Author: މަރިޔަމް ނާޖިލާ އިމްރާން

ފުލުހުން މައުލޫމާތު ދީފައިވާ ގޮތުގައި، މި ހާދިސާ ހިނގާފައިވަނީ 29 މެއި 2026 ވަނަ ދުވަހުއެވެ. މެދުރާއްޖެތެރޭގެ ރަށެއްގައި ހިނގި މި ހާދިސާގެ ރިޕޯޓު ލިބުމާއެކު، ފުލުހުން އަންނަނީ މިކަމާ ގުޅޭ ތަހުގީގުތައް ކުރަމުންނެވެ.

މި ހާދިސާގައި ވެއްޓުނު ކުއްޖާގެ ހާލަތާ ގުޅޭގޮތުން ފުލުހުން ބުނީ، އެ ކުއްޖާއަށް “ބޭރުފުށުން އެއްވެސް އަނިޔާއެއް ލިބިފައި ނުވާ” ކަމަށެވެ.

ނަމަވެސް، ކުއްޖާގެ ހާލަތު އިތުރަށް ޔަގީންކުރުމަށްޓަކައި އާއިލާއިން ބޭނުންވެގެން އިތުރު ޓެސްޓުތަކެއް ހެދުމަށް މިހާރު ވަނީ އައިޖީއެމްއެޗަށް ގެނެސްފައެވެ.

މި ހާދިސާ ހިނގި ވަގުތާއި، ވެއްޓުނު ކުއްޖާގެ އުމުރާ ގުޅޭ އެއްވެސް ތަފްސީލެއް ފުލުހުން މިހާތަނަށް ހާމަކޮށްފައެއް ނުވެއެވެ. މި ހާދިސާއާ ގުޅިގެން ބަލަންޖެހޭ ކަންކަން ފުލުހުން ދަނީ އިތުރަށް ބަލަމުންނެވެ.

ފުލުހުން މިއަދު ބުނީ، ފުވައްމުލައް މެޖިސްޓްރޭޓް ކޯޓުން އަމުރު ނެރެފައިވަނީ، ފުނާޑު، ގުލިސްތާނުގޭގައި މަސްތުވާތަކެތި ބޭނުންކުރުމުގެ ޚިދުމަތް ދިނުމަށް ހަދާފައިވާ ކަމަށް ތުހުމަތުވާ ބައި ކަމަށެވެ. އެގޮތުން އެއީ، ފުވައްމުލަކަށް މަސްތުވާތަކެތި އެތެރެކޮށް، އެ ތަކެތި ވިއްކައި ވިޔަފާރިކޮށް، ކެފޭ އުސޫލުން މަސްތުވާތަކެތި ބޭނުންކުރުމުގެ ޚިދުމަތް ދޭ ތަނެއް ކަމަށް އެ މުއައްސަސާއިން ތުހުމަތުކުރެއެވެ.

ފުލުހުން ބުނީ އެ އަމުރު ނެރެފައިވަނީ ބުދަ ދުވަހުން ފެށިގެން 85 ދުވަހަށް ކަމަށެވެ. އަދި މަސްތުވާތަކެއްޗާ ބެހޭ ގާނޫނުގެ ދަށުން ނެރުނު މި އަމުރަކީ، މަސްތުވާތަކެތި ބޭނުންކުރުމުގެ ޚިދުމަތްދޭ ތަނެއް ބަންދުކުރުމަށް ފުވައްމުލައް މެޖިސްޓްރޭޓް ކޯޓުން ނެރުނު ފުރަތަމަ އަމުރުކަން އެ މުއައްސަސާއިން ފާހަގަކުރިއެވެ.

ކޯޓު އަމުރުގެ ދަށުން އެގޮތަށް ބަންދުކުރާ ތަންތަނަށް، އެ އަމުރުގެ މުއްދަތުގައި ހުއްދަނެތި ވަދެނުކުމެ ހެދުމަކީ ކުށެކެވެ. އެފަދަ ތަންތަނަށް ހުއްދައާ ނުލައި ވަންނަ މީހުންނާއި، އެ ތަންތަނަށް އެކި ގޮތްގޮތުން ގެއްލުންދޭ މީހުންނާމެދު ގާނޫނީ ގޮތުން އެޅޭނެ އެންމެ ހަރުކަށި ފިޔަވަޅު އެޅޭނެކަން ފުލުހުން ފާހަގަކޮށްފައިވެއެވެ.

