Author: މަރިޔަމް ނާޖިލާ އިމްރާން

ދިވެހި ވަތަނީ ހިދުމަތުގެ ފަންނީ ތަމްރީނު ޕްރޮގްރާމުގައި 63 ބައިވެރިއަކު ދަސްވެނިވެއްޖެއެވެ.

މި ތަމްރީނުތަކަކީ ދިވެހި ވަތަނީ ހިދުމަތުގެ ޕްރޮގްރާމްތަކުގެ ތެރެއިން ނެޝަނަލް ސާވިސް އިނީޝިއަލް ޓްރެއިނިން ފުރިހަމަކުރާ ދަރިވަރުންނަށް އަމާޒުކޮށްގެން ކުރިއަށްގެންދާ ހާއްސަ ޕްރޮގްރާމެކެވެ.

ދިފާއީ ވުޒާރާއިން ވިދާޅުވެފައިވަނީ މި ތަމްރީނުގައި ބައިވެރިވެފައިވަނީ މިދިޔަ ޑިސެންބަރު މަހުގެ 15 ވަނަ ދުވަހު ދަސްވެނިވި ނޭޝަނަލް ސާވިސް އިނީޝިއަލް ޓްރެއިނިންގެ ފުރަތަމަ ބެޗުގެ ދަރިވަރުންގެ ތެރެއިން މިކަމަށް ޝައުގުވެރިކަން ފާޅުކުރި ކުދިން ކަމަށެވެ.

މި އަހަރުގެ ޖެނުއަރީ މަހުގެ15 ވަނަ ދުވަހުން ފެށިގެން މެއި މަހުގެ 22 ވަނަ ދުވަހަށް ކުރިއަށްގެންދިޔަ މި ތަމްރީނު ޕްރޮގްރާމްގައި ރާއްޖޭގެ 35 ރަށަކަށް ނިސްބަތްވާ 63 ދަރިވަރުން ބައިވެރިވެފައިވެއެވެ. އޭގެ ތެރޭގައި ހިމެނެނީ 14 އަންހެން ދަރިވަރުންނާއި 49 ފިރިހެން ދަރިވަރުންނެވެ.

ހަތަރު މަސް ދުވަހުގެ މުއްދަތަށް ބ. ކިހާދޫގައި ހުންނަ ސްކޫލް އޮފް އިންޖިނިއަރިންގއެންޑް ލޮޖިސްޓިކްސްގައި ކުރިއަށްގެން ގޮސްފައިވާމި ޕްރޮގްރާމުގައި މައިގަނޑު ހަ ދާއިރާއަކުން ދަރިވަރުން ތަމްރީނުކޮށްފައިވެއެވެ.

އޭގެތެރޭގައި އިލެކްޓްރިޝަން، އޮޓޯމޮބައިލް އިންޖިނިއަރިން، މެރިން އިންޖިނިއަރިން، ރެފް އެންޑް އޭސީ، އޮފީސް މެނޭޖްމެންޓް އަދި ބިލްޑިން އެންޑް ފެބްރިކޭޝަން ހިމެނެއެވެ.

ދިވެހި ވަތަނީ ހިދުމަތުގެ ޕްރޮގްރާމަކީ ގައުމިއްޔަތަށް ލޯބިކުރާ، ރޫހާނީ އަދި ނަފްސާނީ ގޮތުން ދުޅަހެޔޮ ދިވެހި ރައްޔިތެއް ބިނާކުރުމަށް ސަރުކާރުން ކުރިއަށްގެންދާ މުހިންމު މަސައްކަތެކެވެ. މީގެ މައިގަނޑު މަގްސަދަކީ މަސައްކަތުގެ މާހައުލަށް އަހުލުވެރި، ހަރުދަނާ ޒުވާން ޖީލެއް ބިނާކުރުމެވެ.

ދިވެހި ވަތަނީ ޚިދުމަތުގެ އަސާސީ ތަމްރީނުގެ ފުރަތަމަ ބުރުގެ 344 ބައިވެރިން ތަމްރީނު ފުރިހަމަކޮށް ދަސްވެނިވެފައި ވަނީ މިދިޔަ ޑިސެންބަރު މަހުގެ 28 ވަނަ ދުވަހުގައެވެ. މީގެ ތެރެއިން 63 ބައިވެރިންނަކީ ވަކި ފަންނީ ދާއިރާތަކުން ކުރިއަށްދިއުމަށް ތަމްރީނު ހޯދި ކުދިންނެވެ.

