Author: މަރިޔަމް ނާޖިލާ އިމްރާން

އަވަސް ފަރުވާއަށް ހުޅުމާލެ ހޮސްޕިޓަލަށް ގެންދިޔަ ގައިދީއަކު، މިއަދު ފިލައިފިއެވެ.

ވ. އަލިމަތާ ކައިރީ ކަނޑުއަޑީގެ ހޮހޮޅައަކަށް ފީނަން ދިޔަ އިޓަލީ ޑައިވަރުންތަކުގެ ހަށިގަނޑުތައް ހޯދުމަށް ކުރިއަށްގެންދިޔަ އޮޕަރޭޝަންގައި އެންމެންގެ ހަށިގަނޑުތައް ނަގާފައިވީނަމަވެސް، އިތުރު ޑައިވްއެއް މިއަދު ކުރާނެ ކަމަށް ޑައިވާސް އެލާޓް ނެޓްވޯކް (ޑޭން) ޔޫރަޕުން ބުނެފިއެވެ.

މި އޮޕަރޭޝަން ކުރިއަށް ގެންގޮސްފައިވަނީ ދިވެހިރާއްޖޭގެ ކަމާބެހޭ އިދާރާތަކާއި އިޓަލީގެ ކަމާބެހޭ ފަރާތްތަކާ ގުޅިގެންނެވެ. ފިންލޭންޑްގެ ތަޖުރިބާކާރު ރިކަވަރީ ޓީމުން އިސްވެ ކުރިއަށްގެންދިޔަ މި މަސައްކަތުގައި ދިވެހި ސިފައިންނާއި ފުލުހުންގެ ފުރިހަމަ އެއްބާރުލުން ލިބިފައިވާކަން ޑޭން އިން ފާހަގަކުރެއެވެ.

އިއްޔެ ހެނދުނު ކަނޑުގެ ހާލަތު ރަނގަޅުވުމާ ގުޅިގެން ކުރިއަށްގެންދިޔަ ތިން ގަޑިއިރުގެ އޮޕަރޭޝަނުގައި، ހޮހަޅައިގެ އެންމެ އެތެރޭގައި ތިބި މީހުންގެ ހަށިގަނޑުތައް ވަނީ ބޭރަށް ނެރެ ނަގާފައެވެ.

ހޮހަޅައިގެ ތެރޭގައި ހުރި ހަނި ގޯޅިތަކާއި، ވެލީގެ ސަބަބުން ފެންނަ މިންވަރު ދަށްވުމުގެ ސަބަބުން ގޮންޖެހުންތައް ކުރިމަތިވީކަމަށާ، ނަމަވެސް ޓީމުން ވަރަށް ކާމިޔާބު މަސައްކަތްތަކެއް ކުރި ކަމަށް ޑޭން އިން ބުނެއެވެ.

މި އޮޕަރޭޝަނާ ގުޅޭގޮތުން ފިންލޭންޑްގެ ރެސްކިއު ޓީމުން ނެރުނު ބަޔާނެއްގައި ބުނެފައިވަނީ، ތިން ދުވަހުގެ ބުރަ މަސައްކަތަށްފަހު ހުރިހާ ހަށިގަނޑެއް ނެގިފައިވާ ކަމަށާއި، މިހާރު އެ މީހުންގެ ހަށިގަނޑުތައް ގައުމަށް ފޮނުވާލުމުގެ މަސައްކަތް ކުރިއަށްދާ ކަމަށެވެ. އަދި މި މަސައްކަތުގައި އެހީތެރިވި ޑޭން ޔޫރަޕް، އިޓަލީ އެމްބަސީ، އެމްއެންޑީއެފް، ފުލުހުން އަދި އަމަލީ ގޮތުން ބައިވެރިވި ވޮލަންޓިއަރުންނަށް ޓީމުން ވަނީ ޝުކުރު އަދާކޮށްފައެވެ.

މައިގަނޑު ރިކަވަރީ އޮޕަރޭޝަން ނިމުނު ނަމަވެސް، ފިންލޭންޑްގެ ޑައިވަރުން މިއަދުވެސް އެ ސަރަހައްދަށް ފީނުމަށް ވަނީ ހަމަޖެހިފައެވެ. މިއީ މި މިޝަންގެ އެންމެ ފަހު ފީނުން ކަމަށްވެސް ޓީމުން ބުނެއެވެ. މި ފީނުމުގެ ބޭނުމަކީ ހަށިގަނޑުތައް ހޯދުމުގެ މަސައްކަތުގައި ހޮހަޅަ ތެރޭގައި ބޭނުންކުރި ގައިޑް ލައިންތަކާއި އެހެނިހެން ސާމާނުތައް ނަގައި، އެ ސަރަހައްދު ކުރިން އޮތް ގޮތަށް އިއާދަކުރުމެވެ.