އެ މުއައްސަސާއިން ވަނީ، މަސްތުވާތަކެއްޗާ ބެހޭ ގާނޫނުން ފުލުހުންނަށް ލިބިދީފައިވާ ބާރުތަކުގެ ދަށުން، ފުލުހުން ކުރަމުންދާ މަސައްކަތް ހުއްޓުމެއްނެތި ކުރަމުންދާނެ ކަމަށް ބުނެފައެވެ. އަދި މަސްތުވާތަކެތީގެ ވިޔަފާރިކޮށް، މަސްތުވާތަކެތި ބޭނުންކުރުމުގެ ޚިދުމަތް ދެމުންދާ އިތުރު ތަންތަން ހޯދައި، ގާނޫނުގައިވާ ގޮތުގެ މަތިން އެފަދަ ތަންތަން ބަންދުކުރުމުގެ މަސައްކަތް ވެސް ކުރަމުންދާނެ ކަމަށް ބުނެފައިވެއެވެ.

ރާއްޖެއަށް ދިމާވެފައިވާ އިޖުތިމާއީ އެންމެ ބޮޑު އެއް މައްސަލައަކީ މަސްތުވާތަކެތީގެ މައްސަލަ ކަމަށްވާއިރު، އެ މައްސަލަ ހައްލުކުރުމަށް ގާނޫނުވަނީ އިސްލާހުކޮށްފައެވެ. އެގޮތުން ރާއްޖެއަށް ބައެއް ބާވަތްތަކުގެ މަސްތުވާތަކެތި، ވަކި މިންވަރަކަށް ވުރެ އިތުރަށް އެތެރެ ކުރާ މީހުންނަށް މަރުގެ އަދަބު ދެވޭ ގޮތަށް، މަސްތުވާތަކެއްޗާ ބެހޭ ގާނޫނަށް ގެނައި އިސްލާހަށް މި އަހަރު ވަނީ އަމަލުކުރަން ފަށައިފައެވެ.

ފުލުހުންގެ ތަފާސްހިސާބުން ދައްކާ ގޮތުގައި މި އަހަރުގެ މިހާތަނަށް މަސްތުވާތަކެއްޗާ ގުޅުންހުރި 821 މައްސަަލައެއް ފުލުހަށް ރިޕޯޓުކޮށްފައިވެއެވެ.

ފާހަގަކޮށްލެވޭ ގޮތުގައި މާލޭގައި ވެސް ކެފޭ އުސޫލުން މަސްތުވާތަކެތި ބޭނުންކުރުމުގެ ޚިދުމަތް ދޭ ތަންތަން ފުލުހުން ފާހަގަކޮށް، މީގެ ކުރިން ބަލައިފާސްކޮށް، އެ ތަންތަނުން ބައެއް މީހުން ހައްޔަރުވެސްކޮށްފައިވެއެވެ.

މިދިޔަ ފެބްރުވަރީ މަހުގެ 28ގައި އެމެރިކާއާއި އިސްރާއީލުން އީރާނަށް ދޭން ފެށި ހަމަލާތަކާ ގުޅިގެން، އެ ސަރަހައްދުގައި ފެށި ހަނގުރާމަ އަދިވެސް ނިމުމަކަށް ނާދެއެވެ. އެ ހަނގުރާމައިގެ ސަބަބުން މެދުއިރުމަތީގެ ގައުމުތަކުގެ ވައިގެ ސަރަހައްދު ބަންދުކުރަން ޖެހި، ބައެއް އެއާލައިންތަކުގެ ދަތުރުތައް ހުއްޓާލަން ޖެހުނެވެ.

ރާއްޖެއަށް ވަރަށް ގިނަ ފަތުރުވެރިން އަންނަ މެދުއިރުމަތީގެ ރޫޓްތަކަށް ހުރަސްއެޅުމުން، ރާއްޖެ އަންނަ ފަތުރުވެރިންގެ އަދަދު ފާއިތުވި ތިން މަހެއްހާ ދުވަހުގެ ތެރޭގައި ވަނީ މަދުވެފައެވެ. ނަމަވެސް، ޓޫރިޒަމް މިނިސްޓްރީން އިއްޔެ އާންމުކޮށްފައިވާ އަދަދުތަކުން ދައްކާ ގޮތުގައި ފަތުރުވެރިން އައި އަދަދު ވަނީ އިތުރުވާން ފަށައިފައެވެ.

