ރ.އަތޮޅު ރިސޯޓެއްކަމަށްވާ މާމުނަގާ ފަޅުތެރޭގައި އަޅާފައިއޮތް ސީޕްލޭން ޕްލެޓްފޯމް ކަނޑައިގެންގޮސް އޮޔާދާތީ ސަމާލުވުމަށް އެމްއެންޑީއެފުން އިލްތިމާސްކޮށްފިއެވެ.
އެމްއެންޑީއެފުން ބުނީ މި ޕްލެޓްފޯމް އޮޔާދާނެކަމަށް ލަފާކުރެވެނީ ކާށިދޫ ކަނޑުތެރެއަށްކަމަށެވެ. އެހެންކަމުން އެ ސަރަހައްދުން ދަތުރުކުރާ ފަރާތްތަކުން އެކަމަށް ސަމާލުކަންދީގެން ދަތުރުކުރުމަށް އެމްއެންޑީއެފުން ވަނީ އެދިފައެވެ. އަދި ޚާއްޞަކޮށް ރޭގަނޑު ދަތުރުކުރާ ފަރާތްތަކުން ދަތުރުކުރެއްވުމުގައި ޚާއްޞަ ސަމާލުކަމެއް ދިނުމަށް ވަނީ އެދިފައެވެ.
ރ.މާމުނަގާ ރިސޯޓްގެ ފަޅުތެރޭގައި އަޅާފައި އޮތް ސީޕްލޭން ޕްލެޓްފޯމް ކަނޑައިގެންގޮސް އޮޔާދާތީ ދަތުރުވެރިން ސަމާލުވުމަށް އިލްތިމާސްކުރަން.https://t.co/zHVF2IyF3L pic.twitter.com/Ngp9EpZ49p
— Maldives National Defence Force (@MNDF_Official) July 19, 2025
މިދުވަސްވަރަކީ ރާއްޖެ ސަރަހައްދަށް މޫސުން ވަރަށްގޯސް ދުވަސްވަރެކެވެ. އެގޮތުން މޫސުން ގޯސްވުމުގެ ވޭތުވެދިޔަ 72 ގަޑިއިރުގެ ތެރޭގައި ވަނީ ކަނޑުމަތީގެ އެކި ހާދިސާތައް ހިނގާފައެވެ.
ކިޔުންތެރިންގެ ހިޔާލު