Author: މަރިޔަމް ނާޖިލާ އިމްރާން

ހުޅުމާލެ ބަލަހައްޓާ, ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ)އިން ބުނީ، އެ ޖެޓީ ބަންދުކުރީ، ބާޖެއް ގާތް ކުރަން އުޅުމުގެ ތެރޭގައި ޖެޓީއަށް ބޮޑެތި ގެއްލުންތަކެއް ވެފައިވާތީ ކަމަށެވެ.

އެހެންވެ، އެ ސަރަހައްދުގެ ރައްކާތެރިކަން ކަށަވަރުކުރުމަށް އެސެސްމަންޓުތައް ހަދައި، މަރާމާތަށް ފަހު އަލުން ހުޅުވަންދެން ލަކުޑި ޖެޓީއަށް އެރުމަކީ މިއަދުން ފެށިގެން ވަގުތީ ގޮތުން މަނާ ކަމެއް ކަމުގައި އެ ކުންފުނިން ބުންޏެވެ.

އެޗްޑީސީން ވަނީ، މަރާމާތުގެ މަސައްކަތް ނިމެންދެން އެއްވެސް ކަމަކަށް ލަކުޑީ ޖެޓީ ބޭނުންނުކުރުމަށް އެދިފައެވެ. ނަމަވެސް، ޖެޓީ ހުޅުވާނެ ވަކި ތާރީޚެއް އެޗްޑީސީން ހާމައެއް ނުކުރެއެވެ.

ވަގުތީ ގޮތުން، ލަކުޑި ޖެޓީ ބަންދުކުރިއިރު، އެއީ ހުޅުމާލެއަށް އަންނަ އެތައް ބަޔަކު ފުރުމަށް ބޭނުން ކުރާ ސަރަހައްދެކެވެ. އަދި، ކޮފީ ބުއިން ފަދަ ހިތް އުފާކޮށްލާ ފަދަ ކަންކަމުގައި ލަކުޑި ޖެ ޓީއަށް ޒިޔާރަތްކުރާ މީހުން ވެސް މަދެއް ނޫނެވެ.

ނަމަވެސް، ހުޅުމާލެއިން ފުރުމަށް އެހެން ސަރަހައްދެއް ހަމަޖެއްސި ކަމެއް އެ ކުންފުނިން ހާމައެއް ނުކުރެއެވެ.

ދިރާގުން ބުނީ، މި އަހަރު ޢީދު ބޮނޑިބަތް ބެހުމަށް ހަމަޖެހިފައި ވަނީ ހުޅުމާލޭގައި ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ)އާ ގުޅިގެން، އަދި މާލޭގައި ސިޓީ ކައުންސިލާ ގުޅިގެން ކަމަށެވެ.

ޢީދު ނަމާދަށްފަހު މި ހަރަކާތް ހުޅުމާލޭގައި ހުންނަ ދުވާ ޓްރެކާއި މާލޭގައި ސަލްމާން މިސްކިތް ހުންނަ ސަރަހައްދުގައި ކުރިއަށް ދާނެ ކަމަށް، ދިރާގުން ބުންޏެވެ.

މި ހަރަކާތް ކުރިއަށް ގެންދަނީ، ދިރާގުން ބުނިގޮތުގައި، ދިވެހި ސަގާފަތާއި އާދަކާދަ ދިރުވައި އާލާކުރުމުގެ ގޮތުން، އަޟްޙާ ޢީދުގެ އުފަލުގައި ގިނަ ބަޔަކު ބައިވެރިކޮށް، މުޖުތަމައުގެ މެދުގައި އޮންނަ ގުޅުން ވަރުގަދަ ކުރުމުގެ މަގުސަދުގައެވެ.

ކޮރަޕްޝަނުގެ މައްސަލަތައް ބެލުމުގެ ޒިންމާ މަތިކޮށްފައިވާ އޭސީސީއަކީ ފެއިލްވެފައިވާ މުއައްސަސާއެއް ކަމަށް ސިފަކުރައްވައި، އެ ކޮމިޝަން އިސްލާހުކުރުމަށް ކުރީގެ ޕްރޮސެކިއުޓަރު ޖެނެރަލް ޙުސައިން ޝަމީމް ވަނީ މުހިންމު ހުށަހެޅުންތަކެއް އާންމުކުރައްވައިފައެވެ.

އެގޮތުން، ޝަމީމް ހުށަހެޅުއްވީ، ފަސް ކޮމިޝަނަރުންގެ ބަދަލުގައި އެންމެ އެންޓި-ކޮރަޕްޝަން ކޮމިޝަނަރަކު އައްޔަންކުރުމަށެވެ.