ވަތަނީ ހިދުމަތުގެ ދެވަނަ ބުރުގެ އަސާސީ ތަމްރީނުތައްވެސް މިހާރު ވަނީ ނިންމާލާފައިވާއިރު މި ބުރުގައި 350 ބައިވެރިން ބައިވެރިވެ 343 ބައިވެރިން ތަމްރީނު ފުރިހަމަކޮށްފައިވެއެވެ. އަދި މީގެ ތެރެއިން 80 ބައިވެރިޔަކު ފަންނީ ޕްރޮގްރާމުގައި ބައިވެރިވާނެ ކަމަށް ވަތަނީ ހިދުމަތާ ބެހޭ ވުޒާރާއިން ވިދާޅުވެފައެވެ.

މިފަހަރުގެ ޕްރޮގްރާމު ފުރިހަމަކުރި ދަރިވަރުންނަށް އެންމެ ދަށްވެގެން ލެވެލް 3ގެ ސެޓްފިކެޓެއް ލިބިގެންދާނެ ކަމަށް އެ ވުޒާރާއިން ވިދާޅުވެފައިވެއެވެ.

ވ. އަތޮޅުގެ މަޝްހޫރު “މިޔަރު ޑައިވް” ސައިޓުގެ ހޮހަޅައަށް ފީނަން ގޮސް އުޅެނިކޮށް މަރުވި އިޓަލީވިލާތުގެ ހަތަރު ޑައިވަރުންގެ ހަށިތައް އެ ގައުމަށް ފޮނުވައިފިއެވެ.

މި މަހުގެ 14 ވަނަ ދުވަހު ކަނޑުއަޑީގެ ހޮހޮޅައަކަށް ޑައިވްކުރަން ގޮސް އުޅެނިކޮށް ގެއްލުނީ އިޓަލީގެ ހަތަރު ޑައިވަރަކާއި އެމީހުން އިންސްޓްރަކްޓަރެވެ.

އެމީހުންގެ ތެރެއިން މޮނިކާ މޮންޓެފަލްކޯން 52، އޭނާގެ ދަރިފުޅު ޖިއޯޖިއާ ސޮމަކާލް 20، މުރީއެލް އޮޑެނިނޯ 31، ފެޑެރީކޯ ގުއަލްޓިއަރީ 31 ގެ ހަށިގަނޑު ހޯދީ ހޮހޮޅައިގެ އެންމެ އަޑިން، ތިން ވަނަ ޗެމްބަރުގެ ދޮރުމަތިން ކަހަލަ ގޮތަކަށެވެ. އެމީހުންގެ ހަށިގަނޑުތައް އޮތީ 165 ފޫޓު އަޑީގައެވެ.

އެ މީހުންގެ ޑައިވިން އިންސްޓްރަކްޓަރު، ޖިއަންލޫކާ ބެނެޑެޓީ، 44، ގެ ހަށިގަނޑު ފެނިފައިވަނީ އެ ޗެމްބަރަށް ވަންނަ ދޮރު ކައިރިންނެވެ. އޭނާގެ ހަށިގަނޑު މީގެކުރިން ވަނީ ފޮނުވާލާފައެވެ.

ރައީސް އޮފީހުގެ އިސް ތަރުޖަމާނު މުހައްމަދު ހުސައިން ޝަރީފް “ވަގުތު” އަށް ވިދާޅުވީ އެ ހަތަރު މީހުންގެ ހަށިތައް ފަތިހު ފޮނުވާލާފައިވާ ކަމަށެވެ.

ތަރުޖަމާނު މީގެ ކުރިން ވިދާޅުވެފައިވަނީ އިޓަލީން އެ ޑައިވަރުންގެ އޮޓޮޕްސީއެއް ހަދާނަމަ، ރާއްޖޭގެ ފުލުހުންނާއި އެ ނަތީޖާތައް ހިއްސާ ކުރާނެ ކަމަށެވެ. އެއީ ދެ ގައުމުން ވެސް ކުރިއަށް ގެންދަނީ ތަފާތު ތަހުގީގުތަކަށްވާތީ ކަމަށް ވިދާޅުވިއެވެ.

އިޓަލީގެ ފަސް ޑައިވަރުންނަކީ ވެސް ތަޖުރިބާކާރު ޑައިވަރުންތަކެކެވެ. އެކަމަކު، އެކަށީގެންވާ އާލާތްތައް ނުލައި އެހާ ފުނަށް ޑައިވް ކުރި ސީދާ ސަބަބު މިހާރު ދަނީ ތަހުގީގު ކުރަމުންނެވެ.

