Author: އިސްމާއިލް

ހޯމް މިނިސްޓަރު އަލީ އިހުސާނަށް ވީޑިއޯއެއް އާއްމު ނުކުރެވޭނެ ކަމަށާއި، އެކަށީގެންވާ ސަބަބެއް އޮތްނަމަ އެމީހުންނާ މެދު ގާނޫނީ ފިޔަވަޅު އަޅަން އެމްޑީޕީގެ ކުރީގެ ޗެއާޕާސަން ފައްޔާޒު އިސްމާއީލް ގޮވާލައިފި

މި ސީސީޓީވީ ފުޓޭޖަކާއެކު، މިނިސްޓަރު ރޭ ދަންވަރު ކުރެއްވި ޕޯސްޓުގައި ވަނީ، އިއްޔެ ހަވީރު އިބްރާހިމް ވަހީދާއި އަކްރަމް, އޭނާގެ އަނބިކަނބަލުންނާއި ދިހަ އަހަރުގެ ދަރިފުޅު މަގުމަތިން ދަނިކޮށް ވީޑިއޯކޮށްފައިވާ ކަމަށެވެ.

އެކަމާ ގުޅިގެން ‘އެކްސް’ގައި ކުރެއްވި ޕޯސްޓެއްގައި ފައްޔާޒު ވިދާޅުވީ، މި ސަރުކާރުން ދިވެހި ދައުލަތް “ޑިކްޓޭޓާޝިޕަކަށް” ވައްޓާލަމުންދާއިރު، މިހާރު މިއީ އެއްވެސް އަޚުލާގަކާއި ގާނޫނުތަކަށް ތަބާވުމެއް ނެތް ނާގާބިލް ދައުލަތެއް ކަމަށެވެ.

އެ އަނިޔާއާއި ކޮރަޕްޝަންގެ ސީރިއަސްކަމުގެ މައްޗަށް، ރައްޔިތުންނަށް ޖާސޫސް ކުރައްވަން ހޯމް މިނިސްޓަރު އުޅުއްވުމަކީ ބަލައިގަނެވޭނެ ކަމެއް ނޫން ކަމަށް ފައްޔާޒު ވިދާޅުވިއެވެ. އަދި ދައުލަތުގެ ވަސީލަތްތަކުގެ ބޭނުން ކުރައްވައިގެން އެކަން ކުރެއްވުމަކީ ގަބޫލު ކުރަން ދަތި ކަމެެއް ކަމަށް ފައްޔާޒު ވިދާޅުވިއެވެ.

ގައުމުގެ މިހާރުގެ މިސްރާބު ހުރި ގޮތުން ވަރަށް ބޮޑަށް ކަންބޮޑުވާކަން ފާހަގަކުރައްވައި ފައްޔާޒު ވިދާޅުވީ މަގުމަތީގައި ހަރުކޮށްފައި ހުންނަ ކޮންމެ ކެމެރާއަކާއި ޑޭޓާތައް ބޭނުންކޮށްގެން މީހުން ކޮންޓްރޯލްކޮށް، އިންތިޚާބުތަކަށް ނުފޫޒު ފޯރުވަން ބޭނުން ކުރާ “ބިގް ބްރަދާ” ސްޓޭޓެއް ބޭނުން ނުވާ ކަމަށެވެ.

ފައްޔާޒުގެ އެ ޕޯސްޓަށް ރައްދު ދެއްވައި މިނިސްޓަރު އިހުސާން ވިދާޅުވީ، “ޑިމޮކްރެޓިކް ޗެމްޕިއަން” ގެ ލީޑަރުން ކަމަށް ބުނާ ބަޔަކު، އޭނާގެ އަނބިމީހާއާއި އަންހެން ދަރިފުޅު އޭނާގެ އާއިލާ ގޭގެ ކުރިމަތިން މަގުމަތީގައި ހިނގާފައި ދިޔަ މަންޒަރު ރެކޯޑް ކުރަމުންދިޔަ ކަމަށެވެ.

އަދި އެއީ އެގޭގެ އަމިއްލަ ސީސީޓީވީ ކެމެރާއިން ސާފުކޮށް މޮނިޓާ ކުރާ ސަރަހައްދެއް ކަމަށް އިހުސާން ވިދާޅުވިއެވެ. އަދި އެއީ ސަރުކާރުގެ އެއްވެސް ވަސީލަތެއް ނުހިމެނޭ ފުޓޭޖެއް ކަމަށް ވެސް މިނިސްޓަރު ވިދާޅުވިއެވެ.