ޓޫރިޒަމް މިނިސްޓްރީގެ ތަފާސްހިސާބުން ދައްކާ ގޮތުގައި މިދިޔަ ބުދަ ދުވަހާ ހަމައަށް، މި މަހުގެ ތެރޭގައި ރާއްޖެ އައި ފަތުރުވެރިންގެ އަދަދު ވަނީ 122،548އަށް އަރައިފައެވެ. އެއީ މިދިޔަ އަހަރުގެ މި މުއްދަތާ އަޅައިބަލާއިރު 2.6 ޕަސެންޓްގެ އިތުރުވުމެކެވެ.

އެ އަދަދުތަކުން ދައްކާ ގޮތުގައި، މި އަހަރުތެރޭ އެހާތަނަށް ރާއްޖެ ޒިޔާރަތްކޮށްފައިވާ ޖުމްލަ ފަތުރުވެރިންގެ އަދަދު އަދިވެސް ހުރީ، މިދިޔަ އަހަރުގެ މި މުއްދަތަށް ވުރެ ހަތަރު ޕަސެންޓް ދަށްކޮށެވެ. އެގޮތުން މި އަހަރުގެ މިހާތަނަށް އައިސްފައިވަނީ 923،984 ފަތުރުވެރިން ކަމަށްވާއިރު، މިދިޔަ އަހަރުގެ މި މުއްދަތުގައި 962،242 ފަތުރުވެރިން އައިސްފައިވެއެވެ.

މި އަހަރުގެ ފުރަތަމަ މަހު ރާއްޖެއަށް އައި ފަތުރުވެރިންގެ އަދަދު ފަސް ޕަސެންޓް އިތުރުވިއިރު، ފެބްރުވަރީ މަހު ފަތުރުވެރިން ޒިޔާރަތް ކުރި އަދަދު 15.7 ޕަސެންޓް އިތުރުވިއެވެ. ނަމަވެސް ހަނގުރާމައާ ގުޅިގެން، މާރިޗް މަހު ފަތުރުވެރިންގެ އަަދަދު 20.7 ޕަސެންޓް ދަށްވިއެވެ. އަދި މިދިޔަ އޭޕްރިލް މަހު އެ އަދަދު 24.4 ޕަސެންޓް ދަށްވިއެވެ.

ރާއްޖެއަށް އެންމެ ގިނައިން އަންނަ ފަތުރުވެރިން ނިސްބަތްވާ ގައުމުތަކުގެ ގޮތުގައި މި އަހަރު ވެސް އޮތީ، މިދިޔަ އަހަރެކޭ އެއްގޮތަށް ޗައިނާ، ރަޝިއާ އަދި އިނގިރޭސިވިލާތެވެ. އޭގެ ތެރެއިން ޗައިނާއާއި ރަޝިއާއިން މިހާތަނަށް އެއް ލައްކައަށް ވުރެ ގިނަ ފަތުރުވެރިން ޒިޔާރަތްކޮށްފައިވާއިރު އިނގިރޭސިވިލާތުން ޒިޔާރަތްކޮށްފައިވާ ފަތުރުވެރިންގެ އަދަދު 79،473އަށް އަރައެވެ.

ރާއްޖޭގެ ފަތުރުވެރިކަމަށް މުހިންމު އެހެން މާކެޓެއް ކަމަށްވާ އިންޑިއާ އެ ލިސްޓުގައި އަދިވެސް އޮތީ ހަވަނައިގައި ކަމަށްވާއިރު، އެ ގައުމުން މިހާތަނަށް އައިސްފައިވަނީ 50,747 ފަތުރުވެރިންނެވެ.

ރާއްޖެ އައިސްފައިވާ ފަތުރުވެރިންގެ ތެރެއިން 640,988 މީހުން ގޮސްފައިވަނީ ރިސޯޓުތަކަށް ކަމަށްވާއިރު، 218,773 މީހުން ގެސްޓްހައުސްތަކުގައި ޗުއްޓީ ހޭދަކޮށްފައިވެއެވެ.