ފިންލެންޑުގެ ކުޅަދާނަ ޑައިވަރުންގެ ޓީމުން ވަނީ ކަނޑު އަޑިން ޓެކްނިކަލް އާލާތްތައް ނަގައިފައެވެ. އޭގެ ތެރޭގައި އިޓަލީގެ ބައެއް މީހުން ބޭނުން ކުރި ގޯޕްރޯ ކެމެރާތައް ހިމެނެއެވެ. އަދި އެސަރަހައްދުން ނެގި ބައެއް ސާމާނުތައް ފުލުހުންނާއި ހަވާލުކޮށްފައިވާ ކަމަށް ވެސް އެ އޮޕަރޭޝަން ކުރިއަށްގެންދިޔަ ޔޫރަޕުގެ ޑޭން ކުންފުނިން ވަނީ ބުނެފައެވެ.

ސަރުކާރުގެ ބޯހިޔާވަހިކަމުގެ ސިޔާސަތުގެ ދަށުން މާލެ ސަރަހައްދުން ފްލެޓާއި ގޯއްޗަށް އެދި ކުރިމަތިލުމުގެ މުއްދަތު އަނެއްކާވެސް އިތުރުކޮށްފިއެވެ.

މިކަމާ ގުޅޭގޮތުން ހައުސިން މިނިސްޓްރީން ބުނީ، ބޯހިޔާވަހިކަން އެންމެންނަށް ސިޔާސަތުގެ ދަށުން މާލެ ސަރަހައްދުން ފުލެޓާއި ގޯއްޗަށް އެދި މިނިސްޓްރީން ހުޅުވާލާފައިވާ ސްކީމުތަކަށް އެޕްލިކޭޝަން ހުށަހަޅަންޖެހޭ މުއްދަތު މިއަދުން ފެށިގެން އިތުރުކޮށްފައިވާކަމަށެވެ. މުއްދަތު އިތުރުކޮށްފައިވަނީ، އަންނަ ޖޫންމަހުގެ 15 ވާ ހޯމަ ދުވަހުގެ 23:59 ގެ ނިޔަލަށެވެ. ކުރިން ފޯމް ހުށަހެޅުމަށް ދީފައިވަނީ މިހިނގާ މެއިމަހުގެ ނިޔަލަށެވެ.

ހައުސިން މިނިސްޓްރީން ބުނީ މުއްދަތު އިތުރުކޮށްފައިވަނީ، އަޟްޙާ ޢީދު ބަންދާ ގުޅިގެން ދުވަސްތަކެއް ސަރުކާރު ބަންދުކޮށްފައިވާތީކަމަށެވެ. އެގޮތުން އެދުވަސްތަކުގައި އާއިލާއާއެކު ގިނަ ބަޔަކު ޗުއްޓީ ހޭދަކުރުމަށް ދިއުމުގެ އިތުރުން ސަރުކާރު ބަންދު ވެފައިވުމާއެކު، ފޯމު ހުށަހެޅުމަށް ބޭނުންވާ ލިޔެކިއުންތައް ހަމަކުރުމާއި ކަނޑައަޅައިފައިވާ މުއްދަތުގައި ފޯމު ހުށަހެޅުމުގައި ދަތިވަމުންދާކަމަށް ގިނަ އަދަދެއްގެ ފަރާތްތަކުން އެކަމުގެ ޝަކުވާ ލިބިފައިވާކަމަށް މިިނިސްޓްރީން ބުންޏެވެ.

މިނިސްޓްރީން ވަނީ ފޯމު ހުށަހެޅުއްވުމުގެ ކުރިން ފޯމް ފުރިހަމަކުރެވުނީ ރަނގަޅަށްތޯ ބެލުމަށް ޗެކްކުރުމަށް އިލްތިމާސްކޮށްފައެވެ. އެގޮތުން އެޕްލިކޭޝަން ހުށަހަޅަން އެދޭ ސްކީމާއި، ލިޔެކިއުންތަކާއި މަޢުލޫމާތުތައް ފުރިހަމަކުރެވިފައިވަނީ ރަނގަޅަށްތޯ ކަށަވަރުކުރެއްވުމަށްފަހު، ސަބްމިޓްކުރުމަށް ވަނީ އެދިފައެވެ.

