Author: މަރިޔަމް ނާޖިލާ އިމްރާން

ފުލުހުން ބުނިގޮތުގައި ހޯމަ ދުވަހު ހިންގި އެ އޮޕަރޭޝަނުގައި ހައްޔަރުކޮށްފައިވަނީ ތ. ތިމަރަފުށީ، ސައިމާގެ، އުމުރުން 43 އަހަރުގެ އަޙްމަދު ޖިނާޙުއާއި، ހއ.ހޯރަފުށި، ހައުސްޓަން އުމުރުން 28 އަހަރުގެ އަޙްމަދު ސަޢީދުއާއި ގދ. މަޑަވެލި، އަބުމާގެ މުޙައްމަދު އަނޫފްގެ އިތުރުން ގދ. ހޯޑެއްދުއަށް ނިސްބަތްވާ އުމުރުން 28 އަހަރުގެ އަޙްމަދު މަޢީޝްއެވެ.

މި އެންމެން ވެސް ހައްޔަރުކޮށްފައިވަނީ މަސްތުވާތަކެތި ބޭނުންކޮށް، ގެންގުޅެ އަދި އެ ތަކެތީގެ ވިޔަފާރިކުރާކަމަށް ތުހުމަތުކުރެވޭ މައްސަލައާ ގުޅިގެން ކޯޓުއަމުރުގެ ދަށުން ކަމަށް ފުލުހުން ވަނީ ބުނެފައެވެ.

މި މައްސަލައާ ގުޅިގެން އެ މީހުންގެ ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން އަޙްމަދު ޖިނާޙުއާއި، އަޙްމަދު ސަޢީދު 15 ދުވަހަށް ބަންދުކުރުމަށް އަދި މުޙައްމަދު އަނޫފްއާއި، އަޙްމަދު މަޢީޝް ފަސް ދުވަހަށް ބަންދުކުރުމަށް ކޯޓުން އަމުރުކޮށްފައިވާކަމަށް ފުލުހުން ވަނީ ބުނެފައެވެ.

ފުލުހުން ބުނީ އެ އޮޕަރޭޝަނުގައި ޖުމްލަ ފަސް އެޕާޓްމެންޓެއް ބަލައި ފާސްކޮށްފައިވާ ކަމަށާއި ބަލައި ފާސްކުރުމުގެ ތެރެއިން 100.09 ގުރާމުގެ މަސްތުވާތަކެތި ކަމަށް ބެލެވޭތަކެތި ފެނިފައިވާ ކަމަށެވެ.

އަދި މި މައްސަލަ ފުލުހުން ތަހުގީގު ކުރަމުންދާކަމަށްވެސް ވަނީ ބުނެފައެވެ.

މަސްތުވާތަކެތީގެ މައްސަލަތަކީ މިފަހަކަށް އައިސް ވަރަށް އާންމުވެފައިވާ މައްސަލައެކެވެ.

ފުލުހުން ވަނީ ނިމުނު އާދީތަ ދުވަހު ޑްރޯންއެއް ބޭނުންކޮށްގެން މާފުށީ ޖަލަށް މަސްތުވާތަކެތި އެތެރެކުރަން އުޅެނިކޮށް އެތަކެތި އަތުލައިގަނެފައެވެ.

ޝަހުޒާންގެ އިތުރުން އެ ނޫހުގެ ނޫސްވެރިޔާ ލީވާން އަލީ ނާސިރު ވެސް ވަނީ މީގެ ކުރިން ހުކުމް ތަންފީޒުކޮށް ނިމުމުން މިނިވަންވެފައެވެ. ކްރިމިނަލް ކޯޓުން ޝަހުޒާން ޖަލަށްލުމަށް ހުކުމްކުރީ 15 ދުވަހަށެވެ. އަދި ލީވާން ޖަލަށްލުމަށް ހުކުމްކުރީ 10 ދުވަހުގެ މުއްދަތަށެވެ.

މި ދެ ނޫސްވެރިން ޖަލަށްލުމަށް ކްރިމިނަލް ކޯޓުން ނިންމީ، ގަޒުފުކުރިކަމުގެ ތުހުމަތުގައި ‘އަދަދު’ ނޫހުގެ އިސްވެރިންގެ މައްޗަށް އުފުލާފައިވާ ދައުވާތަކާ ގުޅިގެން ނެރުނު އަމުރަކާ ޚިލާފުވި ކަމަށް ބުނާ މައްސަލައިގައެވެ. މި މައްސަލައިގެ ޝަރީއަތް ކުރިއަށް ގެންގޮސްފައިވަނީ ސިއްރުންނެވެ.

