Author: މަރިޔަމް ނާޖިލާ އިމްރާން

ޅ. އަތޮޅު ދިއްދޫ ނަމަކަށް ކިޔާ ފަޅު ރަށަށް ޑިންގީއެއްގައި ދިޔަ ބަޔަކަށް މިއަދު ހެނދުނު ފަސް ފޫޓުގެ ކިނބުލެއް ފެނިގެން އެ ހިފައި، ސިފައިންނާ ހަވާލުކޮށްފިއެވެ.

އެމްއެންޑީއެފުން ބުނީ އެ ކިނބޫ ފެނިފައި ވަނީ މިއަދު ހެނދުނު 7:00 ހާއިރު ކަމަށެވެ. ކިނބޫ ފެނުމާ އެކު އެ މީހުން ވަނީ ކިނބޫ ހިފައިގެން ޅ. ނައިފަރަށް ގެންގޮސްފައެވެ. އެ ހާދިސާގެ މައުލޫމާތު ނައިފަރު ޕޮލިސް ސްޓޭޝަން މެދުވެރިކޮށް އެމްއެންޑީއެފް ނޮދަން އޭރިއާ ކޮމާންޑުގެ ކޯސްޓްގާޑް ފަސްޓް ސްކޮޑްރަންއަށް ލިބުނީ 10:51 ހާއިރު ކަމަށް އެ މުއައްސަސާއިން ބުންޏެވެ.

މައުލޫމާތު ލިބުމާ އެކު ކޯސްޓްގާޑް ފަސްޓް ސްކޮޑްރަންގެ ސިފައިން ހާބާކްރާފްޓްގައި ނައިފަރަށް ގޮސް، އެ ކިނބޫ ޅ. މާފިލާފުއްޓަށް ގެންގޮސްފައިވާ ކަމަށް އެމްއެންޑީއެފުން ބުންޏެވެ.

ރާއްޖެއިން ކިނބޫ ފެނުމަކީ އެހާ އާންމު ކަމެއް ނޫން ނަމަވެސް، ބައެއް އަހަރުތަކުގައި ވަކި މޫސުމެއްގައި ކިނބޫ ފެނިފައި އެބަ ހުއްޓެވެ.

މާލޭ ޓެކްސީ ލައިންގެ ޚިދުމަތް އިތުރަށް ހަރުދަނާކުރުމުގެ ގޮތުން އެމްޓީސީސީން އެ ޚިދުމަތުގެ ޚާއްސަ ވެބްސައިޓް ތައާރަފުކޮށް، ދަތުރުތަކަށް އަގު ނަގަން ފަށައިފިއެވެ.

މި އައު ބަދަލާއެކު ކަސްޓަމަރުންނަށް އޮންލައިންކޮށް ޓެކްސީ ބުކްކުރުމާއި ފައިސާ ދެއްކުމުގެ އިންތިޒާމު މިހާރު ވަނީ ހަމަޖެހިފައެވެ.

އެމްޓީސީސީން ރޭ ދަންވަރު އެކްސްގައި ކުރި ޕޯސްޓެއްގައި ބުނެފައިވަނީ، މާލޭ ޓެކްސީ ލައިންގެ ވެބްސައިޓް މެދުވެރިކޮށް ދަތުރުތައް ބުކްކުރުމާއި ފައިސާ ދެއްކުމުގެ ކަންކަން ވަރަށް އަވަހަށް އަދި ފަސޭހަކަމާއެކު ނިންމާލެވޭނެ ކަމަށެވެ. މި ޚިދުމަތް ހޯދުމަށް http://mtl.mtcc.mv ލިންކަށް ވަނުމަށްފަހު، ވެބްސައިޓްގައި ދީފައިވާ އިރުޝާދުތަކާ އެއްގޮތަށް ކުރިއަށް ދިއުމުން ދަތުރު ބުކްކޮށް ފައިސާ ދެއްކޭނެ ކަމަށް އެ ކުންފުނިން މައުލޫމާތު ދެއެވެ.

