ހއ. ހޯރަފުށީ ހަހެތި ޖަމިއްޔާއިން އިންތިޒާމްކޮށްގެން ބޭއްވި 21 އަހަރުން ދަށުގެ (ޔޫ-21) “ހަހެތި ޔޫތު ފުޓްސަލް ޗެލެންޖް 2025” ގެ ފޯރިގަދަ ފައިނަލް މެޗު ކާމިޔާބުކޮށް، މުބާރާތުގެ ޗެމްޕިއަންކަން ހއ. މޮޅަދޫ ޔަންގް ބްލަޑް ޓީމުން ހޯދައިފިއެވެ.
މި މުބާރާތުގެ ފައިނަލް މެޗުގައި ޔަންގް ބްލަޑް ބައްދަލުކުރީ ހޯރަފުށި 22 ސްޕޯޓްސްއާއެވެ. ވާދަވެރި ކުޅުމަކަށްފަހު ޔަންގް ބްލަޑުން މެޗު ކާމިޔާބުކުރީ 6-3 ގެ ނަތީޖާއަކުންނެވެ. މި ކާމިޔާބީއާއެކު ޔަންގް ބްލަޑް ވަނީ މުބާރާތުގައި ކުޅުނު ހުރިހާ މެޗަކުން މޮޅުވެ، މުބާރާތުގެ ތަށި އުފުލާލާފައެވެ.
މިއީ މޮޅަދޫގެ ޓީމަކުން އެ ރަށުން ބޭރުގައި ބޭއްވި މިފަދަ ބޮޑު މުބާރާތެއް ކާމިޔާބުކުރި ފުރަތަމަ ފަހަރުކަން ފާހަގަކޮށްލެވެއެވެ.
ފައިނަލް މެޗުގެ އެންމެ މޮޅު ކުޅުންތެރިޔަކަށް ހޮވިފައި ވަނީ ޔަންގް ބްލަޑްގެ ޖޯޒީ ނަންބަރު 21، މުހައްމަދު ޒަޔާން އެވެ.
މި މުބާރާތުގެ ”ކިންގް އޮފް ދަ ޓޯނަމަންޓް” އަކަށް ހޮވިފައި ވަނީ ޔަންގް ބްލަޑްގެ ޖޯޒީ ނަންބަރު 21 މުހައްމަދު ޒަޔާން އަހްމަދު ވަހީދެވެ. މި މުބާރާތުގެ ބެސްޓް ކޯޗަކީ ވެސް އެ ޓީމުގެ މުހައްމަދު އާދަމް އެވެ.
ކިޔުންތެރިންގެ ހިޔާލު