Author: އަޙްމަދް އަޙްނަފް

ބިންހެލުމާއި ގުޅިގެން ރަޝިއާގެ އަލިފާން ފަރުބަދައެއް ގޮވައިފިއެވެ.

 

އިތުރު ތަފްސީލް އަންނަނީ….

ހުރިހާ ސިވިލް ސާވަންޓުންގެ މުސާރަ މި އަހަރު ބޮޑު ކުރައްވާނެ ކަމަށް ރައީސް ޑރ. މުހައްމަދު މުއިއްޒު އިއުލާން ކުރައްވާފައިވާތީ އެ ކަމަށް އަމަލީ ސިފަ ގެނައުމުގެ މަސައްކަތް ވަރަށް ފުޅާދާއިރާއެއްގައި ކުރިއަށް ގެންދަވާ ކަމަށް ސީއެސްސީގެ ރައީސް މުހައްމަދު ނާސިހް މިއަދު ވިދާޅުވެއްޖެއެވެ.

އޭނާ އެހެން ވިދާޅުވީ، ލޯކަލް ގަވަމެންޓް މިނިސްޓްރީގެ މި އަހަރުގެ “މެދު މުރާޖައާ” ބައްދަލުވުން ފެށުމަށް ބޭއްވި ރަސްމިއްޔާތުގައި ވާހަކަ ދައްކަވަމުންނެވެ.

ސިވިލް ސާވަންޓުންގެ މުސާރަ ބޮޑުކުރުމާ ގުޅޭ މަޝްވަރާތައް ވަރަށް ފުޅާދާއިރާއެއްގައި ކަމާ ގުޅޭ މުއައްސަސާތަކާ އެކު ކުރައްވަމުން ގެންދަވާ ކަމަށް ސީއެސްސީގެ ރައީސް ނާސިހު ވިދާޅުވިއިރު، ސިވިލް ސާވަންޓުންނާއި ޝަރުއީ ދާއިރާގެ މުވައްޒަފުންގެ މުސާރަތައް ހާމަނައިޒް ކުރަން ދައުލަތުގެ މި އަހަރުގެ ބަޖެޓުގައި 500 މިލިއަން ރުފިޔާ ވަނީ ކަނޑައަޅައިފައެވެ.

ސީއެސްސީގެ ރައީސް މިއަދު ވިދާޅުވީ، ސިވިލް ސާވަންޓުންގެ މުސާރަ ބޮޑުކުރުމަށްޓަކައި ޕޭކޮމިޝަނުން އެކިއެކި މިނިސްޓްރީތަކާ ވެސް މިހާރު ބައްދަލުކުރަމުން އަންނަ ކަމަށެވެ.

މުސާރަ ބޮޑުކުރުމާ ގުޅުވައިގެން ނާސިހު ވިދާޅުވީ، ޑިއުޓީގައި ކުރަންޖެހޭ މަސައްކަތްތަކަށް ސިވިލް ސާވަންޓުން އިސްކަންދޭން ޖެހޭނެ ކަމަށެވެ. އޭގެ ތެރޭގައި ވީހާ ވެސް ގިނައިން އޮފީހުގައި ވަގުތު ހޭދަކުރުން އޭނާ ފާހަގަކުރެއްވި އެވެ. ދެން ވިދާޅުވީ، ރަސްމީ ގަޑީގައި މަސައްކަތް ނުކޮށް، އިތުރު ގަޑީގެ ފައިސާ ހޯދުމުގެ ބޭނުމުގައި ރަސްމީ ގަޑީގެ ބޭރުން މަސައްކަތް ކުރުން އެހާ ރަނގަޅު ނޫން ކަމަށެވެ.

ސިވިލް ސާވިސްގައި މި ވަގުތު 30،000 އަށް ވުރެ ގިނަ މުވައްޒަފުން މަސައްކަތް ކުރެ އެވެ. މިދިޔަ އަހަރުގެ ބަޖެޓުގައި މުވައްޒަފުންގެ މުސާރަ އަށް 12 ބިލިއަން ރުފިޔާ ކަނޑައަޅާފައިވާއިރު، މި އަހަރަށް މުވައްޒަފުންގެ މުސާރަ އާއި އިނާޔަތްތަކުގެ ގޮތުގައި ހިމަނާފައިވަނީ ޖުމްލަ 13.9 ބިލިއަން ރުފިޔާއެވެ.