ތުހުމަތު ކުރާ މީހުންގެ ވީޑިއޯތައް ސޯޝަލް މީޑިއާގައި އެގޮތަށް ޕޯސްޓް ނުކުރެވޭނެ ކަމަށް ވިދާޅުވެ ފައްޔާޒު ނުރުހުން ފާޅުކުރެއްވިއެވެ. އަދި ފަހަރެއްގައި އެ މައްސަލަ ރަނގަޅަށް ތަހުގީގު ކުރުމަށް އެ މިނިސްޓްރީން ފުލުހުންގެ މައްޗަށް އިތުބާރު ނުކުރުމަކީ ވެސް އެކަށީގެންވާ ކަމެއް ކަމަށް ފައްޔާޒު ވިދާޅުވިއެވެ.

ވީޑިއޯއިން ފެންނަނީ، މާލޭގެ މަގެއް މަތިން އަންހެނަކާއި ކުޑަ ދެ ކުދިން ދާ މަންޒަރެވެ. އެއް ކުއްޖަކު ބައިސްކަލެއްގައި ދިޔައިރު، ކައިރީގައި ފިރިހެނަކު ހުންނަ މަންޒަރު ފެނެއެވެ. އެ ވީޑިއޯގައި ތުހުމަތުކޮށްފައިވާ ގޮތުގައި، އެ މީހަކީ، ބޮޑީ ގާޑެކެވެ.

ޗާގޮސްގެ މައްސަލައިގައި ދިވެހި ސަރުކާރުގެ ނިންމުން ބަދަލުކުރުމާ ގުޅިގެން މޮރިޝަސްއިން ރާއްޖެއާއެކު އޮތް ގުޅުން މެދުކަނޑާލައިފިއެވެ.

މި ނިންމުން ނިންމާފައިވަނީ މޮރިޝަސްގެ ކެބިނެޓުންނެވެ. ކެބިނެޓުގެ މިގޮތަށް ނިންމެވީ، ޗާގޯސް ޖަޒީރާ ސަރަޙައްދުގެ މައްޗަށް މޮރިޝަސްގެ ސިޔާދަތާއި އެ ޤައުމުގެ ސަރަޙައްދީ އިންޓެގްރިޓީ ބަލައިނުގަނެ، މޮރިޝަސްއާއި އިނގިރޭސިވިލާތާ ދެމެދު ވެވުނު އެއްބަސްވުމާ މެދު ދިވެހި ސަރުކާރުން މިހާރު ދެކޮޅު ހެދުމާ ގުޅިގެންނެވެ.

ޗާގޮސް ސަރަހައްދު ނިސްބަތްވަނީ ރާއްޖެއަށް ކަމަށް މި ސަރުކާރުން ދަނީ ހަރުއަޑުން ގޮވަމުންނެވެ. އަދި ބައިނަލްއަޤްވާމީ މައިދާނުގައި ވަކާލާތުކުރަމުންނެވެ.

ދާދިފަހުން އިނގިރޭސި ޕާލަމަންޓުގަައިވަނީ މި މައްސަލައިގައި ވާހަކަދައްކާފައެވެ. އަދި ރާއްޖެއިން ވަރަށް އަވަހަށް މި މައްސަލައިގައި އިންޓަނޭޝަނަލް ކޯޓް އޮފް އާބިޓްރޭޝަނަށް މައްސަލަ ހުށައަޅާނެކަމަށްވެސް ވެއެވެ.

މަގާމުގެ ނުފޫޒު ނަހަމަ ގޮތުގައި ބޭނުންކޮށްގެން ބިދޭސީންގެ އަތުން ނާޖާއިޒު މަންފާ ހޯދި މައްސަލައިގައި ދައުވާ އުފުލާފައިވާ އިމިގްރޭޝަންގެ އޮފިސަރު އިބްރާހީމް އަހުމަދުގެ މައްޗަށް 11 މަހުގެ ޖަލު ހުކުމެއް ކްރިމިނަލް ކޯޓުން އިއްވައިފިއެވެ.

އިބްރާހީމް އަހުމަދުގެ މައްޗަށް ދައުލަތުން ތިން ދައުވާއެއް އުފުލާފައިވެއެވެ. އެއީ ރަސްމީ ހައިސިއްޔަތު ނަހަމަ ގޮތުގައި ބޭނުންކުރުމުގެ ދައުވާ، ފޭރުމުގެ ދައުވާ، އަދި އެހެން މީހެއްގެ މުދަލެއްގެ މައްޗަށް ހުއްދަ ނޫން ގޮތުގައި ބާރު ހިންގުމުގެ ދައުވާއެވެ.

