Author: މަރިޔަމް ނާޖިލާ އިމްރާން

މަސްތުވާތަކެތީގެ މައްސަލައެއްގައި ދިވެހި ފުލުހުންގެ ޚިދުމަތުން ހުޅުމާލެއިން ދެ ދިވެއްސަކު ހައްޔަރުކޮށްފި އެވެ.

މި މައްސަލައާ ގުޅިގެން ހައްޔަރުކޮށްފައި ވަނީ ލ. ގަން / ތުނޑި. ލިންކް، އަޙްމަދު ޒަޔާން (25އ) އާއި ރ. މަޑުއްވަރި / ޑްރީމް، ޙުސައިން އިޔާދު (23އ) އެވެ.

ދިވެހި ފުލުހުންގެ ޚިދުމަތުން ވިދާޅުވީ، އެ ދެމީހުން ހައްޔަރުކޮށްފައި ވަނީ ހުޅުމާލެ ސްޕެޝަލް އެންފޯސްމަންޓް ޓީމުން މަގުމަތި ޕެޓްރޯލުކުރުމުގެ ތެރޭގައި، ތުހުމަތުކުރެވިގެން ހުއްޓުވައި ބަލައިފާސްކުރުމަށްފަހު ކަމަށެވެ. އެގޮތުން، މިހިނގާ މާރިޗު 18 ވަނަ ދުވަހުގެ ރޭ ހުޅުމާލެ މިދިލިމަގުން ސައިކަލެއްގައި ދަނިކޮށް އެ ދެމީހުން ހުއްޓުވައި ބަލައިފާސްކުރިއިރު މަސްތުވާތަކެތި ކަމަށް ބެލެވޭ އެއްޗެއްހުރި 87 ރަބަރު ޕެކެޓު ފެނިފައިވާކަމަށް ފުލުހުން ވިދާޅުވިއެވެ. މި ތަކެތީގެ ވަގުތީ ބަރުދަނަކީ 143.4 ގުރާމެވެ.

މި މައްސަލައާއި ގުޅިގެން މި ދެމީހުންގެ ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން ދެމީހުން ވެސް 5 ދުވަހަށް ބަންދުކުރުމަށް ވަނީ އަމުރުކޮށްފައެވެ.

މި މައްސަލަ ފުލުހުން ގެންދަނީ އިތުރަށް ތަޙުޤީގުކުރަމުންނެވެ.

ހުޅުމާލެ އުތުރު ދާއިރާގެ އަންހެނުންގެ ތަރައްގީ އަށް މަސައްކަތްކުރާ ކޮމިޓީގެ މެމްބަރު ކަމަށް އެމްޑީޕީގެ ޓިކެޓްގައި ވާދަކުރައްވާ ފާތިމަތު ޝިބާ އަށް، ބަޔަކު ގަސްތުގައި ސައިކަލުން ޖައްސައި ބޮޑެތި އަނިޔާތަކެއް ދީފި އެވެ.

މި ހާދިސާ ހިނގާފައިވަނީ މިއަދުގެ ހަވީރުގެ ވަގުތެއްގަ އެވެ.

ހަވާސާ އަށް މައުލޫމާތު ލިބިފައިވާ ގޮތުގައި، މި ހާދިސާ ހިނގާފައިވަނީ ޝިބާ އިސްވެ ހުންނަވައިގެން ކުރިއަށްގެންދިޔަ “ދޮރުން ދޮރަށް” ހަރަކާތް ނިންމަވާލެއްވުމަށްފަހު އެނބުރި ވަޑައިގަތުމަށް ސައިކަލަށް އެރި ވަގުތުގަ އެވެ. ޝިބާ ސައިކަލަށް އެރިތަނުން، ފަހަތުން އައި ގްރޫޕަކުން ވަނީ ބާރު ސްޕީޑުގައި އައިސް ޝިބާ އިންނެވި ސައިކަލުގައި ޖައްސާފަ އެވެ.