އީރާން ހަނގުރާމައިގެ ސަބަބުން ފަތުރުވެރިކަމުގެ ދާއިރާއަށް އަރައިފައިވާ ލޮޅުމުން 500 މިލިއަން ޑޮލަރުގެ ގެއްލުންވެފައިވާ ކަމަށް ސިނާއަތުގެ އިސް ޖަމާއަތްތަކުން ވަނީ ބުނެފައެވެ. އެ ފަރާތްތަކުން ވަނީ ގެއްލުމުން އަރައިގަންނަން ދިވެހި ސަރުކާރުގެ އެހީތެރިކަމަށް އެދިފައެވެ.

ސަރުކާރުން ވަނީ، އެ ހާލަތު ރަނގަޅުކޮށް ފަތުރުވެރިން ގެންނަ މާކެޓުތައް އިތުރުކުރުމަށް މަސައްކަތްތައް ކުރަމުން އަންނަ ކަމަށް ބުނެފައެވެ.

އެ ފިޔަވަޅާ ގުޅިގެން ގައުމީ އެއާލައިން މޯލްޑިވިއަންއިން ވަނީ، އިންޑިއާ ސަރުކާރުގެ އެ އެންގުމާ އެއްގޮތަށް، އެ ގައުމަށް ދަތުރުކުރުމުގެ ކުރިން ދިވެހީން ވެސް އެސްޑީއެފް ފުރުމަށް އިލްތިމާސްކޮށްފައެވެ.

މޯލްޑިވިއަންއިން ނެރެފައިވާ ބަޔާނެއްގައިވަނީ އިންޑިއާއިން އެ ފިޔަވަޅު އަޅައިފައިވަނީ, ގައިންގަޔަށް އަރާ ބައްޔެއް ކަމަށްވާ އެބޯލާއަކީ ބައިނަލްއަގްވާމީ ފެންވަރެއްގައި އާންމު ސިއްޙަތަށް އޮތް ކުއްލި ނުރައްކަލެއްގެ ގޮތުގައި ދުނިޔޭގެ ސިއްޙަތު ޖަމިއްޔާ (ޑަބްލިއުއެޗްއޯ)އިން ކަނޑައެޅުމުން ކަމަށެވެ.

އެހެނަކަމުން ދަތުރުކުރުމުގެ ކުރިން އެ ފޯމު ފުރިހަމަކުރުމަށް މޯލްޑިވިއަންއިން ވަނީ ދަތުރުވެރިންނަށް އިލްތިމާސްކޮށްފައެވެ. އަދި އެ ފޯމު ފުރުމަށް ބޭނުންކުރާނޭ ކިއުއާރް ކޯޑުވެސް މޯލްޑިވިއަންއިން ވަނީ ހިއްސާކޮށްފައެވެ.

މީގެ އިތުރުން އިންޑިއާއަށް ދަތުރުކުރުމަށްފަހު އިންޑިއާގެ ހެލްތް އެންޑް އިމިގްރޭޝަން ކައުންޓަރަށް އެ ފޯމު ހުށަހަޅަންވާނެ ކަމަށް މޯލްޑިވިއަންއިން ވަނީ ބުނެފައެވެ.

މި ފިޔަވަޅުގެ ބޭނުމަކީ ބަލިޖެހިފައިވާ މީހުން ދުރާލައި ދެނެގަނެ، ފަސިންޖަރުންގެ ފަރާތުން މައުލޫމާތު ހޯދުމުގެ އިތުރުން އެއާޕޯޓުތަކުގައި ބަލިތައް މޮނިޓާކުރުމުގެ ނިޒާމު އިތުރަށް ވަރުގަދަކުރުމެވެ. އެހެންކަމުން އިންޑިއާއަށް ދަތުރުކުރާ އެންމެންވެސް މި ފޯމު ފުރަންޖެހޭނެއެވެ.

ޑަބްލިއުއެޗްއޯއިންވަނީ އެބޯލާއަކީ ބައިނަލްއަގުވާމީ ފެންވަރުގައި ސަމާލުކަން ދޭންޖެހޭ ސިއްހީ ކުއްލި ނުރައްކަލެއްގެ ގޮތުގައި އިއުލާނުކޮށްފައެވެ.

