮތް ދިހަ އަހަރު ތެރޭގައި ސަރުކާރުތައް ހިންގުމަށާއި އިގްތިސާދަށް އޭއައިގެ ނުފޫޒު ވަރަށް ބޮޑަށް ފޯރާނެއެވެ. މި ސެންޓަރުގެ ސަބަބުން ދިވެހި ހުނަރުވެރިން ބިނާކުރުމަށާއި، ގައުމީ ފެންވަރުގައި އަމަލީ ގޮތުން ތަންފީޒުކުރެވޭނެ އޭއައި ކޮންސެޕްޓްތައް އުފެއްދުމަށް މަގުފަހިވެގެންދާނެއެވެ.

“މޯލްޑިވްސް އޭއައި ލެބް” ވެގެންދާނީ ރާއްޖޭގެ ޑިޖިޓަލް ބަދަލުތަކުގެ ބިންގާ ކަމުގައާއި، މިއީ ދެމެހެއްޓެނިވި ގޮތެއްގައި ގައުމުގެ ގާބިލުކަން އިތުރުކުރުމަށް އެޅުނު މުހިންމު ފިޔަވަޅެއް ކަމަށް މި ރަސްމިއްޔާތުގައި ބައިވެރިވި ފަރާތްތަކުން ފާހަގަކުރެއްވިއެވެ.

ގިނަ އަހަރުތަކަކަށްފަހު އަތޮޅު އޮފީސްތައް އުފައްދަން ރައީސް މުހައްމަދު މުއިއްޒު ލޯކަލް ގަވާމެންޓް އޮތޯރިޓީ (އެލްޖީއޭ)އަށް އަންގަވައިފި އެވެ.

މި އެންގުން އަންގާފައި ވަނީ ރައީސުލްޖުމްހޫރިއްޔާގެ ޕަބްލިކް ޕޮލިސީ ސެކްރެޓަރީ އައިޝަތު އިކްރާމް ސޮއިކުރައްވައި އެލްޖީއޭއަށް ފޮނުވި ސިޓީއަކުންނެވެ.

އެ ސިޓީގައި ވަނީ މިއަދުން ފެށިފެން އަތޮޅު ކައުންސިލްތައް އުވިފައިވާތީ، އަތޮޅު އޮފީސްތައް އުފައްދައި މުވައްޒަފުންގެ ވަޒީފާ ނުގެއްލޭނެހެން އިންތިޒާމްތައް ހަމަޖައްސަން ރައީސުލްޖުމްހޫރިއްޔާ އަންގަވާފައިވާ ކަމަށެވެ.

އެއްވެސް މުވައްޒަފަކަށް މިހާރު ލިބޭ މުސާރަ އާއި އިނާޔަތްތަކަށް އުނިކަމެއް ނާންނަގޮތަށް ކަމާބެހޭ އިދާރާއާ މަޝްވަރާކޮށްގެން އިންތިޒާމްތައް ހަމަޖައްސަވަން ވެސް ރައީސް މުއިއްޒު ވަނީ އަންގަވާފަ އެވެ.

ރައީސް މުއިއްޒުގެ ނިންމެވުމާއެކު ގާނޫނަށް ގެނައި އިސްލާހުގެ ދަށުން އަތޮޅު ކައުންސިލްތައް އުވާލީ އެއީ ބޭކާރު ތަނެއް ކަމަށް ބުނުމަށްފަހު އެވެ. ނުވަދިހައިގެ އަހަރުތަކުން ފެށިގެން ރާއްޖޭގައި އޮތް އަތޮޅު އޮފީސް ނިޒާމް އަލުން އިޔާދަކުރާތީ ގިނަ ބައެއްގެ ފާޑުކިޔުން ސަރުކާރަށް ވަނީ އަމާޒުވެފަ އެވެ.

ކޮންމެ އަތޮޅަކަށް އަތޮޅުވެރިއެއް ވެސް ހަމަޖައްސަން ވަނީ ނިންމާފަ އެވެ. ނަމަވެސް ފާޑުކިޔުންތައް އަމާޒުވާތީ އެ މަގާމުގެ ނަން ބަދަލުކުރަން ވަނީ ނިންމާފަ އެވެ.

އަތޮޅު ކައުންސިލްތައް އުވާލީ ބޭކާރުތަކަނަކަށް ވެފައި ހަރަދު ކުޑަވާނެތީ ކަމަށް ސަރުކާރުން ބުންޏަސް އެތަނުގެ ނަން ބަދަލުކޮށް އިތުރު މުވައްޒަފުން ނެގުމުން ހަރަދު ކުޑައެއްނުވާނެ އެވެ.