މި ހަމަލާގެ ސަބަބުން ޝިބާ އަށް ވަނީ ޖިސްމާނީ ގޮތުން ބޮޑެތި އަނިޔާތަކެއް ލިބިފަ އެވެ. އެގޮތުން އޭނާގެ ނޭފަތުގެ ކަށިގަނޑެއް ބިންދައިގެން ގޮސްފައިވާއިރު، އަނގައިގެ ބައެއް ދަތްތައް ވެސް ވަނީ މަދުވެފަ އެވެ. މީގެ އިތުރުން ހަށިގަނޑުގެ އެކި ތަންތަނަށް އެކިވަރުގެ ޒަޚަމްތައް ލިބިފައިވާ ކަމަށް މައުލޫމާތު ލިބެ އެވެ.

ޝިބާ އަށް ލިބުނު އަނިޔާތަކަށް ފަރުވާ ދިނުމަށްޓަކައި ވަގުތުން ހުޅުމާލެ ހޮސްޕިޓަލަށް ގެންގޮސްފައިވާއިރު، މިހާރު ވެސް އޭނާ އަށް އަންނަނީ އެ ހޮސްޕިޓަލުގައި ފަރުވާ ދެމުންނެވެ.

އިންތިޚާބީ ކެމްޕޭނެއްގެ ތެރެއިން ކެންޑިޑޭޓަކަށް އަމާޒުކޮށް މިފަދަ ނުރައްކާތެރި ހަމަލާއެއް ދީފައިވާއިރު، މިކަމާ ގުޅިގެން ގިނަ ބަޔަކު އަންނަނީ ކަންބޮޑުވުން ފާޅުކުރަމުންނެވެ. މި ހާދިސާއާ ގުޅޭ އިތުރު ތަފްސީލެއް ކަމާބެހޭ އިދާރާތަކުން އަދި ރަސްމީކޮށް ހާމަކޮށްފައެއް ނުވެ އެވެ.

ބަރަކާތްތެރި ފިތުރު އީދު ދުވަހުގެ މުނާސަބަތުގައި ބާއްވާ “އީދު ހަވީރު 1447” ގައި ހިމެނޭ ސްޓޯލްތައް މާލެ ސަރަހައްދުގެ ހަތަރު ދިމާލެއްގައި ހުންނާނެ ކަމަށް އެމްއެންޑީއެފުން މިއަދު ވިދާޅުވެއްޖެއެވެ.

ސަރުކާރުގެ އެކި މުއައްސަސާތަކާއި އިދާރާތަކުގެ އެހީތެރިކަމާއެކު ކުރިއަށް ގެންދާ މި އީދު ތިން ދުވަހަށް ކުރިއަށްދާނީ ކޮންމެ ދުވަހެއްގެ 16:00 އިން 18:00 އަށެވެ.

އެމްއެންޑީއެފްގެ ސްޓޯލްތައް ހުންނާނީ ވިލިމާލެ ބޯޅަ ދަނޑު، މާލޭގެ ޖުމްހޫރީ މައިދާން، ހުޅުމާލެ 1 ގެ ސެންޓްރަލް ޕާކް އަދި ހުޅުމާލެ 2 ގެ ހިޔާ ސަރަހައްދުގައެވެ. ހަވީރު އޮންނަ ހަވީރުގައި ބައިވެރިވުމަށް ހުރިހާ ކުޑަކުދިންނަށް އެމްއެންޑީއެފުން އެދެއެވެ.

ބަރަކާތްތެރި ފިތުރު އީދު ދުވަހުގެ މުނާސަބަތުގައި މިދިޔަ އަހަރު ވެސް މާލެ ސަރަހައްދުގައި ބޭއްވި ކުޑަކުދިންގެ ހަވީރަށް ބޮޑު ތަރުހީބެއް ލިބުނެވެ. މި ހަވީރުގައި އެ ފަހަރު ރައީސް ޑރ. މުހައްމަދު މުއިއްޒާއި އެމަނިކުފާނުގެ އަނބިކަނބަލުން ފަސްޓްލޭޑީ، ސާޖިދާ މުހައްމަދު ބައިވެރިވެވަޑައިގެންނެވިއެވެ.