އެބޯލާ ފެތުރުން ހުއްޓުވުމަށްޓަކައި އިންޑިއާއިން މިހާރު ވަނީ އެއާޕޯޓުތަކާއި އެ ގައުމަށް އެތެރެވެވޭ އެހެން ސަރަހައްދުތަކުގައި ސްކްރީން ކުރުމާއި ސަވައިލަންސް ވަރުގަދަކޮށްފައެވެ.

އަދި ކޮންގޯ، ޔުގެންޑާ، އަދި ދެކުނު ސޫދާނަށް ކޮންމެހެން ކުރަންޖެހޭ ދަތުރުތައް ފިޔަވައި އެހެން ދަތުރުތައް ނުކުރުމަށް އިންޑިއާ ސަރުކާރުން ވަނީ ރައްޔިތުންނަށް އިލްތިމާސްކޮށްފައެވެ.

އިންޑިއާގެ ޓެކްނޮލޮޖީ ހަބްގެ ގޮތުގައި މަޝްހޫރު ބެންގަލޫރުން އެބޯލާ ވައިރަހަށް ޝައްކު ކުރެވިގެން ދާދި ފަހުން ޔުގެންޑާގެ އަންހެނެއް ކަރަންޓީނު ކުރިއެވެ. ނަމަވެސް އޭނާގެ ޓެސްޓުތަކުގެ ނަތީޖާ ނެގެޓިވްވެފައިވާ ކަމަށް އެ ގައުމުގެ ހެލްތު މިނިސްޓްރީން ބުދަ ދުވަހު ވަނީ ހާމަކޮށްފިއެވެ.

އިންޑިއާއަކީ ގިނަ އަދަދެއްގެ ދިވެހީން ވަޒީފާއަށާއި ތައުލީމު ހާސިލުކުރުމަށް ދިރިއުޅޭ އަދި ޗުއްޓީއަށާއި ބޭސްފަރުވާ އާންމުކޮށް ގޮސްއުޅޭ ގައުމެކެވެ.

އެބޯލާ އަކީ ވައިރަސް އަކުން ޖެހޭ ނުރައްކާތެރި ބައްޔެކެވެ. އެ ބަލިޖެހިފައިވާ މީހެއްގެ ލޭ، އަދި އެހެނިހެން ޖިސްމީ ދިޔައިން ބަލި ފެތުރެއެވެ. އެ ބަލީގެ އަލާމާތްތަކުގެ ތެރޭގައި ހުންގަދަވުމާއި ވަރަށް ބޮޑަށް ވަރުބަލިވުމާއި މަސްތަކުގައި ރިހުން ހިމެނެއެވެ. އަދި ހުޅުތަކުގައި ރިހުމާއި ބޮލުގައި ރިހުން ފަދަ އުދަނގޫތައް ވެސް ކުރިމަތި ކުރުވައެވެ.

މިއީ ގިނަ އަދަދެއްގެ މަސްތުވާތަކެއްޗާއެކު މިދިޔަ އޭޕްރިލް މަހުގެ 17 ވަނަ ދުވަހުގެރޭ ހައްޔަރުކުރި ދެ އަންހެނެއްގެ މައްސަލައެވެ. އެރޭ ފުލުހުން ހައްޔަރުކޮށްފައިވަނީ ރޫނާގެ އިތުރުން އުމުރުން 25 އަހަރުގެ ޢަލްޔާ ޝަރްސާ ނަޞީރެވެ.

ކްރިމިނަލް ކޯޓުން މިއަދު ވަނީ އެ ދެ މީހުންގެ ބަންދުގެ މުއްދަތު އިތުރުކޮށް ދެ މީހުންގެ ބަންދަށް 30 ދުވަސް ޖަހާފައެވެ.

ރޫނާގެ ބަންދު އަމުރުގައިވަނީ، އޭނާގެ އިރުޝާދުގެ ދަށުން ރާއްޖެއިން ބޭރަށް ދަތުރުކުރި މީހަކު ގެނައި ލަގެޖަކުން 1.5 ކިލޯގެ މަސްތުވާތަކެތި ފެނިފައިވާ ކަމަށް ތުހުމަތުވާ ކަމަށެވެ. އަދި ރޫނާއަކީ އެ މަސްތުވާތަކެތި ރާއްޖެއަށް އެތެރެކުރުމުގައި އެންމެ އިސްކޮށް ހަރަކާތްތެރިވި މީހާ ކަމަށް މައްސަލަ ތަހުގީގު ކުރައްވާ އިންވެސްޓިގޭޝަން އޮފިސަރު ވިދާޅުވި ކަމަށްވެސް ކޯޓު އަމުރުގައިވަނީ ބުނެފައެވެ.