Booking your ride via 1655 is now easier. 🚖

Call, get your driver, receive your link, and complete your payment in just a few simple steps.#RayyithungeTaxi pic.twitter.com/5S2y5e05ov

— MTCC Plc (@MTCCPlc) April 17, 2026

ވެބްސައިޓްގެ އިތުރުން، ފޯނުން ގުޅައިގެން ޓެކްސީ ބުކް ކުރަން ބޭނުންވާ ފަރާތްތަކަށް މާލެ ޓެކްސީގެ ހޮޓްލައިން ނަންބަރު 1655 އަށް ގުޅައިގެންވެސް މި ޚިދުމަތް ލިބޭނެ އިންތިޒާމު ވަނީ ހަމަޖައްސާފައެވެ. މިއީ ޓެކްސީ ހޯދުމުގައި އާންމުންނަށް ދިމާވާ ދަތިތަކަށް ހައްލެއް ހޯދައިދިނުމަށް އެޅުނު މުހިންމު ފިޔަވަޅެކެވެ.

ދުނިޔޭގެ ބާޒާރުގައި ތެލުގެ އަގު އެހާ މައްޗަށް އަރައިގެން ދިޔަނަމަވެސް ދިވެހި މަސްވެެރިންނަށް އެބުރަ ނުޖައްސައި، ސަރުކާރުން މިއަދާ ހަމައަށް ވެސް ދަނީ ތެލުގެ ކަންކަން ވީ އެންމެ ރަނގަޅަށް މަނޭޖުކުރަމުން ކަމަށް ފިޝަރީޒް މިނިސްޓަރު އަހުމަދު ޝިޔާމް މިއަދު ވިދާޅުވެއްޖެއެވެ.

ކުޑަކުއްޖަކު ގަހެއްގައި ބަދެފައި ބެހެއްޓި މައްސަލައެއް ތަހުގީގުކުރަމުންދާކަމަށް ފުލުހުން ބުނެފިއެވެ.

ފުލުހުން މިރޭ ބުނީ މިއަދު 13:10 އެހާކަންހާއިރު އަޕާ ނޯތް ޕޮލިސް ހިމެނޭ ރަށެއްގައި އަށް އަހަރުގެ އަންހެން ކުއްޖަކު ގަހެއްގައި ބަނދެ، އެ ކުއްޖާއަށް ޖިސްމާނީ އަދި ނަފްސާނީ އަނިޔާ ލިބި ކަރާމާތަށް އުނިކަން އަންނާނެފަދަ އަމަލެއް ހިންގި މައްސަލައެއް ރިޕޯޓުކޮށްފައިވާ ކަމަށެވެ.

އެ މައްސަލައާ ގުޅިގެން ކުއްޖާގެ ރައްކާތެރިކަން ކަށަވަރުކުރުމުގެ ކަންކަން ކުރަމުންދާކަމަށް ފުލުހުން ބުންޏެވެ.

އަދި މި މައްސަލައިގެ ތަހުގީގުގެ ތެރެއިން ފުރިހަމަ ކުރަންޖެހޭ ހުރިހާ ކަންކަން ފުރިހަމަ ކުރުމުގެ މަސައްކަތް ކަމާބެހޭ އިދާރާތަކާ ގުޅިގެން ކުރަމުންދާކަމަށް ފުލުހުން ބުންޏެވެ.

އިމިގްރޭޝަން އޮފިސަރެއްގެ ނަމުގައި ބިދޭސީން ދިރިއުޅޭ ތަނަކަށް ވަދެ ފޭރުނު މައްސަލައަކާ ގުޅިގެން ކުރިން ހައްޔަރުކޮށްފައިވާ މީހާ، ފޭރުމުގެ މައްސަލައެއްގައި އަނެއްކާ ވެސް ހައްޔަރުކޮށްފިއެވެ.

ކްލައިމެޓް ވަލްނަރަބްލް ފޯރަމް (ސީވީއެފް)ގެ ސްކްރެޓަރީ ޖެނެރަލް (އެސްޖީ)ގެ މަގާމު ފުރުއްވަން ގިނަ ދުވަސްތަކެއް ވަންދެން ރާއްޖޭން ބޭރުގައި އުޅުއްވުމަށް ފަހު، އެ މަގާމުގެ ދައުރު ނިމުމުން، ކުރީގެ ރައީސް މުހައްމަދު ނަޝީދު އެނބުރި ރާއްޖެއަށް ވަޑައިގެންފިއެވެ.

