އިދިކޮޅު އެމްޑީޕީން ސިލްސިލާކޮށް މާލޭގައި ކުރަމުންދާ މުޒާހަރާތަކުގެ ތެރެއިން މިދިޔަ ބުރާސްފަތި ދުވަހުގެ ރޭ ހައްޔަރުކޮށްފައިވާ މުހައްމަދު ޝާމިން އާއި އަލީ މުޝައްފައުގެ ބަންދަށް އިތުރު 15 ދުވަސް ކްރިމިނަލް ކޯޓުން ޖަހައިފިއެވެ.
ޝާމިން އާއި މުޝައްފައުގެ ބަންދަށް ދުވަސް އިތުރުކުރުމާ ގުޅިގެން އެމްޑީޕީގެ ލީގަލް ޑިރެކްޓަރު އަހްމަދު މައުރޫފް ސޯޝަލް މީޑިއާގައި ކުރެއްވި ޕޯސްޓެއްގައި ވަނީ އެ ދެމީހުންގެ ބަންދަށް އިތުރު 15 ދުވަސް ކްރިމިނަލް ކޯޓުން ޖަހާފައިވާކަން ހާމަކުރައްވައިފައެވެ.
Protesters Shamin and Mushaffau remanded for an additional 15 days in prison by the Criminal Court.
Judge Ali Adam didn't want to listen fully to what defense lawyers tried to say; instead, he ordered exactly as the police requested.
It wasn't established why they needed to be…— Ahmed Mauroof (@ahmedmauruf) May 17, 2026
އަދި މި މައްސަލަ ބެއްލެވި ޣާޒީ އަލީ އާދަމް، ދިފާއީ ވަކީލުން ފާހަގަކުރައްވަން ބޭނުންވި ކަންކަން އަޑުއެއްސެވުމުގެ ބަދަލުގައި އަމުރު ކޮށްފައި ވަނީ ފުލުހުން އެދުނު ގޮތަށް ކަމަށް ވިދާޅުވެ، މައުރޫފް ވަނީ ނުރުހުން ފާޅުކުރައްވައިފައެވެ.
އަދި އެ މީހުން ބަންދުގައި ބަހައްޓަންޖެހޭ ސަބަބެއްގެ ގޮތުން މުޖުތަމައުގެ ސަލާމަތަށް ނުރައްކަލެއް އޮތްކަމާއި ފިލައިގެން ގޮސްފާނެ ފަދަ އެއްވެސް ހާލަތެއް އޮތްކަން ޝަރީއަތަށް ކަށަވަރުކޮށްދެވިފައި ނުވާ ކަން ވެސް މައުރޫފް ފާހަގަކުރެއްވިއެވެ.
އެ ދެމީހުން ވެސް ހައްޔަރުކުރީ އެއްވެ އުޅުމުގެ މިނިވަންކަމުގެ ގާނޫނާއި ޚިލާފަށް މާލޭގެ އެކި ސަރަހައްދުތަކުގައި މުޒާހަރާކޮށް، އާންމު ދަތުރުފަތުރާއި ވިޔަފާރިތަކަށް ދަތިވާނެހެން ހަރަކާތްތެރިވެ ފުލުހުންގެ އަމުރަށް ނުކިޔަމަންތެރިވެ، ފުލުހުންގެ ދައުރު އަދާކުރުމަށް ހުރަސްއަޅާފައިވާ ކަމަށް ތުހުމަތުކޮށެވެ.
މިފަހުން ސަރުކާރާ އިދިކޮޅު ޕާޓީތައް ކަމަށްވާ އެމްޑީޕީ އަދި ޕީއެންއެފްއިން ސިލްސިލާކޮށް ކުރިއަށް ގެންދާ މުޒާހަރާތަކަށް ފުލުހުން ވަނީ ހުރަސްއަޅައިފައެވެ.
މި އިހުތިޖާޖުތައް ބާއްވަނީ ނޫސްވެރިންގެ ހައްގުތައް ހިމާޔަތްކުރުމަށް ގޮވައިލައެވެ. އަދި ބަންދުކޮށްފައިވާ އަދަދު ނޫހުގެ ދެ ނޫސްވެރިންކަމަށްވާ މުޙައްމަދު ޝަހްޒާނާއި، ލީވާން ނާސިރު މިނިވަންކުރުމަށް ގޮވައިލައެވެ.
ފުލުހުން ނެރުނު ބަޔާނެއްގައި ބުނެފައި ވަނީ ފުލުހުންގެ ލިޔުމުން ލިބޭ ހުއްދައަކާ ނުލައި، ކަނޑައަޅާފައިވާ ސަރަހައްދުތަކުން ބޭރުގައި ބާއްވާ އެއްވުންތަކާއި މުޒާހަރާތައް ރޫޅާލައި، އެފަދަ ކަންކަން އިންތިޒާމުކުރާ ފަރާތްތަކާ މެދު ގާނޫނީ ފިޔަވަޅު އަޅާނެކަމަށެވެ.
ކިޔުންތެރިންގެ ހިޔާލު