ލޯކަލް ގަވަމެންޓް މިނިސްޓްރީގެ ބައްދަލުވުމުގައި ސީއެސްސީގެ ރައީސް ނާސިހު މިއަދު ވިދާޅުވީ، އޮފީސްތަކުގައި ކަންކަން ހާސިލް ނުވާ ސަބަބު ބެލުމާއި ސެކްޝަންތަކުގެ މަސައްކަތްތައް ވެސް ދޭތެރެދޭތެރެއިން މުރާޖައާ ކުރުމަކީ މުހިންމު ކަމެއް ކަމަށެވެ.

މާލެ ސަރަހައްދަށް މިއަދު މެންދުރު ކުރި ވިއްސާރައިގައި ވައިގަދަވެ، ވެލާނާ އިންޓަނޭޝަނަލް އެއާޕޯޓަށް ވަންނަ މަގުގައި ހުރި ގިޑިގެއެއް މިއަދު ވެއްޓިއްޖެއެވެ.

“ހަވާސާ” ނޫހަށް މަޢުލޫމާތު ދެމުން ފުލުހުންގެ މީޑިއާ އޮފިޝަލް ވިދާޅުވީ، އެއާޕޯޓަށް ވަންނަ މަގުގައި ޖަހާފައި ހުރި ގިޑިގެއެއް ވައިގަދަވުމުގެ ސަބަބުން ވެއްޓުނު ކަމުގެ މައުލޫމާތު ލިބުނީ 13:30 ހާއިރު ކަމަށެވެ.

މިހާދިސާގައި އެއްވެސް މީހަކަށް އަނިޔާއެއް ވެފައިނުވާ ކަމަށާއި އުޅަނދަކަށް ވެސް ގެއްލުމެއް ނުވާކަމަށް އޮފިޝަލް ވިދާޅުވިއެވެ.

އޭގެއިތުރަށް، ފުލުހުންނާއި އެމްއޭސީއެލް މުވައްޒަފުން ގުޅިގެން ވެއްޓުނު ގިޑިގެ މިހާރު ވަނީ ނަގާފައެވެ. އަދި، ގިޑިގެ ވެއްޓުނުތާ ކުޑައިރުކޮޅެއް ތެރޭ ޓްރެފިކަށް އަލުން މަގު ހުޅުވާލިކަން އޮފިޝަލް ފާހަގަކުރިއެވެ.

މި ހާދިސާގެ ވީޑިއޯއެއް ވެސް ސޯޝަލް މީޑިއާގައި ވަނީ ދައުރުވެފައެވެ. ބެލެވޭގޮތުގައި މިއީ ވީއައިއޭގެ އާ ޓާމިނަލް ހުޅުވުމުގެ ރަސްމިއްޔާތާ ގުޅިގެން ޖަހާފައިވާ ގިޑިގެއެކެވެ.

ކުރިއަށް އޮތް ދެ ދުވަހު ރާއްޖޭގެ ހުރިހާ ހިސާބަކަށް މޫސުން ގޯސްވާނެ ކަމަށް މެޓުން ވަނީ އިއްޔެ ލަފާކޮށްފައެވެ.

އެހެންކަމުން ކަނޑު ދަތުރުކުރުމުގައި ސަމާލުވުމަށް މެޓުން ވަނީ އިލްތިމާސްކޮށްފައެވެ.

ރާއްޖޭގެ ބާޒާރުގައި ފިޔާ ލިބުމުގައި ދިމާވެފައިވާ ދަތިކަން ޙައްލުކުރުމަށް ސްޓޭޓް ޓްރޭޑިން އޯގަނައިޒޭޝަން (އެސްޓީއޯ)އިން ފިޔާ ޝިޕްމަންޓެއް ގެނައުމަށް މަސައްކަތްކުރަމުންދާކަމަށް އެ ކުންފުނިން މަޢުލޫމާތު ދީފިއެވެ.

