Author: މަރިޔަމް ނާޖިލާ އިމްރާން

މާވިން އިސްލާމްވެ، އޭނާގެ ނަން މިހާރުވަނީ ޔޫސުފްއަށް ބަދަލުކޮށްފައެވެ. މާވިން އިސްލާމްވެއްޖެކަން، އިސްލާމިކް މިނިސްޓްރީންވަނީ ކޯޓަށްވެސް އަންގައިފައެވެ.

އެ މައްސަލއިގައި މިއަދު ބޭއްވި އަޑުއެހުމުގައި އެ މައްސަލަ މިހާރު ބައްލަވާ ގާޒީ މުޒައްމިލު ނާސިރު ވިދާޅުވީ ޖަލު ބަންދުގައި ހުރި މާވިން އިސްލާމްދީން ގަބޫލުކޮށް، އޭނާގެ ނަން ޔޫސުފްގެ ނަމަށް ބަދަލުކޮށްފައިވާކަން އިސްލާމިކް މިނިސްޓްރީން އަންގާފައިވާ ކަމަށެވެ.

މާވިންގެ މައްޗަށް ދައުލަތުން ކުރާ ދައުވާއަކީ، އޮކްޓޫބަރު، 2021 ގައި އޭނާގެ އަނބިމީހާ މޭރީ މަރާލި ކަމުގެ ތުހުމަތުގައި ކުރާ، އެނގިހުރެ މީހަކު މެރުމުގެ ދައުވާއެވެ. މާވިންގެ ލޯބިވެރިޔާ، ދިވެހި ނަރުސް ލަމްހާގެ މައްޗަށް ކުރަނީ އެކަމުގައި ބައިވެރިވުމުގެ ދައުވާއެވެ.

މި މައްސަލައިގައި މިއަދު އޮތީ ޚުލާސާ ބަޔާން އިއްވުމެވެ. އެކަމަކު ބައެއް ލިޔުންތައް ނުލިބޭތީ އަންނަ މަހަށް ޚުލާސާ ބަޔާން އިއްވުން ފަސްކުރީއެވެ.

މީގެކުރިން މާވިން އާއި ލަމްހާގެ މައްސަލަ ވަކިން ކުރިއަށް ގެންދިޔަ ނަމަވެސް، މިހާރު ޝަރީއަތް ކުރިއަށް ގެންދަނީ އެއްކޮށެވެ. އަދި މިއަދު ޝަރީއަތަށް އެ ދެ މީހުން ހާޒިރުކޮށްފައިވަނީ ވެސް އެއްކޮށެވެ.

އައިޖީއެމްއެޗްގައި މަސައްކަތް ކުރަމުންދިޔަ ފިލިޕީންސްގެ ނަރުހެއް ކަމަށްވާ މޭރީ ގްރޭސްގެ މަރުގެ މައްސަލައިގައި ދައުވާލިބޭ އޭނާގެ ފިރިމީހާ މާވިންގެ ދިފާއުގައި ހެކިބަސްދޭން އޭނާގެ ރައްޓެހިންނަށް ދިން ފުރުސަތުގައި ދެވަނަ ފަހަރަށްވެސް ނައުމުން، އެ މީހުންގެ ހެކިބަހާ ނުލައި މައްސަލަ ކުރިއަށް ގެންދަން ކޯޓުން އޮތީ ކުރިން ނިންމައިފައެވެ.

އެ އިއުލާނުގައި ބުނި ގޮތުގައި، ހައުސިން ޔުނިޓުތައް އިމާރާތް ކުރުމަށް ޝައުގުވެރިވެ، ޕްރޮޕޯސަލް ހުށަހެޅޭނީ ދިވެހި ކުންފުނިތަކަށެވެ.

މިގޮތުން، އެ ޔުނިޓުތައް އިމާރާތް ކުރުމާއި ޑިޒައިން ކުރުމަށް ޝައުގުވެރިވާ ކުންފުނިތަކަށް ޕްރޮޕޯސަލް ހުށަހެޅޭނީ، އަންނަ މަހު 23ގެ 13:00އަށެވެ.

