އެމެރިކާ އާއި އިސްރާއީލް ގުޅިގެން އީރާނަށް އަމާޒުކޮށް ވައިގެ ހަމަލާތަކެއް ދިނުމާ ގުޅިގެން އީރާނުން ވަރުގަދަ އިންޒާރެއް މިއަދު ދީފިއެވެ.
އީރާންގެ ގާނޫނު ހަދާ މަޖިލިހުގެ ގައުމީ ސަލާމަތާ ބެހޭ ކޮމިޝަންގެ ވެރިޔާ އިބްރާހިމް އަޒީޒީ ވިދާޅުވީ “އަހަރުމެން ތިޔަ މީހުންނަށް އިންޒާރު” ދީފައިވާނެ ކަމަށެވެ.
“އަހަރެމެން ތިޔަބައިމީހުންނަށް އިންޒާރު ދިނީމު!” އޭނާ “އެކްސް”ގައި ލިޔުއްވިއެވެ.
“މިހާރު ތިޔަބައިމީހުން ތިޔަ ހިނގައިގަތީ، އޭގެ ނިމުން ތިޔަބައިމީހުންގެ ބާރުގެ ދަށުގައި ދެން ނެތް މަގަކުންނެވެ،”
މި އިންޒާރަށް ފަހުގައި، އީރާންގެ ވައިގެ ސަރަހައްދު ބަންދުކޮށްފައިވާ އިރު، މި ހަމަލާތަކާ ގުޅިގެން އެމެރިކާގެ ރައީސް ޑޮނަލްޑް ޓްރަމްޕް ވަނީ އީރާންގެ ރައްޔިތުންނަށް ހިތްވަރުދީ، އީރާންގައި އޮތް ވެރިކަން ނިމުމަކަށް ގެނައުމަށް ތެދުވުމަށް ގޮވާލައިފައެވެ.
ޓްރަމްޕް އެންމެ ބޮޑަށް ހިތްހަމަނުޖެހުނީ އީރާނުން ނިއުކްލިއާ ހަތިޔާރު އުފައްދަމުން އަންނާތީއެވެ. މިއީ އެމެރިކާ އާއި އެހެނިހެން ގައުމުތަކަށް އޮތް ނުރައްކަލެއް ކަމަށް ޓްރަމްޕް ދަނީ ބުނަމުންނެވެ. ޓްރަމްޕް ބުނެފައިވަނީ އީރާންގެ ރައްޔިތުންނަށް އެހީވުމަށް އެމެރިކާ ތައްޔާރަށް އޮތް ކަމަށެވެ. އަދި ކުރިއަށް ހުރި ވަގުތުތަކުގައި އީރާންގެ އެކި ހިސާބުތަކަށް ބޮމުގެ ހަމަލާތައްދީ ތަންތަން ސުންނާފަތި ކުރަމުންދާނެ ކަމުގެ އިންޒާރު ވެސް ޓްރަމްޕް ބުނެފައިވެއެވެ.
ޓްރަމްޕް ބުނެފައިވާ ގޮތުގައި، އީރާނަށް ހަމަލާ ދެނީ އެމެރިކާގެ ރައްޔިތުންގެ ހިމާޔަތުގައެވެ.
ކިޔުންތެރިންގެ ހިޔާލު