ބޯހިޔާވަހިކަން ނުލިބިތިބި އެންމެނަށް ބޯހިޔާވަހިކަން ކަށަވަރުކޮށްދިނުމަކީ ރައީސް ޑރ.މުއިއްޒުގެ ރިޔާސީ އެންމެ މުހިއްމު އެއް ވައުދެވެ. މި ސަރުކާރުގެ ބޯހިޔާވަހިކަމުގެ ސިޔާސަތާ ގުޅޭގޮތުން ރައީސް ޑރ.މުހައްމަދު މުއިއްޒު ވިދާޅުވެފައިވަނީ، މީގެ ކުރިން ރާއްޖޭގެ އެއްވެސް ސަރުކާރަކަށް ހާސިލްކުރެވިފައި ނުވާ ކާމިޔާބީއެއް މި ސަރުކާރުން ހާސިލްކުރާނެ ކަމަށާއި، މި ދައުރުގެ ތެރޭގައި ފަށާ ހައުސިންގް މަޝްރޫއުތައް ނިންމައި ރައްޔިތުންނަށް އެތަންތަނަށް ވަދެވޭވަރު ކުރައްވާނެ ކަމަށެވެ.

ވ. އަތޮޅުގައި ޑައިވިނަށް ގޮސް އުޅެނިކޮށް ގެއްލުނު އިޓަލީގެ ހަތަރު ފަތުރުވެރިން ހޯދުމަށް ކުރިއަށްގެންދިޔަ ޚާއްޞަ އޮޕަރޭޝަނާ ގުޅޭގޮތުން އެ މަސައްކަތުގައި ހަރަކާތްތެރިވި ލީޑް ޓީމް، ފިންލޭންޑްގެ  ޑައިވާސް އެލާޓް ނެޓްވޯކް، ޑޭން ގެ ފުރަތަމަ ރިޕޯޓް ޝާއިއުކޮށްފިއެވެ.

މި އޮޕަރޭޝަން ކުރިއަށް ގެންގޮސްފައިވަނީ، ބައިނަލްއަގުވާމީ ފެންވަރުގެ އޮޕަރޭޝަނެއްގެ  މިމަހުގެ 18 ވަނަ ދުވަހުން ފެށިގެން 21 ވަނަ ދުވަހުގެ ނިޔަލަށެވެ. މި ހާއްސަ އޮޕަރޭޝަނުގައި ބައިވެރިވެފައިވަނީ ދިވެހިރާއްޖޭގެ ގައުމީ ދިފާއީ ބާރު، އެމްއެންޑީއެފާއި، މޯލްޑިވްސް ޕޮލިސް ސާވިސް، ޑައިވާސް އެލާޓް ނެޓްވޯކް، ޑޭން ޔޫރަޕް، އަލިމަތާ، ވޯޓަރ ސޮލިއުޝަންސް ޕްރައިވެޓް ލިމިޓެޑް، ފޯސައިޓް ސާވެޔާސް ޕްރައިވެޓް ލިމިޓެޑް، ފިންލޭންޑްގެ ޓެކްނިކަލް ޑައިވިންގ ޓީމްގެ އިތުރުން އިޓަލީ އަދި ރާއްޖޭގެ ހާރިޖީ ވުޒާރާއެވެ.

އޮޕަރޭޝަނާ ބެހޭ ގޮތުން ޑޭނުން ނެރެފައިވާ ރިޕޯޓްގައި ބުނެފައިވަނީ، އޮޕަރޭޝަންގެ ފުރަތަމަ ދުވަހު، ހޮހަޅަ ބަލައި ފާސްކޮށް ގެއްލުނު ޑައިވަރުން ތިބި ތަންތަން ދެނެގަނެ އެ މަސައްކަތް ކާމިޔާބުކަމާއެކު ނިންމާލެވުނު ކަމަށެވެ.

މާލެއާއި ހުޅުމާލެއިން މިއަދު މެންދުރު ކަރަންޓުގެ ޚިދުމަތް މެދުކެނޑުނީ، ހުޅުމާލޭގެ 50 މެގަވޮޓް އިންޖީނުގެ އަޕްގްރޭޑް ކުރުމުގެ މަސައްކަތް ކުރިއަށް ދަނިކޮށް ދިމާވި ޓެކްނިކަލް މައްސަލައަކާ ގުޅިގެން ކަމަށް ސްޓެލްކޯއިން ހާމަކޮށްފިއެވެ.