މި މައްސަލައާ ގުޅިގެން ‘އަދަދު’ ނޫހުގެ ސީއީއޯ ހުސައިން ފިޔާޒު މޫސާ މީގެ ކުރިން ވިދާޅުވެފައިވަނީ، ދެ ނޫސްވެރިން ޖަލަށްލީ ތުހުމަތުތަކުން ދިފާއުވުމަށް އެއްވެސް ފުރުސަތެއް ނުދީ ކަމަށެވެ. މި ހުކުމްތައް ހައިކޯޓުގައި އިސްތިއުނާފު ކުރުމުން، އެ ކޯޓުން މިހާރު ވަނީ މި މައްސަލަ ބަލައިގެންފައެވެ. ނަމަވެސް، މައްސަލައިގެ އަޑުއެހުންތައް ފަށާނެ ތާރީޚެއް ހައިކޯޓުން އަދި ހާމަކޮށްފައެއް ނުވެއެވެ.

ދެ ނޫސްވެރިން ޖަލަށްލީ މައްސަލައިގައި ބައިނަލްއަގުވާމީ ޖަމިއްޔާތަކުން ވަނީ ބޮޑެތި ކަންބޮޑުވުންތަކެއް ފާޅުކޮށްފައެވެ. އެގޮތުން އިންޓަނޭޝަނަލް ފެޑެރޭޝަން އޮފް ޖާނަލިސްޓްސް (އައިއެފްޖޭ) އާއި ކޮމިޓީ ޓު ޕްރޮޓެކްޓް ޖާނަލިސްޓްސް (ސީޕީޖޭ) އިން ވަނީ މި ނިންމުން ކުށްވެރިކޮށް، ނޫސްވެރިން ވަގުތުން ދޫކޮށްލުމަށް ގޮވާލާފައެވެ.

މީގެ އިތުރުން، ހިއުމަން ރައިޓްސް ކޮމިޝަން އޮފް ދަ މޯލްޑިވްސް (އެޗްއާރުސީއެމް) އިން ވެސް ވަނީ މި މައްސަލަ ތަހުގީގު ކުރަން ފަށާފައެވެ. އެ ކޮމިޝަނުން ވަނީ ޖަލުގައި ތިބި ނޫސްވެރިންނާ ބައްދަލުކޮށް، އެ މީހުންގެ ހާލަތު ބަލައި، ކަންކަން ހިނގައިދިޔަ ގޮތް އޮޅުންފިލުވާފައެވެ.
މި ދެ ނޫސްވެރިން ވެސް މިހާރު މިނިވަންވެފައި މިވަނީ، ކޯޓުން އިއްވި ޖަލު ހުކުމުގެ މުއްދަތު އެއްކޮށް ތަންފީޒުކޮށް ނިމުމުންނެވެ.

މި ހާދިސާ ހިނގާފައިވަނީ ރޭގެ ވަގުތެއްގައި، އީދަށް ތައްޔާރުވުމުގެ ގޮތުން ކުރަމުންދިޔަ މަސައްކަތްތަކުގެ ތެރޭގައި ކަމަށް މައުލޫމާތު ލިބެއެވެ. މައުލޫމާތު ލިބިފައިވާ ގޮތުގައި، އެ ކުއްޖާގެ ގައިގައި ކަރަންޓު ޖެހުނީ މަގުމަތީގައި ހުރި ކަރަންޓު ފޮއްޓަކުން ބޯޑު ވާގަނޑަކަށް ކަރަންޓު ނަގަން އުޅުމުގެ ތެރޭގައެވެ.

ހާދިސާ ހިނގި ވަގުތުން ފެށިގެން އެ ކުއްޖާއަށް ލ. ގަމު ރީޖަނަލް ހޮސްޕިޓަލުގައި ފަރުވާ ދޭން ފެށިއެވެ. ނަމަވެސް ކުއްޖާގެ ހާލު ސީރިއަސްވުމާ ގުޅިގެން، އެ ހޮސްޕިޓަލުގެ ވެންޓިލޭޓަރުގައި ފަރުވާ ދިނުމަށްފަހު، އިތުރު ފަރުވާއަށް މިއަދު ވަނީ މާލެއަށް ފޮނުވާލައިފައި ކަމަށް މައުލޫމާތު ލިބެއެވެ.