މި މައްސަލައިގެ ޝަރީއަތް ކުރިއަށް ދަނިކޮށް އިބްރާހިމް ވަނީ ކުށަށް އިއުތިރާފުވެ، ދައުލަތާއެކު އިއުތިރާފުގެ އެއްބަސްވުމެއް ހަދާފައެވެ. އެހެންކަމުން، އޭނާގެ އިއުތިރާފުން މި ކުށްތައް ސާބިތުވާކަމަށް ކޯޓުން ވަނީ ހުކުމްކޮށްފައެވެ.

އިއުތިރާފުގެ އެއްބަސްވުމުގެ ދަށުން ކޯޓުން އިއްވި އަދަބުތަކުގެ ތެރޭގައި ރަސްމީ ހައިސިއްޔަތު ނަހަމަ ގޮތުގައި ބޭނުންކުރުމުގެ ދައުވާއާއެކު ދެ މަހުގެ ޖަލު ހުކުމަކާއި 62،400 ރުފިޔާގެ ޖޫރިމަނާއެއް ކުރުމަށް ވަނީ ނިންމާފައެވެ.

ފޭރުމުގެ ދައުވާއިން ހަތް މަހުގެ ޖަލު ހުކުމަކާއި 130،800 ރުފިޔާގެ ޖޫރިމަނާއެއް ކޮށްފައިވާއިރު، ފައިސާ ހޯދި ބިދޭސީ މީހާއަށް ގެއްލުމުގެ ބަދަލުގެ ގޮތުގައި 50،000 ރުފިޔާ ދިނުމަށްވެސް އަމުރުކޮށްފައިވެއެވެ.

މީގެއިތުރުން އެހެން މީހެއްގެ މުދަލެއްގެ މައްޗަށް ހުއްދަ ނޫން ގޮތުގައި ބާރު ހިންގުމުގެ ދައުވާއާ ގުޅިގެން ދެ މަހުގެ ޖަލު ހުކުމަކާއި 62،400 ރުފިޔާގެ ޖޫރިމަނާގެ އިތުރުން ބިދޭސީ މީހާއަށް ގެއްލުމުގެ ބަދަލުގެ ގޮތުގައި 3،500 ޑޮލަރު ދިނުމަށްވެސް ވަނީ ހުކުމްކޮށްފައެވެ.

މި އެއްބަސްވުމާ ނުލައި މައްސަލަ ކުރިއަށް ގެންގޮސް ކުށް ސާބިތުވިނަމަ، އިބްރާހީމްގެ މައްޗަށް ފަސް އަހަރެއްހާ ދުވަހުގެ ޖަލު ހުކުމެއް އައުމުގެ ފުރުސަތު އޮތެވެ

ބިދޭސީއަކު ދޫކޮށްލުމަށްފަހު އިމިގްރޭޝަންގެ މުވައްޒަފުންތަކެއް މެދުވެރިވެގެން އެ ބިދޭސީ މީހާގެ އަތުން 500،000 އަށް ވުރެ ގިނަ ރުފިޔާ ހޯދައިގެން ޝަމްއާންގެ ގެއަށް ގެންދިޔަ ކަމަށް ތުހުމަތުކުރެވޭ މައްސަލައިގައި ޝަމްއާން ހައްޔަރުކުރީ މިދިޔަ އަހަރުގެ މާޗު މަހުގެ 21 ވަނަ ދުވަހުއެވެ. މި މައްސަލައިގައި އޭނާގެ މައްޗަށް ކުރާ ދައުވާތައް ސާބިތުވެއްޖެނަމަ މަދުވެގެން 9 އަހަރާއި 9 މަހާއި 18 ދުވަހުގެ ޖަލު ހުކުމެއް އަންނާނެއެވެ.

ރިޔާސީ އިންތިހާބާއި ރައްޔިތުންގެ މަޖިލިސް އިންތިހާބު އެއްކޮށްލުމަށް ސަރުކާރުގެ ފަރާތުން ގާނޫނުއަސާސީއަށް ހުށަހެޅި އިސްލާހު ރައްޔިތުންގެ މަޖިލީހުން މިއަދު ފާސްކޮށްފިއެވެ.

