Author: މަރިޔަމް ނާޖިލާ އިމްރާން

މި ވަގުތު ޒަކާތް ދެއްކޭނީ ހަމައެކަނި ބަނޑޭރި ޕޭ އަދި ފަހި ޕޭ މެދުވެރިކޮށް ކަމަށާ އެހެން ކަމުން ޒަކާތް ނުދައްކާ މީހުން ވީހާވެސް އަވަހަށް ޒަކާތް ދެއްކުމަށް އިސްލާމިކް ހަނދާން ކޮށްދީފި އެވެ.

ޒަކާތު ހަައުސް އިން ބުނީ މިހާރު ޒަކާތުގެ ފައިސާ އޮންލައިންކޮށް ދެއްކޭނީ ހަމައެކަނި ބަނޑޭރި ޕޭ އަދި ފަހި ޕޭ މެދުވެރިކޮށް ކަމަށެވެ.

އަދި އެންމެ ފަހު ރޯދަ ދުވަހުގެ 18:00 ގެ ނިޔަލަށް އެ ދެ ޕޯޓަލް މެދުވެރިކޮށް ޒަކާތް ދެއްކޭނެ ކަމަށެވެ.

ބަނޑޭރިޕޭ މެދުވެރިކޮށް ޒަކާތްދެއްކުމަށް: https://bp.finance.gov.mv

ފަހިޕޭ މެދުވެރިކޮށް ޒަކާތް ދެއްކުމަށް: https://fahipay.mv/zakat/

އެހެން ކަމުން ޒަކާތް ނުދައްކާ ތިބި މީހުން އަވަހަށް ޒަކާތް ދެއްކުމަށް އިލްތިމާސް ކޮށްފައިވެ އެވެ.

ޒަކާތަކީ އިސްލާމް ކަމުގެ ރުކުނެވެ. ފިތުރު އީދު ނަމާދުގެ ކުރީން ފިތުރު ޒަކާތް ނެރެން ޖެހެ އެވެ. އެ ދުވަހު ކައިފައި ބާކީ އެއްޗެއް ހުރި ކޮންމެ މީހަކު މަތީން ޒަކާތް ދެއްކުމަކީ ވާޖިބު ކަމެކެވެ.

މާލޭގެ ގަލޮޅު މޯޗަރީ ކައިރި ހުރި ގުދަނެއްގައި އަލިފާނުގެ ހާދިސާއެއް ހިނގައިފި އެވެ.

ބުދަ ދުވަހު އެމްއެންޑީއެފުން ބުނީ، ގަލޮޅު ހުވަފެނީ ގޯޅީގައި ހުންނަ ގެއެއްގައި އަލިފާން ރޯވެގެން އެމްއެންޑީއެފް ފަޔަރ އެންޑް ރެސްކިޔު ސަރވިސްއިން ހަރަކާތްތެރިވަމުންދާ ކަމަށެވެ.

ނަމަވެސް އިތުރު ތަފްސީލެއް ނުދެ އެވެ.

އާއްމުވެފައިވާ ވީޑީއޯތަކުން ފެންނަނީ ހަނި ގޯޅިއެއްގެ ތެރޭ ހުރި އެ ގުދަނުގައި ވަރަށް ބޮޑަށް ރޯވެ އަނދާ މަންޒެރެވެ. މުޅި ގޯޅިގަނޑު ކަޅު ދުމުން ވަނީ ފުރިފަ އެވެ.

މައުލޫމާތު ލިބޭ ގޮތުގައި، އެއިމާރާތުގެ މަތީގައި ގުދަންހުރި އިރު، ތިރީގައި ހުންނަނީ ކޮފީ ޝޮޕެކެވެ.

މިފަހުން އަލިފާނުގެ ހާދިސާތައް ހިނގާ މިންވަރު ވަނީ އިތުރުވެފަ އެވެ.