ޝަމީމްގެ އެ ހުށަހެޅުއްވުމާ ގުޅޭގޮތުން ޝާއިއުކޮށްފައިވާ ޚަބަރެއް ‘ފޭސްބުކް’ގައި ހިއްސާކުރައްވައި ޢަލީ ލިޔުއްވައިފައި ވަނީ އޭސީސީގެ މެންބަރުންނަކީ ރައްޔިތުންގެ ވޯޓަކުން ހޮވައި، ނުވަތަ ވަކިނުކުރެވޭ ބަޔަކަށް ހަދައިގެން ނޫނީ އެ މުއައްސަސާ މިނިވަނެއް ނުވާނެ ކަމަށާއި، ރާއްޖޭގެ ކޮރަޕްޝަނެއް ނުހުއްޓުވޭނެ ކަމަށެވެ.

“އެންޓި-ކޮރަޕްޝަން ކޮމިޝަނަރަކީ ސީދާ ރައްޔިތުންގެ ވޯޓަކުން ހޮވާ މީހަކަށް ނުހަދާހާ ދުވަހަކު ރަނގަޅެއް ނުވާނެ، މަޖިލީހުން ހޮވާ ގޮތަށް އޮތަސް އަންނާނީ ހަމަ ރައީސުލްޖުމްހޫރިއްޔާ ބޭނުންވާ މީހާ. ރައްޔިތުންގެ މަޖްލިސް ފެންނަނީ ސަރުކާރުގެ ޑިޕާޓްމަންޓެއްގެ ގޮތުގައި،” ޢަލީ ކުރެއްވި އިތުރު ޕޯސްޓެއްގައި ވެއެވެ.

އަމިއްލަ ބްލޮގުގައި ލިޔުއްވި ޕޯސްޓެއްގައި ޝަމީމް ހުށަހަޅުއްވައިފައި ވަނީ ފަސް މެމްބަރުންގެ ބަދަލުގައި އެންމެ ކޮމިޝަނަރެއް އައްޔަންކުރުމަށެވެ. ޕްރޮސެކިއުޓަރު ޖެނެރަލް އަދި ޓެކްސް ކޮމިޝަނަރު، އެންޓި-ކޮރަޕްޝަން ކޮމިޝަނަރުވެސް ރައްޔިތުންގެ މަޖިލީހުން އައްޔަންކުރާ ގޮތަށް ހަމަޖެއްސުމަށް އޭނާ ހުށަހެޅުއްވިއެވެ.

މި މޮޑެލްގައި ކޮމިޝަނަރުގެ ދަށުން ދެ ޑެޕިއުޓީން ތިބޭނެއެވެ. އެއީ ތަހުގީގީ ދާއިރާގެ ތަޖުރިބާހުރި ބޭފުޅަކާއި، ޕްރޮސެކިއުޝަން އަދި ގާނޫނީ ދާއިރާގެ ތަޖުރިބާހުރި ބޭފުޅެކެވެ. މީގެ އިތުރުން ޗީފް އެގްޒެކެޓިވް އޮފިސަރެއް ހުރުމަށްވެސް ހުށަހަޅުއްވައިފައިވެއެވެ.

މީގެ އިތުރުން، ޕްރޮސެކިއުޓަރު ޖެނެރަލްގެ އޮފީހުން ދެ ތިން ޕްރޮސިކިއުޓަރުންނާއި، ހޭލުންތެރިކުރުމުގެ ޕްރޮގްރާމްތަކަށް ތައުލީމީ ދާއިރާއިން ޓީޗަރުން ވީއްލުމަށްވެސް ހުށަހަޅައިފައިވެއެވެ.

ކޮމިޝަނުގައި ދާއިމީކޮށް ތިބޭނީ ހަމައެކަނި އިދާރީ މުވައްޒަފުން ކަމަށާއި، އެ މުވައްޒަފުންނަކީވެސް ކޮންމެ ތިން އަހަރަކުން އެހެން އިދާރާތަކަށް ބަދަލުވާ ބަޔަކަށް ހެދުމުން ކޮރަޕްޓްވުމުގެ ފުރުސަތު ބަންދުވާނެކަމަށް ޝަމީމް ފާހަގަކުރެއްވިއެވެ.

ކޮރަޕްޝަނަކީ ރާއްޖޭގައި ބޮޑުވެފައި އޮތް މައްސަލައެކެވެ. އެކިއެކި މަޝްރޫއުތަކުން ވެސް ކޮރަޕްޝަން ހިންގާކަމުގެ ޝަކުވާ ބޮޑެވެ. އަދި، އެފަދަ މައްސަލަތައް އޭސީސީން އެންމެ އެކަށީގެންވާ ގޮތުގައި ތަހުގީގުނުކުރާކަމުގެ ޝަކުވާ ވެސް އާންމުން ކުރެއެވެ.

މިދިޔަ މާރިޗު މަހުގެ 27ވަނަ ދުވަހު ފުލުހުން ބުނީ، ހުޅުމާލޭގައި އިމާރާތްކުރަމުންދާ ތަނެއްގެ ތެރޭ ބަންގްލަދޭޝް މީހަކަށް އަނިޔާކޮށް ރަހީނުކުރި މައްސަލައެއް، އެ މަހުގެ 25ވަނަ ދުވަހު ފުލުހުންނަށް ހުށަހެޅި ކަމަށެވެ. ރަހީނުކުރި މީހާ ހޯދުމުގެ މަސައްކަތް ކުރަމުންދަނިކޮށް، ފުލުހުންނަށް އެ މީހާ ފެނުނީ ވިލިމާލޭންނެވެ.