ސަރުކާރުގެ އިސްނެގުމާއެކު މުސްލިމުން އުފާފާޅުކުރުމަށް މަގުފަހިކޮށްދިނުމަކީ ރައީސ ޚާއްސަ އަހަންމިއްޔަތެއް ދެއްވާ ކަމެއް ކަމަށެވެ. އަދި އީދު ފަދަ އިސްލާމީ މުނާސަބަތުތައް އިހުތިފާލުކުރުމުގެ ސަބަބުން ޚާއްސަކޮށް، ކުޑަކުދިން އިސްލާމް ދީނަށް ލޯބިކުރުމަށް ބާރުއެޅި، ދީނަށް ލޯބިޖެހި، ދީނުގެ ކަންކަން އުނގެނުމަށްވެސް ބާރުއެޅިގެންދާނެކަމަށް ރައީސް ދެކެވަޑައިގަންނަވާ ކަމަށް ރައީސް އޮފީހުން ވިދާޅުވިއެވެ.

މި އަހަރުގެ ރަމަޟާން މަހުގެ ފިތުރު ޒަކާތް، ފަގީރުންނާއި މިސްކީނުންގެ ދަފްތަރުގައި ރަޖިސްޓްރީވެފައިވާ ހުރިހާ ފަރާތްތަކަށް މޯލްޑިވްސް ޒަކާތު ހައުސްއިން ބަހައި ނިންމައިފިއެވެ.

ރޭ އަލިފާނުގެ ހާދިސާ ހިނގީ، އިންތިޚާބީ މަރުކަޒާ ޖެހިގެން ހުރި ގުދަނެއްގައި ކަމަށްވީ ނަމަވެސް، އަންނަ މަހު ބާއްވާ ތިން އިންތިޚާބުގެ ކަންކަމަށް އެއްވެސް ބުރުލެއް ނާރާނެ ކަމަށް އިލެކްޝަންސް ކޮމިޝަން (އީސީ)އިން ބުނެފިއެވެ.

މާލޭގެ މާފަންނު އަވަށުގައި ހުރި ކެމިކަލް ގުދަނެއްގައި ރޭ ހިނގި ނުރައްކާތެރި އަލިފާނުގެ ހާދިސާއާ ގުޅިގެން، ހާލުގައި ޖެހުނު 454 މީހަކު އިވެކުއޭޝަން ސެންޓަރުގައި ރަޖިސްޓްރީކޮށްފައިވާ ކަމަށް ނެޝަނަލް ޑިޒާސްޓާ މެނޭޖްމަންޓް އޮތޯރިޓީ (އެންޑީއެމްއޭ) އިން ހާމަކޮށްފިއެވެ.

މި ނުރައްކާތެރި ހާދިސާ ހިނގާފައިވަނީ މާފަންނު އިއްޒުދީން މަގުގައި ހުންނަ މ. ކައިރުގޭގައި ގާއިމުކޮށްފައިވާ ”ޕްރައިމް ގޯޑައުން 1“ ގައެވެ. އަލިފާން ރޯވުމާއެކު ސަލާމަތީ ބާރުތަކުންނާއި ކަމާބެހޭ އިދާރާތަކުން ވަނީ އެ ސަރަހައްދުގައި ހަރަކާތްތެރިވާން ފަށާފައެވެ.

އެންޑީއެމްއޭ އިން މައުލޫމާތު ދީފައިވާ ގޮތުގައި، ރޭ ދަންވަރު 2:30 އާ ހަމައަށް ޖުމްލަ 15 ގެއަކުން މީހުން ހުސްކުރަން ޖެހުނެވެ. އަދި އިވެކުއޭޝަން ސެންޓަރުގައި 454 މީހުން ރަޖިސްޓްރީ ކުރެވިފައިވާއިރު، އޭގެ ތެރޭގައި ހިމެނެނީ 69 އަންހެނުންނާއި 385 ފިރިހެނުން ކަމަށް އެންޑީއެމްއޭއިން މައުލޫމާތު ދެއެވެ. މީގެ ތެރެއިން 302 މީހުންނަކީ ބިދޭސީ މަސައްކަތްތެރިންނެވެ.