މިކަމާ ގުޅޭގޮތުން “ސަން” އަށް މަޢުލޫމާތު ދެމުން އައިޖީއެމްއެޗުން ބުނީ، އެ ކުއްޖާ ހޮސްޕިޓަލަށް ގެނައުމުގެ މަސައްކަތް މިހާރު ކުރަމުން އަންނަ ކަމަށެވެ.

އަދި ކުއްޖާ ހޮސްޕިޓަލަށް ގެނައުމާއެކު، ލަސްކުރުމެއް ނެތި ފަރުވާގެ ކަންކަން ވަގުތުން ފެށުމަށް ޓަކައި ހޮސްޕިޓަލުގެ ޓީމު އޮތީ ފުރިހަމައަށް ތައްޔާރުވެފައި ކަމަށް ވެސް އެ ހޮސްޕިޓަލުން ބުނެފައިވެއެވެ.

ފިނޭންސް މިނިސްޓްރީން އެހެން ބުނީ، ސަރުކާރުގެ އެކި އިދާރާތަކުގެ މުވައްޒަފުން މި މަހުގެ މުސާރަ ނުލިބޭތީ ކަންބޮޑުވުން ފާޅުކުރަމުން އަންނަ ދަނޑިވަޅެއްގައެވެ. ބައެއް މުވައްޒަފުން އުންމީދުކޮށްގެން ތިބީ އީދު ބަންދުގެ ކުރިން މުސާރަ ޖަމާވާނެ ކަމަށެވެ.

އެ ކަމާ ގުޅޭގޮތުން މީޑިއާތަކުން ކުރި ސުވާލަކަށް ޖަވާބު ދެއްވަމުން ފިނޭންސް މިނިސްޓްރީގެ އޮފިޝަލަކު ވިދާޅުވީ، މުސާރަ ދޫކުރުމަށް ހަމަޖެހިފައި ވަނީ، މި މަހުގެ 28އާއި 31ގައި ކަމަށެވެ. އެއީ، އީދު ބަންދާ ގުޅިގެން އެ ދުވަސްވަރު ބޭންކުތައް ހުޅުވާފައި ހުންނާނެ ވަގުތުތަކަށް ރިއާޔަތްކުރުމަށްފަހު ކަމަށް އޮފިޝަލް ވަނީ ވިދާޅުވެފައެވެ.

އީދު ބަންދާ ގުޅިގެން ސަރުކާރުގެ އޮފީސްތައް މި މަހުގެ 22 އިން ފެށިގެން ބަންދުކޮށްފައިވާއިރު، އޮފީސްތައް އަލުން ހުޅުވޭނީ 31 މެއި ގައެވެ. އަދި، ބަންދު ދުވަސްތަކުގެ ތެރެއިން ބޭންކުތައް ހުޅުވުމަށް ހަމަޖެހިފައިވަނީ ހަމައެކަނި 28 މެއިވާ އަންނަ ބުރާސްފަތި ދުވަހުއެވެ.

“ދައުލަތުގެ މާލިއްޔަތު ގަވާއިދުގައިވާ ގޮތުން ކޮންމެ މަހެއްގެ މުސާރަ ދޫކުރަންޖެހެނީ އެ މަހެއްގެ ރަސްމީ ބަންދު ނޫން ފަހު ތިން ދުވަހުގެ ތެރޭގައި. އެހެންކަމުން މެއި މަހުގެ މުސާރަ އާއި އިނާޔަތްތައް ދޫކުރާނީ 28 އަދި 31 މެއިގައި،” އޮފިޝަލް ވިދާޅުވިއެވެ.

މީގެއިތުރުން، މާލިއްޔަތު ގަވައިދާ އެއްގޮތްވާ ގޮތުގެ މަތިން މުސާރަ ދޫކުރުމަށް ކަނޑައެޅިފައިވާ ތާވަލާ އެއްގޮތަށް ސަރުކާރުން އެކަން ކުރިއަށް ގެންދާނެކަން ފިނޭންސް މިނިސްޓްރީން ފާހަގަކުރިއެވެ.