މި ދަތިކަން ދިމާވެފައިވަނީ މޫސުން ގޯސްވުމުގެ ސަބަބުން ކަމަށް އެސްޓީއޯއިން ބުނެއެވެ.

މޯލްޑިވްސް ޕޯޓްސް ލިމިޓެޑް (އެމްޕީއެލް)އިން މަޢުލޫމާތު ދެއްވާފައިވާ ގޮތުގައި، މިވަގުތު ބަނދަރުގައި ފިޔާ އެކުލެވޭ 4 އުޅަނދު އޮތްނަމަވެސް، މޫސުން ގޯސްވުމުގެ ސަބަބުން މުދާ ބޭލުމުގައި ދަތިތަކާ ކުރިމަތިވެފައިވެއެވެ.

މިކަމާގުޅިގެން އެމްޕީއެލްއިން ބުނެފައިވަނީ މޫސުން ގޯސް ދުވަސްވަރު ޕެރިޝަބަލް މުދާ ހިފައިގެން އަންނަ ބޯޓުތަކުން މުދާ ކްލިއަރކުރުމުގައި އަބަދުވެސް ދަތިތައް ކުރިމަތިވާ ކަމަށެވެ.

ފިޔާއަކީ އާންމުކޮށް އެސްޓީއޯއިން އިމްޕޯޓްކުރާ އެއްޗެއް ނޫންނަމަވެސް، މިފަދަ ދަތި ޙާލަތްތަކުގައި އެ ކުންފުނިން އެހީތެރިކަން ފޯރުކޮށްދެއެވެ. މިގޮތުން، އިންޑިއާއިން ފިޔާ ޝިޕްމަންޓެއް ގެނައުމުގެ މަސައްކަތް މިހާރު ކުރިއަށްދާކަމަށް އެސްޓީއޯއިން ހާމަކޮށްފައިވެއެވެ.

އެސްޓީއޯއިން އިތުރަށް ފާހަގަކުރި ގޮތުގައި، ބަނދަރުގައި މިހާރު އޮތް ބޯޓުތަކުގެ ޝިޕްމަންޓްތައް މާކެޓަށް ނެރެވުމުން، ފިޔާ ލިބުމުގެ ދަތިކަމަށް ކޮންމެވެސް ވަރެއްގެ ލުޔެއް ލިބިގެންދާނެއެވެ. އަދި އެސްޓީއޯގެ ޝިޕްމަންޓް ރާއްޖެ އައުމުން މި ދަތިކަން އިތުރަށް ޙައްލުވެގެންދާނެ ކަމަށް އެ ކުންފުނިން އުންމީދުކުރެއެވެ.

ފާހަގަކޮށްލެވޭ ކަމަކީ، މިދުވަސްވަރަކީ ރާއްޖެއަށް ފިޔާ އެންމެ ގިނައިން އެކްސްޕޯޓްކުރާ އިންޑިއާގައިވެސް މޫސުން ގޯސްވެފައިވާ ދުވަސްވަރަކަށް ވުމާއެކު، ފިޔާ އިމްޕޯޓްކުރުމުގައި އިތުރު ގޮންޖެހުންތަކެއް ހުރި ކަމެވެ.

ލ މާވަށުގައި މިއަދު ހެނދުނު ޒުވާނަކަށް ވަޅިން ހަމަލާދީ މަރާލި މައްސަލަައިގެ ތުހުމަތުގައި މީހަކު ހައްޔަރުކޮށްފިއެވެ.

މިއަދު ހެނދުނު ވަޅިން ހަމަލާދިނުމުގެ ސަބަބުން މަރުވެފައިވަނީ ލ. މާވަށު ނަލަހިޔާ، އުމުރުން 29 އަހަރުގެ މޫސާ އިބްރާހިމްއެވެ.