އެ މައްސަލައިގައި ހައްޔަރުކުރި މީހުންގެ މައްޗަށް ކޮށްފައި ވަނީ، ހުއްދަ ނޫން ގޮތުގައި މީހުން ހިފެހެއްޓުމާއި، ބިރުދެއްކުމާއި، ރަހީނުކުރުމާއި މާރާމާރީގެ ތުހުމަތެވެ.

މި މައްސަލައިގައި ފުލުހުން ބަންގްލަދޭޝަށް ނިސްބަވްތާ ފަސް މީހަކު ހައްޔަރުކުރިއެވެ. އެއީ:

• ރަސަލް (20އ)
• އެމްޑީ ހޮސައިން (30އ)
• އެމްޑީ މެހެދި ހަސަން (34އ)
• ސާފިފް ހަސަން (38އ)
• އެމްޑީ ޝާ އަލަމް (39އ)

އޭޕްރިލް މަހުގެ 10ވަނަ ދުވަހު އޮތް އަޑުއެހުމުގައި މި އެންމެންގެ ތެރެއިން، އެމްޑީ ހޮސައިން ވަނީ، އެ މައްސަލައިގައި ނުރައްކާތެރި ހަތިޔާރު ބޭނުންކޮށްގެން މީހަކަށް ޖިސްމާނީ ބޮޑެތި އަނިޔާތަކެއް ދީފައިވާ ކަމަށް އިންވެސްޓިގޭޓިވް އޮފިސަރު (އައިއޯ) ފާހަގަކުރެއްވިއެވެ. އަދި އެއީ ގިނަ ބަޔަކު ބައިވެރިވެގެން ހިންގާފައިވާ އަމަލެއް ކަމަށާއި އެކަމުގައި އެންމެ އިސްކޮށް ހަރަކާތްތެރިވީ އެމްޑީ ހޮސައިން ކަމަށް އެ އަމުރުގައިވެއެވެ.

ކޯޓު އަމުރުގައި ވަނީ އޭނާ ތުހުމަތަށް އިއުތިރާފުވެ، އެކަން ހިނގި ގޮތް ކިޔައިދީފައިވާ ކަމަށެވެ. އެގޮތުން، މާރާމާރީ ހިންގަން ޖެހުނީ އޭނާ ދީފައިވާ ޕާސްޕޯޓުތަކެއް އަނބުރާ ރައްދު ނުކުރުމުން ކަމަަށް އޭނާ ބުނެފައިވެއެވެ.

މީގެ އިތުރުން، މާރާމާރީ ހިންގިއިރު ނުރައްކާތެރި ހަތިޔާރެއް ބޭނުންނުކުރާ ކަމަށާއި، މާރާމާރީ ހިންގީ އަތުން ކަމަށް ބުނެފައިވެއެވެ.

އެކަމަކު މި މަހުގެ 10ވަނަ ދުވަހު އޭނާގެ ބަންދު މުރާޖައާކުރުމަށް ބޭއްވި އަޑުއެހުމުގައި ވަނީ ތުހުމަތުތަކަށް އިންކާރުކޮށްފައެވެ.

ކްރިމިނަލް ކޯޓުން އެ ދުވަހު އެމްޑީ ހޮސައިންގެ ބަންދަށް 30 ދުވަސް އިތުރުކުރިއިރު، ދެން ތިބި ހަތަރު މީހުން ޝަރީއަތް ނިމެންދެން ބަންދުކުރުމަށް އަމުރުކުރީ މިއަދެވެ.

މި މައްސަލައިގައި މިދިޔަ މަހު އޮތް އަޑުއެހުމުގައި ވާހަކަ ދައްކަމުން، އެމްޑީ ޝާ އަލަމް ވަނީ، މާރާމާރީ ހިންގި ތަނުގައި އޭނާ ދިރިއުޅޭ ނަމަވެސް، އޭނާ އެއްވެސް މާރާމާރީއެއް ނުހިންގާ ކަމަށާއި އަނިޔާއެއް ވެސް ނުދޭ ކަމަށް ބުނެފައެވެ.

އެމްޑީ މެހެދި ހަސަން ވެސް ވަނީ، މާރާމާރީ ހިންގި ތަނުގައި ހުރި ނަމަވެސް، އޭނާ އެއްވެސް މާރާމާރީއެއް ހިންގައި އަނިޔާއެއް ކޮށްފައި ނުވާނެ ކަމަށް ބުނެފައެވެ. އަދި ސާފިސް ހަސަންއާއި ރަސަލް ވެސް ވަނީ، މާރާމާރީއެއް ނުހިންގާ ކަމަށާއި އަނިޔާއެއް ނުކުރާ ކަމަށް ބުނެފައެވެ.

ފުލުހުން އަންނަނީ އެ މައްސަލަ ތަހުގީގު ކުރަމުންނެވެ.