އަލްޔާގެ ބަންދު އަމުރުގައި ވަނީ އޭނާ ރާއްޖެ އައިއިރު ގެނައި ލަގެޖުން 1.5 ކިލޯގެ މަސްތުވާތަކެތި ފެނިފައިވާ ކަމަށާއި އޭނާއަކީ ކައިރި ކައިރީގައި ރާއްޖެއިން ބޭރަށް ދަތުރުކުރާ މީހެއްކަމަށް އޭނާގެ ޓްރެވަލް ހިސްޓްރީން ދައްކާ ކަމަށެވެ. އަދި އޭނާގެ ފޯނުން ވެސް މައްސަލައާ ގުޅުންހުރި ހެކި ފެނިފައިވާ ކަމަށާއި އެނާގެ ފަރާތުން ތަހުގީގަށް ފުރިހަމައަށް އެއްބާރުލުން ދެމުންދާކަމަށް ވަނީ ބުނެފައެވެ.

މި ދެ މީހުންގެ މައްޗަށްވެސް ކޮށްފައިވަނީ ރާއްޖެއަށް މަސްތުވާތަކެތި އެތެރެކޮށް އެ ތަކެތި ބޭނުންކޮށް ގެންގުޅެ އެ ތަކެތީގެ ވިޔަފާރިކޮށް ޓްރެފިކް ކުރިކަމަށެވެ. ފުރަތަމަ ކޯޓުން ނެރުނު ބަންދު އަމުރުގައި ބުނެފައިވަނީ، އެ ދެ މީހުންގެ އަތުން ފެނުނު މަސްތުވާތަކެތީގެ ވަގުތީ ބަރުދަނުގައި 1.8 ކިލޯ ހުރިކަމަށެވެ.

އެ ދެ މީހުން ކޯޓަށް ހާޒިރުކުރުން ރޫނާގެ ދިފާއަށް މީގެ ކުރިން އޭނާ ވަނީ ބޮޑީކެމްގެ ރިކޯޑިން ހޯދަން އެދިފައެވެ. އަދި އަލްޔާއަކީ ޑިޕްރެޝަންއަށް ފަރުވާ ހޯދާ މީހެއް ކަމަށް އޭނާގެ ކުރީގެ ބަންދު ރިޕޯޓުގައި ބަޔާންކޮށްފައިވެއެވެ.

މަސްތުވާތަކެއްޗާ ގުޅުންހުރި ކުށްތަކާއި އެކަމުގެ އަދަބުތައް ތަފުސީލުކޮށް ބަޔާންކޮށްފައިވާ މަސްތުވާތަކެއްޗާ ބެހޭ ގާނޫނުގައިވާ ގޮތުން، މަސްތުވާތަކެތި އެތެރެކުރުމާއި ބޭރުކުރުމަކީ ބޮޑު ކުށެކެވެ. މަސްތުވާތަކެއްޗާބެހޭ ގާނޫނުގެ 104 ވަނަ މާއްދާގެ ދަށުން، އެއްވެސް ބާވަތެއްގެ މަސްތުވާ އެއްޗެއް ދިވެހިރާއްޖެއަށް އެތެރެކުރުން ނުވަތަ ރާއްޖެއިން ބޭރުކުރުމަކީ ކުށެކެވެ.

އޭގެ ދަބަކީ އުމުރަށް ޖަލަށްލުމާއެކު 100،000 ރުފިޔާއާއި 10 މިލިއަން ރުފިޔާއާ ދެމެދުގެ ޢަދަދަކުން ޖޫރިމަނާކުރުމެވެ.

އިޓަލީގެ ބައެއް ނޫސްތަކުން ރިޕޯޓުކޮށްފައިވާ ގޮތުގައި، މި ދެމައިން މަރުވާން މެދުވެރިވި ސަބަބެއް ކަމަށް ވަގުތީ ނަތީޖާ ދައްކަނީ ގެނބިގެން ނުވަތަ ހަށިގަނޑަށް ބޭނުންވާ ވަރަށް އޮކްސިޖަން ނުލިބުމެވެ.