ރާއްޖެއަށް 2 ކިލޯގެ މަސްތުވާތަކެތި އެތެރެކުރަން އުޅުނު އިންޑިއާގެ ދެމަފިރިއަކު ހައްޔަރުކޮށްފި އެވެ.

މި މައްސަލައިގައި ހައްޔަރުކޮށްފައި ވަނީ އިންޑިއާގެ ދެ ރައްޔިތުން ކަމަށްވާ އިމްރާން ޕާޝާ (33އ) އާއި އޭނާގެ އަނބިމީހާ ކްރިސް އެމްބްރޯސިޔާ (27އ)އެވެ.

މި މައްސަލައިގައ އެ ދެ މީހުންގެ މައްޗަށް ދިވެހި ފުލުހުންގެ ޚިދުމަތުން ވަނީ، ރާއްޖެއަށް މަސްތުވާތަކެތި ސްމަގަލްކޮށް ވިޔަފާރިކޮށް ޓްރެފިކް ކުރުމުގެ ތުހުމަތުކޮށްފަ އެވެ. އަދި އެ މީހުންގެ ބަންދު އަމުރުގައިވާ ގޮތުން އެމީހުން ގެނައި ލަގެޖުން 2.4 ކިލޯގެ މަސްތުވާތަކެތި ވަނީ ފެނިފައެވެ. އެހެންކަމުން، މި މައްސަލައިގައި އެ ދެމަފިރިން 30 ދުވަހަށް ބަންދުކޮށްފައި ބެހެއްޓުމަށް ކޯޓުން ވަނީ އަމުރުކޮށްފައެވެ.

ރާއްޖެއަށް މަސްތުވާތަކެތި އެތެރެ ކުރަން އުޅުނު ކަމުގެ ތުހުމަތުގައި މި ދެމަފިރިން ހައްޔަރުކޮށްފައިވާއިރު، ދާދިފަހުން ވެސް ރާއްޖެއަށް މަސްތުވާތަކެތި އެތެރެކުރަން އުޅުން އިންޑިއާގެ ބަޔަކު ވަނީ ހައްޔަރުކޮށްފައެވެ.

މޯލްޑިވްސް ނޭޝަނަލް އެސޯސިއޭޝަން އޮފް ކޮންސްޓްރަކްޝަން އިންޑަސްޓްރީ (މަސީ) އިން އިންތިޒާމުކޮށްގެން ކުރިއަށްގެންދާ މިއަހަރުގެ ބިލްޑް އެކްސްޕޯ ހުޅުމާލޭ ސެންޓްރަލް ޕާކުގައި ރަސްމީކޮށް ފަށައިފިއެވެ.

މި އެކްސްޕޯ ރަސްމީކޮށް ހުޅުވައިދެއްވީ އިޤްތިޞާދީ ތަރައްޤީއާއި ދަތުރުފަތުރާއި ވިޔަފާރިއާ ބެހޭ ވުޒާރާގެ ވަޒީރު މުޙައްމަދު ސަޢީދެވެ. އެކްސްޕޯ ކުރިއަށް ދަނީ އެޕްރީލް 16 ވަނަ ދުވަހުން ފެށިގެން 19 ވަނަ ދުވަހުގެ ނިޔަލަށް، ކޮންމެ ދުވަހެއްގެ ހަވީރު 16:00 އިން ރޭގަނޑު 22:00 އަށެވެ.

މަސީން ބުނި ގޮތުގައި މިފަހަރުގެ އެކްސްޕޯ ތަފާތުވަނީ ރާއްޖޭގެ އިތުރުން އޭޝިއާގެ ގިނަ ޤައުމުތަކަކުން ބައިވެރިވާތީއެވެ. އެގޮތުން ސްރީލަންކާ، ތައިލޭންޑް، އިންޑިއާ އަދި ޗައިނާ ފަދަ ބޮޑެތި ޤައުމުތަކުން މި އެކްސްޕޯގައި ބައިވެރިވެފައިވާ ކަމަށް އެ ޖަމުޢިއްޔާއިން ފާހަގަކުރިއެވެ.