މިނިސްޓްރީން ބުނީ، ހައުސިން ޔުނިޓު އެޅުމަށް ބިން ދޫކުރާނީ، އެއްވެސް އަގެއް ނުނަގާ ކަމަށެވެ.

މި މަޝްރޫއުގެ ދަށުން އެންމެ ކުޑަވެގެން 950 އަކަފޫޓުގެ ތިން ކޮޓަރިއާއި އެންމެ ކުޑަވެގެން 700 އަކަފޫޓުގެ ދެ ކޮޓަރީގެ ޔުނިޓުތައް އަޅާނެ ކަމަށް އެ މިނިސްޓްރީން ވަނީ ބުނެފައެވެ.

މި ކަމާ ގުޅޭ ގޮތުން އަންނަ މަހުގެ ނިޔަލަށް މައުލޫމާތު ސާފުކުރެވޭނެއެވެ.

އަގުހެޔޮ ފުލެޓުތައް އަޅައިދޭނެ ބަޔަކު ހޯދަން އިއުލާނުކުރިއިރު، ބޯހިޔާވަހިކަމަކީ މާލެ ސަރަހައްދަށް ދިމާވެފައި އޮތް އެންމެ ބޮޑު މައްސަލައެވެ. ގިނަ ބަޔަކު މި ސަރަހައްދުގައި ދިރިއުޅެނީ، ބޮޑު ޚަރަދެއް ކޮށްގެން ކުއްޔަށެވެ.

ރާއްޖޭގައި އިސްލާމީ އުސޫލުތައް ގާއިމުކުރުމާއި ދީނީ ކަންކަމަށް އިސްކަން ދިނުމަށް ފުރުސަތު ދިނުމުގެ ގޮތުން، ރަމަޟާން މަހުގެ ފަހު ދިހައިގެ ދުވަސްތައް ބަންދު ކުރެއްވުމަކީ ރައީސް ޑރ. މުހައްމަދު މުއިއްޒުގެ ރިޔާސީ ވައުދުފުޅެކެވެ.

ރައީސް އޮފީހުން ކުރި އިއުލާނުގައި ބުނީ އަންނަ މާރިޗު މަހުގެ ނުވައެއް ވާ ހޯމަ ދުވަހުން ފެށިގެން ރަމަޟާން މަހުގެ ފަހު ދިހައިގައި ސަރުކާރުގެ އޮފީސްތައް ބަންދުވާނެ ކަމަށެވެ.

ރަމަޟާން މަހުގެ ފަހުދިހައާ ގުޅިގެން ސަރުކާރު ބަންދުވާ ދުވަސްތަކުގައި، އެކިއެކި މުއައްސަސާތަކުން ރައްޔިތުންނަށް ކޮންމެހެން ދޭންޖެހޭ ޚިދުމަތްތައް، އެ މުއައްސަސާތަކުން ކަނޑައަޅާ ގޮތެއްގެ މަތިން ދިނުމުގެ އިންތިޒާމު، އެ މުއައްސަސާއަކުން ހަމަޖެއްސުމަށް ރައީސް އޮފީހުން ވަނީ އަންގައިފައެވެ.

މިއަހަރުގެ ރޯދަ މަސް ފެށީ މިމަހުގެ 18 ވަނަ ދުވަހެވެ.

ތަހުގީގު ފަށަން ނިންމާފައި ވާކަން އެ ކޮމިޝަނުން ހާމަކޮށްފައި ވަނީ، މި އަހަރުގެ މި މުއްދަތުގެ ތެރޭގައި ވެސް، ވެމްކޯގެ ސައިޓުތަކުގައި ނުރައްކާތެރި ދެ ހާދިސާއެއް ހިނގި ފަހުންނެވެ.

އެޗްއާރްސީއެމްގެ ޕޯސްޓެއްގައި ވަނީ، ވެމްކޯގެ މަސައްކަތު މާހައުލުގެ ރައްކާތެރިކަމާގުޅޭ ތަފާތު މައްސަލަތައް ތަކުރާރުކޮށް ދިމާވަމުން ދާކަން ފާހަގަކޮށްފައެވެ. އެހެންކަމުން ވެމްކޯގެ މުވައްޒަފުންގެ މަސައްކަތު މާހައުލުގެ ސަލާމަތާއި ރައްކާތެރިކަމާ ގުޅޭގޮތުން، އަވަސް ތަހުގީގެއް ހިންގަން އެ ކޮމިޝަނުން ރޭ ބޭއްވި ބައްދަލުވުމުގައި ނިންމާފައި ވާކަމަށް އެ ޕޯސްޓުގައި ބުނެފައިވެއެވެ.