މަޖިލިހުގެ އިނގުރައިދޫ ދާއިރާގެ މެންބަރު އިބްރާހިމް ފަލާހު މިދިޔަ ޖެނުއަރީ މަހު ހުށަހެޅުއްވި އެ ބިލް ދިރާސާކުރުމަށްފަހު މަޖިލީހުގެ މިނިވަން މުއައްސަސާތަކުގެ ކޮމިޓީން ފާސްކޮށް ކޮމިޓީ ރިޕޯޓް މިއަދު ވަނީ މަޖިލީހުގެ ތަޅުމަށް ހުށަހަޅައިފައެވެ.

މެންބަރުން ވިދާޅުވީ މިއީ ވަރަށް ރަނގަޅު އިސްލާހެއް ކަމަށާއި ދައުލަތުގެ ހަރަދުތައް ކުޑަކުރުމަށް މިއީ މުހިންމު ބިލެއް ކަމަށެވެ. ދެ އިންތިހާބު އެއްކޮށްލުމަށް ގާނޫނުއަސާސީއަށް ގެނެވޭ އިސްލާހަށް މަޖިލިސް މެންބަރުންގެ މެދުގައި ނެގުނު ވޯޓުގައި 72 މެންބަރުންގެ ވޯޓާއެކު އެ އިސްލާހު ވަނީ ފާސްކޮށްފައެވެ. އެ ބިލާ ދެކޮޅަށް އެއް މެންބަރުން ވަނީ ވޯޓުދީފައެވެ.

ކޮމިޓީން އެ ބިލް ފާސްކޮށްފައިވަނީ ސަރުކާރުން ހުށަހެޅި ގޮތަށް އެއްވެސް ބަދަލެއް ނުގެނެސްއެވެ. ކޮމިޓީ މަރުހަލާގައި މި ބިލަށް ހިޔާލު ހޯދުމަށް ހުށަހަޅައި ބަންޑާރަ ނައިބާއި އީސީ އަދި ރާއްޖޭގެ ސިޔާސީ ޕާޓީތަކާއެކު މުހިންމު މަޝްވަރާތައް ވަނީ ކުރިޔަށް ގެންގޮސްފައެވެ.

ނިމިދިޔަ ރައްޔިތުންގެ މަޖިލީހުގެ އިންތިހާބު ނިމިގެން ދިޔައިރުގައި 120 މިލިޔަން ރުފިޔާއަށް ވުރެ ގިނަ ރުފިޔާ ހަރަދުވެފައިވާއިރު، ނިމިދިޔަ ރިޔާސީ އިންތިހާބުގެ ދެބުރު ނިމުނުއިރު 180 މިލިޔަނަށްވުރެ ގިނަ ރުފިޔާ ހަރަދުވިއެވެ.

އެ އިސްލާހު ހުށަހެޅުމުގެ ބޭނުމަކީ މަޖިލީހުގެ މެންބަރުކަމަށް މީހުން ހޮވުމަށާއި ރައީސުލްޖުމްހޫރިއްޔާއަކު ހޮވުމަށް ބާއްވަން ޖެހޭ އިންތިހާބު ބާއްވަން ވާނީ، ދެ އިންތިހާބު އެކީގައި ކަމަށް ކަނޑައެޅުމަށާއި، މަޖިލީހުގެ އުމުރު ގުނުމުގެ އުސޫލު އިސްލާހުކުރުން ކަމަށް އެ ބިލްގައިވެއެވެ.

އެ ބިލްގައި ވަނީ ދެ އިންތިހާބު އެއްކޮށްލުމުގެ އިތުރުން، ރައްޔިތުންގެ މަޖިލީހުގެ އުމުރަކީ ޑިސެމްބަރު އެއް ވަނަ ދުވަހުން ފެށިގެން ފަސް އަހަރު ދުވަސް ކަމަށް ކަނޑައެޅުމަށެވެ. މި މުއްދަތު ހަމަވުމުން މަޖިލީސް އުވުނީ ކަމަށްވެސް ބުނެފައި ވެއެވެ.

އަދި ހިނގަމުންދާ މަޖިލީހުގެ އުމުރު ހަމެވެގެން މަޖިލިސް އުވުމާއެކު، އަލަށް އިންތިހާބު ކުރާ މަޖިލީހުގެ ފުރަތަމަ ޖަލްސާ ބާއްވަންވާނީ ޑިސެމްބަރު އެއް ވަނަ ދުވަސްކަމަށް ކަނޑައަޅަންވެސް އިސްލާހުގައިވެއެވެ.