މިމަހުގެ 17 ވީ އަންގާރަ ދުވަހުގެ ހަވީރު ހުޅުމާލޭގެ ގެއެއްގައި ނުރައްކާތެރި އަލިފާނުގެ ހާދިސާއެއް ހިނގައި ބޮޑެތި ގެއްލުންތަކެއް ވަނީ ލިބިފަވެ އެވެ. އަދި ޖެނުވަރީ މަހުގެ ތެރޭގައި ހުޅުމާލެ ދެވަނަ ފިޔަވަހީގެ ހިޔާ ފްލެޓުގެ 5 ވަނަ ޓަވަރުގައި އަލިފާނުގެ ހާދިސާއެއް ހިނގާފައިވާއިރު، 31 ޖެނުއަރީ ވީ ހޮނިހިރު ދުވަހުގެ ރޭ މެންދަމު ފޭސް-1ގެ ޗަނބޭލީ5 ގޯޅީގެ ލޮޓް ނަންބަރ 11154 ގޭގެ ތިރީގައި ހުރި ގުދަނެއްގައި ރޯވެ 25 މީހަކަށް ވަގުތީ ބޯހިޔާވަހިކަން ފޯރު ކޮށްދީފައިވެ އެވެ.

މީގެ އިތުރުން އދ. ދިގުރަށުގައި މިމަހުގެ 12 ވީ ބުރާސްފަތި ދުވަހުގެ ދަންވަރު ބިދޭސީން ދިރިއުޅޭ އެކޮމަޑޭޝަން ބްލޮކެއްގައި ނުރައްކާތެރި އަލިފާނުގެ ހާދިސާއެއް ހިނގައި 5 މީހަކު ވަނީ ނިޔާވެފަ އެވެ. އަދި 2 މީހަކަށް ވެންޓިލޭޓަރުގައި ދަނީ ފަރުވާ ދެމުންނެވެ.

ގއ. ނިލަންދޫގައި ބޭނުންކުރަމުންދިޔަ ޖަނަރޭޓަރަކަށް ދިމާވި ފަންނީ މައްސަލައަކާ ގުޅިގެން، މުޅި ރަށް ކަރަންޓުގެ ހިދުމަތުން މެދުކެނޑި، ރަށް ކަނު އަނދިރީގައި އޮންނަން ޖެހިއްޖެއެވެ.

މިކަމާ ގުޅޭގޮތުން މަޢުލޫމާތު ލިބިފައިވާ ގޮތުގައި، ރަށުން ކަރަންޓު ކެނޑެން މެދުވެރިވީ އެ ރަށުގައި ކަރަންޓު އުފެއްދުމަށް ބޭނުންކުރާ ޖަނަރޭޓަރު އޯވާހޯލް ނުކޮށް ގިނަ ދުވަސްތަކެއް ވުމުގެ ސަބަބުން ދިމާވި މައްސަލައަކާ ގުޅިގެންނެވެ. މި މައްސަލަ ދިމާވުމާއެކު ރަށުގެ ބޮޑު ބަޔަކުން ކަރަންޓު ކެނޑި، ރައްޔިތުންނަށް ވަނީ ދަތިތަކާ ކުރިމަތިލާން ޖެހިފައެވެ.

ޚަބަރު ލިބިފައިވާ ގޮތުގައި، މައްސަލަ ދިމާވި ޖަނަރޭޓަރަކީ ނިމިދިޔަ ސަރުކާރުގެ ދުވަސްވަރު އެ ރަށަށް ގެންގޮސްފައިވާ ޖަނަރޭޓަރެކެވެ. ނަމަވެސް، އެކަށީގެންވާ ގޮތެއްގައި އޭގެ މަރާމާތު ބެލެހެއްޓިފައި ނުވުމަކީ ކަރަންޓު ކެނޑެން މެދުވެރިވި މައިގަނޑު ސަބަބު ކަމަށް މަޢުލޫމާތު ލިބެއެވެ.

މެދުއިރުމަތީގައި ހިނގަމުންދާ ހަނގުރާމަ އިތުރަށް ގޯސްވެ، އޭގެ ސަބަބުން ދުނިޔޭގެ މަސްރަހަށާއި ރާއްޖޭގެ އިގްތިސާދަށް ކުރަމުންދާ ނޭދެވޭ އަސަރުތަކާއި ގުޅޭގޮތުން ސައްޙަ މައުލޫމާތު ސަރުކާރުން ފޯރުކޮށް ނުދޭ ކަމަށް އެމްޑީޕީން ތުހުމަތުކޮށްފިއެވެ.