މި ހާދިސާގައި މަރުވި ޖެނޯއާ ޔުނިވާސިޓީގެ މެރިން ބަޔޮލޮޖީ ޕްރޮފެސަރު، އުމުރުން 51 އަހަރުގެ މޮނިކާ މޮންޓެފަލްކޯން އާއި އޭނާގެ ދަރިފުޅު އުމުރުން 23 އަހަރުގެ ޖިއޯޖިއާ ސޮމަކާލްގެ ހަށިގަނޑު މިއަދު އެ މީހުންގެ އުފަން ރަށް ކަމަށްވާ ޖެނޯއާއަށް ގެންދިއުމަށް ވަނީ ހަމަޖެހިފައެވެ.

އިޓަލީގެ ގަލަރާޓޭ ހޮސްޕިޓަލުގައި ހެދި ޕޯސްޓްމޯޓަމް ތަހުލީލުތަކަށްފަހު، ޖަނާޒާގެ ކަންކަން ކުރިއަށް ގެންދިއުމުގެ ގާނޫނީ ހުއްދަ މިހާރު ލިބިފައިވާ ކަމަށް ވެސް ނޫސްތަކުން ރިޕޯޓުކޮށްފައިވެއެވެ.

މި ހާދިސާގައި ޖުމްލަ ފަސް އިޓަލީ މީހުންނާއި ދިވެހި ސިފައިންގެ ޑައިވަރަކު ވަނީ މަރުވެފައެވެ. ސިފައިންގެ ޑައިވަރު، ސާޖަންޓް ފަސްޓް ކްލާސް މުހައްމަދު މަހުދީ މަރުވީ ރިކަވަރީ އޮޕަރޭޝަންގެ ތެރޭ ޑައިވްކުރަނިކޮށެވެ.

ދެމައިންގެ އިތުރުން މި ހާދިސާގައި މަރުވި އިޓަލީގެ އެހެން ރައްޔިތުންނަކީ ރިސާޗަރެއް ކަމަށްވާ، 31 އަހަރުގެ މުރިއެލް އޮޑެނީނޯއާއި، 30 އަހަރުގެ ފެޑެރިކޯ ގުއަލްޓިއޭރީ އަދި ޑައިވިން އިންސްޓްރަކްޓަރު 44 އަހަރުގެ ޖިއަންލޫކާ ބެނެޑެޓީއެވެ.

މި މައްސަލައާ ގުޅިގެން ރޯމްގެ ޕްރޮސެކިއުޓަރުގެ އޮފީހުން މިހާރު ވަނީ “އިހުމާލުން މީހަކު މަރުވުމުގެ ކުށުގެ” ދަށުން ޖިނާއީ ތަހުގީގެއް ފަށާފައި ކަމަށް ރިޕޯޓުތައް ބުނެއެވެ.

އިޓަލީ އެންމެންގެ ހަށިތައް އިޓަލީއަށް ފޮނުވީ މި މަހުގެ 23ވަނަ ދުވަހެވެ.

އިޓަލީގެ ނޫސްތަކުން ރިޕޯޓުކޮށްފައިވާ ގޮތުގައި، ތަހުގީގަށް ބޭނުންވާ މަރުވި މީހުންގެ ފޯނުތަކާއި އިލެކްޓްރޯނިކް ސާމާނުތައް މިހާރު ވަނީ ޖެނޯއާ ފްލައިން ސްކޮޑުން ނަގާފައެވެ. މި ތަކެތި އިޓަލީއަށް ގެންގޮސްދިނީ އެ މީހުންނާއެކު ދަތުރުކުރި ޕްރޮފެސަރު ސްޓެފާނޯ ވެނިން ކަމަށް މަސްދަރުތަކުން ބުނެއެވެ.

މަރުވި ސީދާ ސަބަބު ކަށަވަރުކުރެވޭ ފުރިހަމަ ރިޕޯޓެއް ލިބުމަށް އަދި ހަފުތާތަކެއް ނަގާނެ ކަމަށް ބެލެވެއެވެ.