މި ހާދިސާގެ ސަބަބުން ދިރިއުޅޭނެ ވަގުތީ ބޯހިޔާވަހިކަން ބޭނުންވި 10 ގެއެއްގެ 77 މީހަކަށް އެންޑީއެމްއޭގެ ފަރާތުން މިހާރު ވަނީ އެހީތެރިކަން ފޯރުކޮށްދީފައެވެ. ހާލުގައި ޖެހުނު ބިދޭސީންގެ ތެރެއިން 280 މީހަކާ އެމީހުންގެ ވަޒީފާދޭ ފަރާތްތަކުން މިހާރު ހަވާލުވެފައިވާއިރު، އިތުރު 20 ބިދޭސީއަކަށް ދިވެހި ރެޑްކްރެސެންޓުން ދަނީ އެހީތެރިކަން ފޯރުކޮށްދެމުންނެވެ.

އެންޑީއެމްއޭ އިން ފާހަގަކުރި ގޮތުގައި، 15 ގެއެއް ހުސްކުރަން ޖެހުނީ އަލިފާނުގެ ސަބަބުން އުފެދުނު ބޯ ދުމުގެ އަސަރު އެ ގެތަކަށް ނުރައްކާތެރި މިންވަރަކަށް ކުރުމުގެ ސަބަބުންނެވެ. އަދި ބައެއް އާއިލާތަކުން އަމިއްލައަށް އެމީހުންގެ ތިމާގެ މީހުންގެ ގެތަކަށް ބަދަލުވެފައިވާކަންވެސް އެ އިދާރާއިން ފާހަގަކުރިއެވެ.

މި ހާދިސާގައި ދުމުގެ އަސަރުކޮށްގެންނާއި އެކި ކަހަލަ އުނދަގޫތަކާ ގުޅިގެން ޖުމްލަ 7 މީހަކަށް ހޮސްޕިޓަލުގައި ފަރުވާދީފައިވެއެވެ. ނަމަވެސް އެ އެންމެންގެ ހާލުވެސް މިހާރު ރަނގަޅު ކަމަށާއި، ހޮސްޕިޓަލުން ދޫކޮށްލާފައިވާ ކަމަށް ރަސްމީ އިދާރާތަކުން މައުލޫމާތުދެއެވެ.

މާލެ ސަރަހައްދުގައި ބޮޑު ޖަމާތުގައި ޢީދު ނަމާދުކުރާ ސަރަހައްދުގައި ހުރި ވެހިކަލްތައް ނަގަން ފުލުހުން އަންގައިފިއެވެ.

ފުލުހުން މިރޭ ކޮށްފައިވާ ޕޯސްޓެއްގައި ވަނީ ޓްރެފިކް ފްލޯއަށް ގެނެސްފައިވާ ބަދަލުތައް އާންމުންނަށް އަންގާ އިއުލާނުކޮށްފައެވެ.

އެގޮތުން، ފިތުރު ޢީދު ނަމާދަށް އިސްލާމީ މަރުކަޒު ހުންނަ ސަރަހައްދާއި ސަލްމާން މިސްކިތުގެ އިތުރުން މާފަންނު ސްޓޭޑިއަމް ހިމެނޭ ސަރަހައްދުގެ ޓްރެފިކް ފްލޯއަށް ގެނެވޭ ބަދަލުތައް ފުލުހުން ވަނީ ޗާޓާ އެކު އާންމުކޮށްފައެވެ.

1447 ވަނަ އަހަރުގެ ފިތުރު އީދު ނަމާދަށް އިސްލާމީ މަރުކަރު، ސަލްމާން މިސްކިތް އަދި މާފަންނު ސްޓޭޑިއަމް ހިމެނޭ ސަރަހައްދުގެ ޓްރެފިކް ފްލޯއަށް ގެނެވޭ ބަދަލު.

ޗާޓުގައި ޕާކުކުރުން މަނާކަމަށް ކަނޑައަޅާފައިވާ ސަރަހައްދުތަކުގައި ހުރި އުޅަނދުތައް، 2026 މާރިޗު 19 ވަނަ ދުވަހުގެ 15:00 ގެ… pic.twitter.com/roYteKmvvL

— Maldives Police (@PoliceMv) March 18, 2026

ފުލުހުން ވަނީ އެ އިދާރާއިން އާންމުކޮށްފައިވާ ޗާޓުގައި، ޕާކުކުރުން މަނާކަމަށް ކަނޑައަޅާފައިވާ ސަރަހައްދުތަކުގައި ހުރި އުޅަނދުތައް މާދަމާގެ 15:00 ގެ ކުރިން އެ ސަރަހައްދުތަކުން ނަގަން އެދިފައެވެ.