މިއަދު އެމްޑީޕީން ނެރުނު ބަޔާނެއްގައި ބުނެފައިވަނީ، ދުނިޔޭގެ ތެލުގެ ބާޒާރަށާއި ފަތުރުވެރިކަމަށް މި ހަނގުރާމައިގެ ސަބަބުން ބޮޑެތި ލޮޅުންތަކެއް އަރަމުންދާ ކަމަށެވެ. ނަމަވެސް، މިފަދަ ނާޒުކު ދަނޑިވަޅެއްގައި ރައީސް ޑރ.މުހަޢްމަދު މުޢިއްޒު އިސްކަންދެއްވަނީ ގައުމުގެ އިގްތިސާދު ސަލާމަތްކުރުމުގެ ބަދަލުގައި، އަވަސް އަރުވައިލައިގެން ޤާނޫނުއަސާސީއަށް ބަދަލު ގެނައުމަށް ރިފަރެންޑަމެއް ބާއްވައި ބާރު ހޯދުންކަމަށް އެމްޑީޕީން ތުހުމަތު ކުރެއެވެ.

އެމްޑީޕީގެ ބަޔާނުގައި އިތުރަށް ބުނީ ތެލާމެދު، “ކަންބޮޑުވާންޖެހޭނެ ކަމެއް ނެތް” ކަމަށް ރައީސް މުޢިއްޒު ވިދާޅުވިތާ 48 ގަޑިއިރު ނުވަނީސް ތެލުގެ އަގު 20 އިންސައްތަ ބޮޑުކޮށްފައިވާކަމަށެވެ. އަދި އޭގެ ފަހުން ތެލުގެ އެހީއަށް އެދި އިންޑިއާ ސަރުކާރުގައި ރާއްޖެއިން އާދޭސް ދަންނަވާފައިވުމަކީ ރައީސްގެ ވާހަކަފުޅުތަކުގެ އެއްވެސް ބުރަދަނެއް ނެތްކަން ހާމަވާ ކަމެއް ކަމަށްވެސް ބުނެފައިވެއެވެ.

މި ދަތި ދަނޑިވަޅުގައި އިންޑިއާ ސަރުކާރާއި ރައްޔިތުން ރާއްޖެއަށް ފޯރުކޮށްދެމުންދާ އެހީތެރިކަމަށްޓަކާއި އެމްޑީޕީން ވަނީ އެ ގައުމަށް ޝުކުރު އަދާކޮށްފައެވެ.

އެމްޑީޕީން އިތުރަށް ބުނެފައިވަނީ، އަވަށްޓެރި ގައުމުތަކުން ތެލުގެ މައްސަލައަށް ހައްލު ހޯދަން ސިޔާސަތުތައް އެކުލަވާލަމުންދާއިރު، ދިވެހި ސަަރުކާރުން ކަމާބެހޭ ފަރާތްތަކާ މަޝްވަރާނުކޮށް، ދެފުށް ފެންނަ ގޮތެއްގައި ކަންކަން ނުކުރާތީ ކަންބޮޑުވާ ކަމަށެވެ. ރައްޔިތުން ބޭނުންވަނީ ކަންކަން އޮޅުވާލާ ސަރުކާރެއް ނޫން ކަމަށާއި، ބޭނުންވަނީ ކުރިމަތިވާ ގޮންޖެހުންތަކާ ސީދާ ކުރިމަތިލާނެ ސަރުކާރެއް ކަމަށް އެމްޑީޕީގެ ބަޔާން ނިންމާލަމުން ބުނެފައިވެއެވެ.

ރައީސް ޑރ. މުހަޢްމަދު މުޢިއްޒު ވަނީ މެދުއިރުމަތީގެ ހާލަތާއި ގުޅިގެން ވަޒީރުންގެ ހާއްސް ކޮމިޓީއެއް އުފައްދާފައެވެ. އަދި މިދިޔަ ހަފްތާގައި އެ ކޮމިޓީން ވަނީ ނޫސްވެރިންނާއި ބައްދަލުކޮށް ނޫސްވެރިންގެ ސުވާލުތަކައް ޖަވާބު ދީފައެވެ.

އެފްއޭއެމްގެ ފައިސާއިން އަމީންއެވެނިއު އިން ޕެންޓް ހައުސް ގަތް މައްސަލައިގައި ބައްސާމް އަދީލް ޖަލީލް 32 އަހަރަށް ޖަލަށް ލާން ހުކުމްކޮށްފައި ވަނިކޮށް އޭނާ ގޭބަންދަށް ބަދަލުކުރިނަމަވެސް، މިހާރު އަނެއްކާވެސް ޖަލަށް ބަދަލުކޮށްފިއެވެ.