މީގެ އިތުރުން، މި ހާދިސާގެ ތަހުގީގަށް ބޭނުންވާ މައުލޫމާތު އެއްކުރުމަށާއި، ހޮހަޅައިގެ މެޕެއް ތައްޔާރުކޮށް ދިވެހި ސަރުކާރުގެ ކަމާބެހޭ އިދާރާތަކާ ހިއްސާކުރުމަށްޓަކައި އިތުރު ޑޮކިއުމަންޓޭޝަންގެ މަސައްކަތްވެސް މިއަދުގެ ފީނުމުގައި ކުރިއަށްދާނެ ކަމަށް ބުނެފައިވެއެވެ. ޑޭން ޔޫރަޕުން ބުނެފައިވަނީ މި މުޅި އޮޕަރޭޝަނުގައިވެސް އެންމެ އިސްކަމެއް ދީފައިވަނީ ޑައިވަރުންގެ ސަލާމަތާއި، މަރުވި ފަރާތްތަކާއި އެ އާއިލާތަކުގެ އިހުތިރާމް ކުރުމަށް ކަމަށެވެ.

މަގާމުގެ ނުފޫޒު ބޭނުންކޮށްގެން ބިދޭސީންތަކެއްގެ އަތުން ނާޖާއިޒު މަންފާ ނެގި ކަމަށް ތުހުމަތުކުރާ މައްސަލައިގައި، ކުރީގެ އިމިގްރޭޝަން ކޮންޓްރޯލަރު މުހައްމަދު ޝަމްއާން ވަހީދުގެ މައްޗަށް އުފުލާފައިވާ ދައުވާތަކުގެ ހުކުމް އިއްވުން މިއަދަށް ތާވަލް ކުރުމަށްފަހު، އެ އަޑުއެހުން ފަސްކޮށްފިއެވެ.

ޝަމްއާނަށް ހުކުމް ކުރުމުގެ އަޑުއެހުން ކްރިމިނަލް ކޯޓުން ތާވަލުކުރީ މިއަދު މެންދުރުފަހު 1:00 އަށެވެ.

ނަމަވެސް، އޭނާގެ ދިފާއީ ވަކީލު ރާއްޖޭން ބޭރުގައި ހުންނެވުމުން އަޑުއެހުން ފަސްކޮށްދޭން ވަނީ އެދިފައެވެ. އެކަމާ ގުޅިގެން އަޑުއެހުން އެހެން ދުވަހަކަށް ފަސްކުރަން ނިންމާފައިވާ ކަމަށް ކްރިމިނަލް ކޯޓުން ވަނީ ބުނެފައެވެ. ނަމަވެސް ދެން އެ އަޑުއެހުން އޮންނާނެ ދުވަހެއް ކޯޓުން ބުނެފައެއް ނުވެއެވެ.

ޕީޖީ އޮފީހުން ޝަމްއާންގެ މައްޗަށް ތިން ދައުވާއެއް ކޮށްފައިވެއެވެ.

އޭގެ ތެރެެއިން އެއް ދައުވާއަކީ ފޭރުމުގައި ބައިވެރިވުމުގެ ކުށުގެ ދައުވާއެވެ. އޭނާގެ މައްޗަށް އެ ކުށް ސާބިތުވެެއްޖެ ނަމަ، ތިން އަހަރާއި ދެ މަހާއި 12 ދުވަހުގެ ޖަލު ހުކުމެއް އަންނާނެއެވެ.

ދެވަނަ ދައުވާއަކީ ރަސްމީ ހައިސިއްޔަތު ނަހަމަ ގޮތުގައި ބޭނުންކުރުމުގެ ކުށުގެ ދައުވާ އެެެވެ. އެ ދައުވާ ސާބިތުވެއްޖެ ނަމަ، އެއް އަހަރާއި ހަތް މަހާއި ހަ ދުވަހުގެ ޖަލު ހުކުމެއް އަންނާނެއެވެ.