މިއަދު މެންދުރު 12:00 އެހާކަންހާއިރު މުޅި މާލެއާއި ހުޅުމާލެއިން އެއްފަހަރާ ކަރަންޓު ކެނޑެން މެދުވެރިވީ، އިންޖީނުގޭގެ އަޕްގްރޭޑިންގ މަސައްކަތްތައް ކުރިއަށް ގެންދަނިކޮށް ދިމާވި މައްސަލައަކާ ގުޅިގެން ޖަނަރޭޓަރުތައް ނިވުމުންނެވެ. ސްޓެލްކޯއިން ބުނި ގޮތުގައި، މި އަޕްގްރޭޑަކީ ކަރަންޓުގެ ނިޒާމުގެ އިތުބާރު ހިފޭ މިންވަރު މަތިކުރުމަށާއި، ދިގު މުއްދަތަކަށް ނިޒާމުގެ ހަމަޖެހުން ގާއިމުކުރުމަށްޓަކައި ކުރަންޖެހުނު ކޮންމެހެން މުހިންމު މަސައްކަތެކެވެ.

ކަރަންޓު ކެނޑުނުތާ ގާތްގަނޑަކަށް ގަޑިއެއްހާއިރު ފަހުން، ސްޓެލްކޯގެ ޓީމުތަކުން ކުރި މަސައްކަތުން މިހާރު ވަނީ އެކި ސަރަހައްދުތަކަށް މަޑުމަޑުން ކަރަންޓު ދޫކުރަން ފަށާފައެވެ. އެ ކުންފުނިން މައުލޫމާތު ދިން ގޮތުގައި، ހުޅުމާލެއާއި މާލޭގެ އިންޖީނުތައް އަލުން ހިންގައި، ސިސްޓަމް އާންމު ހާލަތަކަށް ގެނައުމުގެ މަސައްކަތް މިހާރު ދަނީ ހަލުވިކަމާއެކު ކުރަމުންނެވެ. ނަމަވެސް، އަދިވެސް ގިނަ ސަރަހައްދުތަކަކަށް ކަރަންޓު ނުލިބޭކަން ފާހަގަކުރެވެއެވެ.

ސްޓެލްކޯއިން މިއަދު ހެނދުނު ވަނީ ހުޅުމާލޭގެ 50 މެގަވޮޓް އިންޖީނުގެ ނިއްވާލައިގެން ކުރިއަށްގެންދިޔަ އަޕްގްރޭޑިންގ މަސައްކަތް، އެއްވެސް ސަރަހައްދަކުން ކަރަންޓު ކަނޑާނުލާ ނިންމާލެވުނުކަން އިއުލާނުކޮށްފައެވެ. އެހެންނަމަވެސް، އޭގެ ކުޑަވަގުތުކޮޅެއް ފަހުން ކަރަންޓު ކެނޑުމާ ގުޅިގެން އާންމުންނަށް ވަނީ ބޮޑެތި ދަތިތަކަކާ ކުރިމަތިލާން ޖެހިފައެވެ.

ސްޓެލްކޯއިން ދަނީ މުޅި ވިއުގައަށް ކަރަންޓު ދީ، ޚިދުމަތް ފުރިހަމައަށް އިއާދަކުރުމަށް މަސައްކަތް ކުރަމުންނެވެ.

މި އަހަރުގެ އަޟްހާ އީދ މާލެ ސަރަހައްދުގައި ކުލަގަދަކޮށް ފާހަގަ ކުރުމަށް ނިންމައިފިއެވެ.

އެމްއެންޑީއެފުން މިއަދު ވިދާޅުވި ގޮތުގައި “އީދު ހަވީރު 1447” އަކީ އެމްއެންޑީއެފް ވިލަރެސްކޮށްގެން ސިފައިންނާއި ފުލުހުންގެ އިތުރުން، ދައުލަތުގެ 10 ކުންފުންޏަކުން ކުރިއަށް ގެންދިއުމަށް ހަމަޖެހިފައިވާ ހަރަކާތްތަކެއް ކަމަށެވެ.

މާލޭގައި އީދު ހަވީރުގެ ހަރަކާތްތައް އޮންނާނީ މެއި 27 އިން 29 އަށް، ތިން ދުވަހަށް ބަހާލައިގެން ސަލްޓަން ޕާކާއި، ޝަހީދުންގެ ބިނާ ސަރަހައްދު ހިމެނޭހެން ޖުމްހޫރީ މައިދާނާއި ރަސްމީ ބޮޑުފާލަން ސަރަހައްދުގައެވެ.