އަދި، އެފަދަ ކަންކަމުގައި އާންމު ރައްޔިތުންގެ ފަރާތުން ލިބޭ އެއްބާރުލުމަށް ފުލުހުން ވަނީ ޝުކުރު އަދާކޮށްފައެވެ.

މީގެ އިތުރުން، ފުލުހުން ވަނީ މި އިންތިޒާމުތަކުގެ ސަބަބުން އާންމު ރައްޔިތުންނަށް ދިމާވެދާނެ ދަތިތަކަށްޓަކައި މައާފަށް އެދިފައެވެ.

މި އަހަރުގެ ޝައްވާލް މަހުގެ ހަނދު މިރޭ ފެނިފައެއް ނުވެއެވެ. އެހެންވެ، މާދަމައަކީ ރޯދަމަހުގެ 30 ވަނަ ދުވަހެވެ. ޢީދު ދުވަހަށް ވާނީ ހުކުރު ދުވަހެވެ.

އިއްޒުއްދީން މަގުގައި ހުރި ގުދަނުގައި މިރޭ ހިނގި އަލިފާނުގެ ބޮޑު ހާދިސާގައި އެ ސަރަހައްދުގައި ހުރި 4 ގެއަކުން މީހުން ހުސްކުރަން ޖެހުނުކަމަށް އެންޑީއެމްއޭއިން ބުނެފިއެވެ.

ނެޝެނަލް ޑިޒާސްޓަރ މެނޭޖްމަންޓް އޮތޯރިޓީ، އެންޑީއެމްއޭއިން ބުނީ، އަލިފާނުގެ ހާދިސާގައި އެހީތެރިކަން ފޯރުކޮށްދޭން ޖެހުނު ފަރާތްތަކަށް އެހީތެރިކަން ދެމުންދާކަމަށެވެ.

އެގޮތުން 4 އާއިލާއެއްގެ 18 މީހުންނަށް އެހީތެރިކަން ފޯރުކޮށްދޭން ޖެހުނުކަމަށް އެ އިދާރާއިން ބުންޏެވެ.

އިތުރު ތަފްސީލް އަންނަނީ

އިންތިޚާބާބޭހޭ މަރުކަޒާ ޖެހިގެން ހުރި ގުދަނުގައި މިރޭ ހިނގި އަލިފާނުގެ ހާދިސާއާ ގުޅިގެން، ވޯޓާސް ލިސްޓުގައި ކެނޑިޑޭޓުން ސޮއިކުރުން މެދުކަނޑާލައިފިއެވެ.

އިލެކްޝަނުން މިރޭ ބުނީ، ވޯޓު ދިނުމުގެ ޙައްޤު ލިބިގެންވާ މީހުންގެ ފައިނަލް ރަޖިސްޓަރީގައި ކެންޑިޑޭޓުންގެ ފަރާތުން ސޮއިކުރުމުގެ މަސައްކަތް މިވަގުތައް މެދުކަނޑާލާފައިވާކަމަށެވެ. ސޮއިކުރުމުގެ މަސައްކަތް ކުރިއަށްގެންދާނެ ތާރީޚެއް ފަހުން އަންގާނެ ކަމަށް އިލެކްޝަނުން ބުންޏެވެ.

އިންތިޚާބާބޭހޭ މަރުކަޒާ ޖެހިގެން ހުރި ގުދަނުގާ އަލިފާނުގެ ހާދިސާއެއް ހިނގާފައިވާތީ، މިވަގުތައް ވޯޓު ދިނުމުގެ ޙައްޤު ލިބިގެންވާ މީހުންގެ ފައިނަލް ރަޖިސްޓަރީގައި ކެންޑިޑޭޓުންގެ ފަރާތުން ސޮއިކުރުމުގެ މަސައްކަތް މެދުކަނޑާލާފައިވާ ވާހަކަ ދަންނަވަން.
ސޮއިކުރުމުގެ މަސައްކަތް…

— Elections Commission (@ElectionsMv) March 18, 2026