ތިންވަނައަށް ކޮށްފައިވާ މަނީ ލޯންޑްރިންގެ ދައުވާއެވެ. އެ ދައުވާ ސާބިތުވެއްޖެ ނަމަ، އެއްލައްކަ ރުފިޔާ އާއި އެއް މިލިއަން ރުފިޔާއާ ދެމެދުގެ އަދަދަކުން ޖޫރިމަނާ ކުރުމާއެކު ފަސް އަހަރާއި 15 އަހަރާ ދެމެދުގެ މުއްދަތަކަށް ޖަލަށްލުން ނުވަތަ ކުށުގެ އަމަލު ހިންގުމުގައި ބޭނުންކުރި ފައިސާގެ އަދަދު (ލޯންޑާކުރި ފައިސާގެ އަދަދު)ގެ ފަސް ގުނައަށްވުރެ އިތުރު ނުވާ އަދަދަކުން ޖޫރިމަނާ ކުރުމާއެކު ފަސް އަހަރާއި 15 އަހަރާ ދެމެދުގެ މުއްދަތަކަށް ޖަލަށްލުމަށް ހުކުމްކުރާނެއެވެ.

މި ދައުވާތަކަށް ޝަމްއާން ވަނީ އިންކާރުކޮށްފައެވެ.

ކުރިއަށް އޮތް 2028 ވަނަ އަހަރުގެ ރިޔާސީ އިންތިޚާބު އެމްޑީޕީއަށް ކާމިޔާބު ކުރެވެން އޮތީ ޕާޓީގެ ޗެއަރޕާސަން ކަމުގެ މަގާމަށް މީކާއީލް އަހުމަދު ނަސީމް ހޮވައިގެން ކަމަށް އެމްޑީޕީގެ ޕާލިމެންޓަރީ ގްރޫޕް (ޕީޖީ) ގެ ލީޑަރު އަދި ހިތަދޫ ދެކުނު ދާއިރާގެ މެންބަރު އިބްރާހީމް ނާޒިލް ވިދާޅުވެއްޖެއެވެ.

ރޭ ޅ. ހިންނަވަރުގައި ބޭއްވި އެމްޑީޕީގެ “އިތުބާރު” ޖަލްސާގައި ވާހަކަދައްކަވަމުން ނާޒިލް ވިދާޅުވީ، އޭނާ ތަމްސީލުކުރައްވާ ދާއިރާއަކީ 2,255 މެންބަރުންނާއެކު މުޅި އެމްޑީޕީގައިވެސް އެންމެ މެންބަރުން ގިނަ ދާއިރާ ކަމަށެވެ. އަދި 2023 ވަނަ އަހަރުގެ ރިޔާސީ އިންތިޚާބަށްފަހު، އެ ދާއިރާގެ އާންމު މެންބަރުންގެ ފަރާތުން ވަރަށް ސާފު މެސެޖެއް ލިބިފައިވާކަން އޭނާ ހާމަކުރެއްވިއެވެ.

“އަޅުގަނޑުމެންނަށް 2023 ގެއްލުވާލަން އެންމެ އިސްދައުރު އަދާކުރި ފަރާތަށް ވޯޓު ހޯދަންށޭ ކިޔާފަ ދުވަހަކުވެސް ތިމަންނަމެން ކައިރިއަށް އަޅުގަނޑު އައިސްގެން ނުވާނެ ކަމަށް އެބޭފުޅުން ވިދާޅުވި،” ދާއިރާގެ މެންބަރުންނާ ހަވާލާދީ ނާޒިލް ވިދާޅުވިއެވެ.

ނާޒިލްގެ ވާހަކަފުޅުގައި، ޕާޓީގެ އެތެރޭގެ ހިންގުން ހަރުދަނާކޮށް ކުރިއަށް އޮތް ބޮޑު އިންތިޚާބު ކާމިޔާބު ކުރުމަށްޓަކައި ޗެއަރޕާސަންގެ މަގާމަށް މީކާއީލް ހޮވުން މުހިންމުކަން ވަނީ ވަރަށް ބޮޑަށް ފާހަގަކުރައްވާފައެވެ.

އެމްޑީޕީގެ އެތެރޭގެ ސިޔާސީ ފޯރިގަދަވެފައިވާ މި ދަނޑިވަޅުގައި، ޕީޖީ ލީޑަރުގެ މި ވާހަކަތަކާއެކު ޕާޓީގެ ކުރިމަގާ މެދު ކުރެވޭ ބަހުސްތައް ވަނީ އިތުރަށް ހޫނުވެފައެވެ.

ދިވެހި ފުލުހުންގެ އެންޓި-ސްކޭމް ސެންޓަރު ހިމެނޭހެން، ދިހަ ގައުމަކާ އެކީ ކުރިއަށް ގެންދިޔަ އޮޕަރޭޝަން ފްރޮންޓިއާ ނިންމައިލައި، ރާއްޖޭން 16 މީހަކު ހައްޔަރުކޮށްފިއެވެ.

