ކުރީގެ ރައީސް މައުމޫން އަބްދުލްގައްޔޫމް އަވަހާރަވެއްޖެކަމަށް ބުނެ ސޯޝަލްމީޑިއާގައި ފެތުރުނު ޚަބަރަކީ ދޮގު ޚަބަރެއްކަން ކަށަވަރުވެއްޖެއެވެ.
ސޯޝަލް މީޑިއާގެ ބައެެއް ޕްލެޓްފޯމްތަކުގައި ރައީސް މައުމޫން އަވަހާރަވެއްޖެކަމަށް ބުނެ މިރޭ ވަނީ ބައެއް ޚަބަރުތައް ފެތުރިފައެވެ. އެހެން ނަމަވެސް, މިހާރު އެ ވާހަކަތައް ވަނީ ޑިލީޓްކޮށްލައިފައެވެ.
ރައީސް މައުމޫންގެ އާއިލީ ބޭފުޅަކު “ޙަވާސާ”އަށް ވިދާޅުވީ އެ ވާހަކައަކީ ދޮގު ވާހަކައެއް ކަމަށާއި މިރޭ އަވަހާރަވީ ރައީސް މައުމޫންގެ ކޮއްކޯފުޅު އަބްދުالله މަމްނޫން އަބްދުލްގައްޔޫމް ކަމަށެވެ.
މައުލޫމާތު ލިބޭ ގޮތުގައި މަމްނޫން އަވަހާރަވީ މިރޭ އިޝާނަމާދަށްފަހު ކުއްލި ގޮތަކަށެވެ. އަވަހާރަވީއިރު އުމުރުފުޅުން 68 އަހަރެވެ.
ރައީސް ޔާމީންގެ އެއްބަނޑު އެއްބަފާ ބޭބޭފުޅު މަމްނޫނަކީ އާއްމުންގެ ތެރޭގައި މަޝްހޫރު ބޭފުޅެއް ނޫނެވެ. އަދި ސަރުކާރުގެ މަސައްކަތްތަކާއި ސިޔާސީ މަސައްކަތްތަކުގައި ވެސް މަސައްކަތްކުރެއްވި ބޭފުޅެއް ނޫނެވެ.
ކިޔުންތެރިންގެ ހިޔާލު