މިގޮތުން، މި ސަރަހައްދުގައި ވޯޓަ ފައުންޓެއިން، ފޯމް ބާތް ޕޫލް، ރެޕަލިންގ ކުރުން، އަދި ގައުމީ ދިފާއީ ބާރުގެ ސިފައިންގެ ޔުނިފޯމްތަކާއި އޮޕަރޭޝަންތަކުގައި ބޭނުންކުރާ އެކި ކަހަލަ ހަތިޔާރުތަކާއި އެއްގަމާއި ކަނޑުމަތީގައި ބޭނުންކުރާ އެކި އުޅަނދުތައް ދައްކާލުމާއި އެ ތަކެއްޗާ އެކު ފޮޓޯނެގުމުގެ އިންތިޒާމް ހަމަޖެހިފައިވާނެއެވެ.

މީގެ އިތުރުން މާލޭގައި މެއި 28 ވަނަ ދުވަހު، އެމްއެންޑީއެފް އެޖުޓަންޓް ޖެނެރަލްސް ކޯރގެ އާޓްސް އެންޑް ސެރެމޯނިއަލް ސާވިސްއިން ޚާއްސަ ހަރަކާތްތަކެއް ހުށަހަޅައިދިނުމަށް ވެސް ވަނީ ހަމަޖެހިފައެވެ. އަދި ބޭނުންވާ ފަރާތްތަކަށް ކެންޓީނުގެ ޚިދުމަތް ވެސް ލިބެން ހުންނާނެއެވެ.

ހުޅުމާލޭގައި ވެސް އީދު ހަވީރުގެ ހަރަކާތްތައް އޮންނާނީ އެ ތިން ދުވަހު، ހުޅުމާލެ ސެންޓްރަލް ޕާކާއި، ފޭސް 2ގެ ހިޔާ ޕާކް ސަރަހައްދުގައެވެ. މިގޮތުން ހުޅުމާލެ ސެންޓްރަލް ޕާކުގައި، ރެޕަލިން ކުރުމާއި، ވޯޓަ ސްލައިޑިން އާއި، ފޯމް ބާތް ޕޫލްގެ އިތުރުން، ބޭނުންފުޅުވާ ފަރާތްތަކަށް ކެންޓީނުގެ ޚިދުމަތް ލިބެން ހުންނާނެއެވެ.

ފޭސް2 ގެ ހިޔާޕާކުގައި އޮންނަ ހަރަކާތްތަކުގެ ތެރޭގައި ރެޕަލިން ކުރުމާއި، ފަޔަ އިކުއިޕްމަންޓްސް ދައްކާލުމާއި، ޓޭބަލް ލެޑައަށް އެރުން ފަދަ ހަރަކާތްތައް ހިމެނެއެވެ. މީގެ އިތުރުން ހުޅުމޭލެ ސެންޓްރަލް ޕާކުގައި މޭ 27 އަދި 29ވަނަ ދުވަހު އެމްއެންޑީއެފް އެޖުޓަންޓް ޖެނެރަލްސް ކޯގެ އާޓްސް އެންޑް ސެރެމޯނިއަލް ސާވިސްއިން ޚާއްސަ ހަރަކާތްތަކެއް ހުށަހަޅައިދިނުމަށް ވެސް ވަނީ ހަމަޖެހިފައެވެ.

ވިލިމާލޭ ފުޓްބޯޅަ ދަނޑުގައި، މޭ 27 އިން 30 އަށް، ހަތަރު ދުވަހަށް ބަހާލައިގެން ބާއްވާ “އީދު ހަވީރު” ގައި ރެޕަލިން ކުރުމުގެ ފުރުސަތާއި، އޮބްސްޓިކަލް ކޯސްތަކުގެ އިތުރުން ކުޑަކުދިން ގަޔާވާ ތަފާތު އެކިކަހަލަ ކުޅިވަރުގެ ހަރަކާތްތައް އިންތިޒާމް ކުރެވޭނެއެވެ.

އީދު ހަވީރުގެ ހަރަކާތްތައް ކުރިއަށް ދާނީ، ޢީދުހަވީރު އޮންނަ ކޮންމެ ދުވަހެއްގެ ހަވީރު 16:00 އިން 18:00 އަށެވެ.