ވ. އަތޮޅުގެ ކަނޑުއަޑީގެ ހޮހޮޅައަކަށް ޑައިވިންއަށް ގޮސް އުޅެނިކޮށް ގެއްލުނު އިޓަލީގެ ފަތުރުވެރިން ހޯދުމުގެ މަސައްކަތުގައި އުޅެނިކޮށް މަރުވި އެމްއެންޑީއެފްގެ ސާޖަންޓް ފަސްޓް ކްލާސް މުހައްމަދު މަހުދީގެ މަރުގެ ހާދިސާ ފުލުހުން ތަހުގީގު ކުރަން ފަށައިފިއެވެ.

މިދިޔަ ހޮނިހިރު ދުވަހު ހިނގި މި ހާދިސާގައި މަހުދީ މަރުވީ، ގެއްލުނު މީހުން ހޯދުމުގެ ރެސްކިއު އޮޕަރޭޝަނުގައި ހަރަކާތްތެރިވަނިކޮށް ހާލު ދެރަވެގެން އޭޑީކޭ ހޮސްޕިޓަލަށް ގެންގޮސް ފަރުވާ ދެމުންދަނިކޮށެވެ.

ފުލުހުން މިރޭ ބުނީ މަހުދީ ނިޔާވާން މެދުވެރިވި ސަބަބު ދެނެގަތުމަށްޓަކައި މިހާރު ވަނީ ތަހުގީގު ފަށާފައި ކަމަށެވެ.

ނަމަވެސް، މި މައްސަލައާ ގުޅޭ އިތުރު އެއްވެސް ތަފްސީލެއް ފުލުހުން ހާމައެއް ނުކުރެއެވެ.

މި ހާދިސާގައި ގެއްލުނު އިޓަލީގެ ފަސް ފަތުރުވެރިން ހޯދުމުގެ މަސައްކަތް މަހުދީގެ މަރަށްފަހު ވަގުތީ ގޮތުން މެދުކަނޑާލިއެވެ. ނަމަވެސް، ފަހުން ފިންލެންޑްގެ ތިން ޑައިވަރަކު ގުޅިގެން ކުރި މަސައްކަތުން، ހޮހޮޅައިގެ ތެރޭގައި ތާށިވެފައި ތިބި އިޓަލީގެ ހަތަރު ޑައިވަރުންގެ ހަށިގަނޑު ވަނީ ނަގައިފައެވެ.

މި ހާދިސާގައި މަރުވެފައިވަނީ:

• މޮނިކާ މޮންޓެފަލްކޯން (52 އަހަރު)
• ޖިއޯޖިއާ ސޮމަކާލް (20 އަހަރު)
• މުރީއެލް އޮޑެނިނޯ (31 އަހަރު)
• ޖިއަންލުކާ ބެނެޑެޓީ (44 އަހަރު އިންސްޓްރަކްޓަރު)
• ފެޑެރީކޯ ގުއަލްޓިއަރީ (31 އަހަރު)

މީގެ ތެރެއިން ޑައިވިން އިންސްޓްރަކްޓަރުގެ ހަށިގަނޑު ފެނިފައިވަނީ މިދިޔަ ބުރާސްފަތި ދުވަހު ހޮހޮޅައިގެ ދޮރުމަތިންނެވެ.

ވ. އަލިމަތާ ކޭވްއަށް ކުރި ޑައިވްގައި މަރުވި އެންމެންގެ ހަށިތައް ފެނި، އެ ހަށިތައް ނެގުމުގެ މަސައްކަތް ނިންމައި، މާދަމާ ކުރާނީ އެންމެ ފަހު ޑައިވް ކަމަށް ޑައިވާޒް އެލާޓް ނެޓްވޯކް ޔޫރަޕް (ޑޭން ޔޫރަޕު) އިން މިރޭ ބުނެފިއެވެ.

ނުކުޅެދުންތެރިކަން ހުންނަ މީހުންގެ ބަދަލުގައި ބެލެނިވެރިންނަށް ފުލެޓަށް ކުރިމަތިލާން މިއަދު ހުޅުވާލައި، 25 ދުވަހުގެ މުއްދަތެއް ދީފިއެވެ.

އާންމު ސިއްހަތާއި ރައްކާތެރިކަމުގެ ޚިދުމަތްތައްދޭ ދަމަނަވެށި އަންނަ މަހު ބަންދުކޮށް، ޚިދުމަތްތައް ވަގުތީ ގޮތުން ބަދަލުކުރަން ހެލްތު މިނިސްޓްރީން ނިންމައިފިއެވެ.