އޭނާ ގޭބަންދަށް ބަދަލުކޮށްފައިވަނީ ހޯމަ ދުވަހުގެ ވަގުތެއްގައެވެ.

އެކަމާ ގުޅޭގޮތުން ރާއްޖެއެމްވީން ސުވާލު ކުރުމުން ކަރެކްޝަންސްގެ އޮފިޝަލަކު ވިދާޅުވީ، އޭނާ ގޭބަންދަށް ބަދަލުކުރީ ސިއްޙީ ޙާލަތަށް ރިއާޔަތްކޮށް ވަގުތީ ގޮތުންކަމަށެވެ. އަދި ވިދާޅުވީ، ސަރޖަރީއަކަށް ފަހު މިހާރު ބައްސާމް އަނެއްކާވެސް ޖަލަށް ބަދަލުކޮށްފައިވާ ކަމަށެވެ.

އެފްއޭއެމަށް ބޭރުގެ އެކި އިދާރާތަކުން ލިބިފައިވާ ފައިސާ އަށް ޚިޔާނާތްތެރިވެ، މަނީ ލޯންޑަރިން ހިންގާފައިވާ ކަމަށް ތުހުމަތު ކުރެވޭ މައްސަލައިގައި ބައްސާމްއަށް އުފުލި ދައުވާތަކުގެ ތެރޭގައި ހިޔާނަތްތެރިވުމުގެ ކުށުގެ ދައުވާއާއި، މަނީ ލޯންޑަރިންގގެ ދައުވާތަކެއް ހިމެނެއެވެ.

އޭނާ ގެ މައްޗަށް މީގެ ކުރިން ވަނީ   އެފްއޭއެމްގެ ފައިސާއަށް ހިޔާނާތްތެރިވުމުގެ ކުށް ސާބިތުވެ ހަތަރު އަހަރުގެ ޖަލު ހުކުމެއް އަދި މަނީ ލޯންޑަރިންގެ ކުށް ސާބިތުވެ ފަސް އަހަރު ހުކުމެއް  އިއްވާފައެވެ. އެހެންވެ ފަހުން އޭނާ ގެ މައްޗަށް އިއްވި 23 އަހަރުގެ ޖަލު ޙުކުމާއެކު އޭނާ ގެ ޖަލު ޙުކުމުގެ މުއްދަތު 32 އަހަރަށް އަރައެވެ.

ބައްސާމުގެ މައްޗަށް ދައުވާކޮށްފައިވަނީ އަމީން ކޮންސްޓްރަކްޝަން ޕވޓ ލޓޑގެ އަމީން އެވެނިއު އިން އެޕާޓްމަންޓެއް ގަތުމަށް ފައިސާ ޖަމާކުރުމަށްޓަކައި، ފުޓްބޯލް އެސޯސިއޭޝަން އޮފް މޯލްޑިވްސްގެ USD 1,200,000 (އެއް މިލިއަން ދެލައްކަ އެމެރިކާ ޑޮލަރު) އަށް ޚިޔާނާތްތެރި ވެފައިވާތީ އެވެ.

އަދި އަމީން އެވެނިއުގެ ބްލޮކް A ގެ 12 އަދި 13 ވަނަ ފަންގިފިލާގެ 8 ކޮޓަރިއާއި 10 ފާހަނައިގެ ނަންބަރު A1205 އާއި A1206 އެޕަރޓްމަންޓް ގަތުމަށް އެއްބަސްވުމެއްގައި ސޮއިކޮށް، އެ އެއްބަސްވުމުގެ ދަށުން، އަމީން ކޮންސްޓްރަކްޝަން އަށް ޖީ.އެސް.ޓީ ހިމެނޭ ގޮތަށް ދައްކަންޖެހޭ ޖުމްލަ -/25,000,000 (ފަންސަވީސް މިލިއަން ރުފިޔާ) ގެ ތެރެއިން ބުކިންގ ފީ އާއި ކޮމިޓްމަންޓް ފީ ހިމެނޭ ގޮތަށް އެތަނުގެ އަގަށްވާ ފައިސާގެ ގޮތުގައި އެފް.އޭ.އެމް.ގެ ޑޮލަރު އެކައުންޓުން އެކި އެކި ކުންފުނިތަކަށް ފައިސާ ފޮނުވައި، އެ ފައިސާ އަމީން ކޮންސްޓްރަކްޝަން ޕވޓ ލޓޑ އަށް ދައްކާފައިވާތީ އެވެ.