ފުލުހުން ވަނީ، މިދިޔަ އާދިއްތަ ދުވަހު މާލޭގައި ހުންނަ ވެމްކޯ ސައިޓެއް ތެރޭގައި ހިނގި ހާދިސާއެއްގައި މީހަކަށް ބޮޑެތި އަނިޔާތަކެއްވެފައިވާ މައްސަލަ، އިއްޔެ ހަވީރުގެ ވަގުތެއްގައި ރިޕޯޓުކޮށްފައިވާ ކަމަށް ބުނެފައެވެ.

މި މައްސަލަ އެންމެ ފުރަތަމަ ފެންމަތިވީ ސޯޝަލް މީޑިއާގައި މީހަކު ފޮޓޮއާއެކު ހިއްސާކުރި ޕޯސްޓަކުންނެވެ. އެ ޕޯސްޓުގައި އޭނާ ބުނި ގޮތުގައި އާދިއްތަ ދުވަހުގެ ރޭ ދަންވަރު ތިނެއް ޖަހާކަށްހާއިރު ވެމްކޯގެ ރޭމްޕް މަތިން ކޮންޓެއިނަރަކަށް މީހަކު ވަނީ ވެއްޓިފައެވެ. އެ ރޭމްޕު މަތިން ކޮންޓެއިނަރާ ހަމައަށް 12 ނުވަތަ 13 ފޫޓުގެ އުސްމިނެއް ހުންނާނެ ކަމަށް އޭނާ ބުނެފައިވެއެވެ.

އެ ހާދިސާގައި އަނިޔާވި މީހާއަށް އައިޖީއެމްއެޗުގައި ފަރުވާ ދެމުން އަންނަނީ ވެންޓިލޭޓަރުގައެވެ.

މީގެ ކުރިން، މިދިޔަ ޖަނަވަރީ މަހު ތިލަފުށީ ވެމްކޯ ސައިޓުން ގެއްލިގެން ހޯދަމުން ދިޔަތާ ދެ ދުވަސް ފަހުން، މަރުވެފައި އޮއްވައި އުމުރުން 24 އަހަރުގެ ބިދޭސީއެއް ވަނީ ފެނިފައެވެ.

ފުލުހުން ބުނި ގޮތުގައި އޭނާ މަރުވުމަށް މެދުވެރިވެފައިވަނީ ޖެނުއަރީ 26ވަނަ ދުވަހުގެ މެންދުރުގެ ވަގުތެއްގައި ކުނި ޖަމާކޮށްފައިވާ ސައިޓްގެ ބައެއްގައި އެކްސްކެވޭޓަރަކުން ކުނި ނެގުމުގެ މަސައްކަތްކުރަނިކޮށް، އޭގެ ދަތްގަނޑުން ޖެހި ވެއްޓިގެންނެވެ. އަދި އެކްސްކެވޭޓަރުން ކުނިތައް އެ ތަނުގެ ކައިރިން އެހެން ދިމާލަކަށް ބަދަލުކުރުމުގެ ތެރޭގައި އެ މީހާގެ ހަށިގަނޑާއެކު ކުނިތައް ބަދަލުކުރެވި މީހާގެ ގައިމައްޗަށް ކުނިތަކެއް އެޅުނު ކަމަށް ފުލުހުން ބުންޏެވެ.

އެ މައްސަލައާ ގުޅިގެން ފުލުހުން ވަނީ އެކްސްކެވޭޓަރު ދުއްވަން އިން، ސްރީލަންކާގެ މީހާ ހައްޔަރުކޮށްފައެވެ.

ގަސްދަކާ ނުލައި މީހަކު މެރިކަމުގެ ތުހުމަތުގައި އެ މީހާ ހައްޔަރުކޮށް، އަދިވެސް ހުރީ ބަންދުގައެވެ.