އެ ހާދިސާ ހިނގީ، މާލޭ އިއްޒުއްދީން މަގުގައި ހުންނަ ޕްރައިމް ގޯޑައުން ގުދަނުގައެވެ. އެތަނުގައި ކެމިކަލްއާއި ގަސް ކާނާ ރައްކާކޮށްފައި ހުރިއިރު، މި ހާދިސާގައި އެ ގުދަން ވަނީ އަނދާފައެވެ. އީސީގެ އިންތިޚާބީ މަރުކަޒު ހުރީ ރޯވި ގުދަނާ ޖެހިގެންނެވެ.

މި ހާދިސާ ގުޅިގެން އެ ސަރަހައްދުގައި ހުންނަވައި، މީޑީއާތަކަށް ދެއްވި އިންޓަވިއުއެއްގައި އީސީގެ ރައީސް މުހައްމަދު ޒާހިދު ވިދާޅުވީ، އެ މަރުކަޒުގައި ހުރި އިންތިޚާބަށް ބޭނުންވާ ލިޔެކިޔުންތައް ރައްކާތެރިކަމާ އެއްކޮށް ނެރެފައިވާ ކަމަށެވެ.

އެހެންވެ، އެއްވެސް ބުރުލެއް ނާރާ އަންނަ މަހު ހަތަރެއްގައި އިންތިޚާބު ބޭއްވޭނެ ކަމަށް ޒާހިދު ވަނީ ވިދާޅުވެފައެވެ. އަދި، އިންތިޚާބީ މަރުކަޒަށް ވަދުމުގެ ހުއްދަ އެމްއެންޑީއެފްގެ ފަރާތުން ލިބެންދެން ހުރިހާ މަސައްކަތްތައް ކުރިއަށްދާނީ ސޯޝަލް ސެންޓަރުގައިކަން އޭނާ ފާހަގަކުރެއްވިއެވެ.

ފާހަގަކުރެވޭ ގޮތުގައި، އަލިފާން މިހާރު ނިއްލާފައިވާއިރު، އެ ސަރަހައްދުގައި ދުން ބޯވުމުގެ ސަބަބުން 15 ގެއަކުން ވަނީ މީހުން ހުސްކޮށްފައެވެ. ހަތްދިހަ ހަތް މީހުންނަށް އެންޑީއެމްއޭއިން ވަނީ ވަގުތީ ބޯހިޔާވަހިކަން ފޯރުކޮށްދީފައެވެ.