މި އަހަރުގެ އީދު ހަވީރުގައި ބައިވެރިވާ އެސްއޯއީތަކުގެ ތެރޭގައި ސްޓެލްކޯ އާއި އެމްޑަބްލިޔުއެސްއީ އާއި ވެމްކޯ އާއި އެމްޕީއެލް އާއި އެމްޓީސީސީ އާއި އެމްއޭސީއެލް އާއި މިފްކޯ އާއި އާރުޑީސީ އާއި އެޗްޑީސީ އަދި އެފްޑީސީ ހިމެނެއެވެ.

ސްރީލަންކާއަށް ޒިޔާރަތްކުރާ ހުރިހާ ބޭރު ގައުމުތަކުގެ ރައްޔިތުން، އެ ގައުމަށް ދަތުރުކުރުމުގެ ކުރިން ‘އިލެކްޓްރޯނިކް ޓްރެވަލް އޮތޮރައިޒޭޝަން’ (އީޓީއޭ) ހޯދަންޖެހޭ ގޮތަށް އުސޫލު ބަދަލުކޮށްފިއެވެ.

ރާއްޖޭގައި ހުންނަ ސްރީލަންކާގެ ހައިކޮމިޝަނުން ނެރުނު ނޯޓިހެއްގައި ބުނެފައިވަނީ، މި މެއި މަހުގެ 25 ވަނަ ދުވަހުން ފެށިގެން ޓޫރިސްޓް ބޭނުމަށް އެ ގައުމަށް ޒިޔާރަތްކުރާ ހުރިހާ ބޭރު ގައުމުތަކުގެ މީހުން، ދަތުރު ފެށުމުގެ ކުރިން ވެބްސައިޓް މެދުވެރިކޮށް އީޓީއޭ ހޯދަން ޖެހޭނެ ކަމަށެވެ.

މި އާ އުސޫލަށް އަމަލުކުރަން ފެށުމާއެކު، ދިވެހި ރައްޔިތުންނަށް ވެސް ސްރީލަންކާއަށް ދިއުމުގެ ކުރިން މި ހުއްދަ ހޯދަން ޖެހޭނެއެވެ. ނަމަވެސް، މި އީޓީއޭ ސިސްޓަމްގެ ތެރެއިން ދިވެހި ރައްޔިތުންނަށް 90 ދުވަހުގެ ޓޫރިސްޓް ވިސާ އެއްވެސް ފީއަކާ ނުލައި މުޅިން ހިލޭ ލިބިގެންދާނެ ކަމަށް ހައިކޮމިޝަނުން ވަނީ ބުނެފައެވެ.

މި މަހުގެ 25 ގެ ފަހުން ލަންކާއަށް ދަތުރުކުރުމަށް ރާވާ ފަރާތްތަކުން، ފުރުމުގެ ކުރިން ރަސްމީ ވެބްސައިޓް މެދުވެރިކޮށް މި ހުއްދަ ހޯދުމަށް ހައިކޮމިޝަނުން ވަނީ އިލްތިމާސްކޮށްފައެވެ.

ސްރީލަންކާއަކީ ތައުލީމާއި ބޭސްފަރުވާގެ އިތުރުން ޗުއްޓީ ހޭދަކުރުމަށް ގިނަ އަދަދެއްގެ ދިވެހިން ޒިޔާރަތްކުރާ ގައުމެކެވެ. ފުރުމުގެ ކުރިން އީޓީއޭ ހޯދަން ޖެހުނު ނަމަވެސް، 90 ދުވަހުގެ ވިސާ ހިލޭ ލިބުމަކީ ދިވެހިންނަށް ލިބިގެންދާނެ ބޮޑު ލުޔެކެވެ.

ދިވެހިރާއްޖޭގެ ކުޅިތަކާއި ކަނޑޫފާތައް ހިމާޔަތްކޮށް ބެލެހެއްޓުމަށް ޔޫރަޕިއަން ޔޫނިއަން (އީޔޫ) އާއި ދިވެހި ސަރުކާރާ ދެމެދު މިއަދު މުހިންމު އެއްބަސްވުމެއްގައި ސޮއިކޮށްފިއެވެ.

‘ކޮމިއުނިޓީ ބޭސްޑް މެންގްރޫވް ޕްރޮޓެކްޝަން އެންޑް ރިޖެނެރޭޝަން އިން ދަ މޯލްޑިވްސް’ ގެ ނަމުގައި ކުރިއަށްގެންދާ މި މަޝްރޫއަކީ ރާއްޖޭގެ ތިމާވެށި ހިމާޔަތްކުރުމަށާއި، މޫސުމަށް އަންނަ ބަދަލުތަކުން ކުރާ އަސަރުތައް ކުޑަކުރުމުގެ ގާބިލުކަން އިތުރުކުރުމަށް ކުރިއަށްގެންދާ މަޝްރޫއެކެވެ.