އެރަށުން ވާހަކަ ދެއްކި މީހަކު ބުނީ މޫސާ އިބްރާހިމަށް ހަމަލާދީނީ އޭނާ ރަށު ވޮލީ ކޯޓް ކައިރީ ހުއްޓާކަމަށެވެ. އަދި އޭނާއަށް ވަޅިން ހަމަލާދީފައިވަނީ ފަހަތުން އައިސް ނޭނގި ހުއްޓާ ކަރަށް ކަމަށްވެސް ރަށުން ވާހަކަ ދެއްކި މީހާ ބުނެފައިވެއެވެ.

މޫސާ އިބްރާހިމަށް ވަޅިން ހަމަލާދީފައިވަނީ އެރަށައް އައިސް އުޅުނު އެހެން ރަށެއްގެ މީހެކެވެ.

ފުލުހުންގެ ޚިދުމަތުން ބުނީ މޫސާ އިބްރާހިމަށް ހަމަލާދީ މަރާލި މައްސަލައިގައި ހައްޔަރުކޮށްފައިވަނީ ހދ. ނޮޅިވަރަންފަރު، އަސަރީ މަންޒިލް، އުމުރުން 29 އަހަރުގެ މުހައްމަދު އިބްރާހިމް ކަމަށެވެ. މި މާރާމާރީއަކި ދެމީހުންގެ ދެމެދުގައި ހިނގި މާރާމާރީއެއްކަން އެނގިފައިވާކަމަށް ފުލުހުން ބުނެއެވެ.

ފުލުހުން ބުނީ މިޙާދިސާގެ މައްސަލަ ފުލުހުންނަށް ރިޕޯރޓް ކުރީ މިއަދު ހެނދުނު 10:12 ހާއިރު ކަމަށެވެ. އަނިޔާވި ޒުވާނާ ހޮސްޕިޓަލަށް ގެންދިޔައިރުވެސް މަރުވެފައިވާ ކަމަށް ހޮސްޕިޓަލާ ހަވާލާދީ ފުލުހުން ބުންޏެވެ.

ފުލުހުން ބުނީ މައްސަލަ އިތުރަށް ތަހުގީގު ކުރަމުންދާ ކަމަށެވެ.

ދިވެހިރާއްޖޭގެ 60 ވަނަ މިނިވަން ދުވަހުގެ މުނާސަބަތުގައި ބާއްވާ ފުޅަނދު ބުރު މިރޭ 20:30 (ރޭގަނޑު 8:30) ގައި ފެށިގެންދާނެއެވެ. ގައުމީ މި މުނާސަބަތު ފާހަގަކުރުމަށް ބާއްވާ މި ފުޅަނދު ބުރުގައި ގިނަ އަދަދެއްގެ ބަޔަކު ބައިވެރިވާނެކަމަށް ލަފާކުރެވެއެވެ.

މިރޭގެ ފުޅަނދު ބުރު ފެށިގެން ދާނީ މާލޭގެ ރަސްފަންނު ސަރަހައްދުންނެވެ. އެއަށްފަހު މަޖީދީމަގުން ލާފައި، މާލޭގެ އެކި ސަރަހައްދުތަކުގައި މަޑުކުރަމުން ގޮސް، ފުޅަނދު ބުރު ނިންމާލާނީ ހެންވޭރު ބްރިޖް ސަރަހައްދަށެވެ. މި ފުޅަނދު ބުރުގައި ދިވެހި ސިފައިންނާއި ފުލުހުންގެ ބައިތަކުގެ އިތުރުން، ސްކޫލް ކުދިންނާއި، ކުޅިވަރު ކްލަބްތަކާއި، ދައުލަތުގެ އެކިއެކި މުއައްސަސާތަކުގެ ބައިވެރިވުން ހިމެނޭނެއެވެ.

ގައުމީ މި ހަރަކާތަކީ ދިވެހިންގެ އެއްބައިވަންތަކަމާއި ގައުމިއްޔަތު ދައްކުވައިދޭ މުހިންމު ފާހަގަކުރުމެކެވެ. މިނިވަން ދުވަހުގެ އުފާވެރި މުނާސަބަތުގައި ބާއްވާ މި ފުޅަނދު ބުރު ބަލާލުމަށް އާންމު ރައްޔިތުންނަށް ދައުވަތު އެރުވައެވެ.