މި އެއްބަސްވުމުގައި ސޮއިކުރުމަށް މިއަދު ހެނދުނު މިނިސްޓްރީ އޮފް ފޮރިން އެފެއާޒްގައި ބޭއްވި ރަސްމިއްޔާތެއްގައި، ދިވެހި ސަރުކާރުގެ ފަރާތުން އެއްބަސްވުމުގައި ސޮއިކުރެއްވީ މިނިސްޓަރ އޮފް ސްޓޭޓް ފޮރ ފޮރިން އެފެއާޒް ޝެރީނާ އަބްދުއްސަމަދެވެ. އީޔޫގެ ފަރާތުން މި އެއްބަސްވުން ހަވާލުކޮށްދެއްވީ އެ ޖަމާއަތުން ރާއްޖެއަށް ކަނޑައަޅުއްވާފައިވާ ވަފުދުގެ ހެޑް އޮފް ކޯޕަރޭޝަން ޑރ. ޔޯހަން ހެސޭ އެވެ.

މި އެއްބަސްވުމުގެ ދަށުން އީޔޫއިން ރާއްޖެއަށް 4 މިލިއަން ޔޫރޯ (ގާތްގަނޑަކަށް 67 މިލިއަން ރުފިޔާ) ގެ ހިލޭ އެހީ ފޯރުކޮށްދޭނެއެވެ. މި އެހީގެ ބޭނުމަކީ ރަށްރަށުގެ ބައިވެރިވުމާއެކު ކުޅިތައް ހިމާޔަތްކޮށް، އައްސޭރިފަށުގެ ރައްކާތެރިކަން ދެމެހެއްޓުމެވެ. މިއީ ޕެރިސް އެގްރީމަންޓުގެ ދަށުން ރާއްޖެއިން ކަނޑައަޅާފައިވާ ‘ނޭޝަނަލީ ޑިޓާމިންޑް ކޮންޓްރިބިއުޝަންސް’ (އެންޑީސީ) 3.0 ހާސިލުކުރުމަށް އެޅޭ މުހިންމު ފިޔަވަޅެކެވެ.

އެއްބަސްވުމުގައި ސޮއިކުރެއްވުމަށްފަހު ވާހަކަދައްކަވަމުން ސްޓޭޓް މިނިސްޓަރ ޝެރީނާ ވަނީ، ރާއްޖޭގެ ތަރައްގީގެ އެކި ދާއިރާތަކުން، ހާއްސަކޮށް ތިމާވެށި ހިމާޔަތްކުރުމުގެ މަސައްކަތުގައި އީޔޫއިން ދެމުންދާ އެހީތެރިކަން ފާހަގަކުރައްވައި ޝުކުރު އަދާކުރައްވާފައެވެ.

އީޔޫގެ މަންދޫބު ޑރ. ހެސޭ ވިދާޅުވީ، ކުޅިތަކަކީ އައްސޭރިފަށުގެ ރައްކާތެރިކަމަށާއި ދިރުންތަކަށް ނުހަނު ބޭނުންތެރި ތަންތަން ކަމަށެވެ. އަދި މި މަޝްރޫއުގެ ސަބަބުން އާންމު ރައްޔިތުންގެ ބައިވެރިވުމާއެކު ތިމާވެށި ހިމާޔަތްކުރުމުގެ ގާނޫނީ އޮނިގަނޑުތައް ހަރުދަނާވެ، ދެމެހެއްޓެނިވި ގޮތެއްގައި ތިމާވެށި ބެލެހެއްޓުމުގެ ގާބިލުކަން އިތުރުވެގެންދާނެ ކަމަށް އޭނާ ފާހަގަކުރެއްވިއެވެ.

މި ރަސްމިއްޔާތުގައި ޚާރިޖީ ވުޒާރާގެ އިސް ބޭފުޅުންނާއި، އީޔޫގެ ވަފުދުގެ މަންދޫބުން ބައިވެރިވެވަޑައިގެންނެވިއެވެ.

ހުޅުމާލެ ސްޓެލްކޯއާ ދިމާލުން ފަޅުތެރެއަށް ފޭބި ދިވެއްސަކު ގެއްލިގެން ހޯދަން ފަށައިފިއެވެ.