ޔޫއޭއީ އިން ޣައްޒާއަށް 786 ޓަނުގެ އެހީ ފޮނުވައިފިއެވެ.
ޔޫއޭއީން “އޮޕަރޭޝަން ޗައިވަލްރަސް ނައިޓް 3” މެދުވެރިކޮށް ޣައްޒާގައި ތިބި ފަލަސްތީނުގެ ރައްޔިތުންނަށް އެހީތެރިވުމަށް އިންސާނީ މަސައްކަތްތައް ކުރިއަށް ގެންދާއިރު، މި ހަފްތާގައި ފަސް އެހީ ކޮންވޯއީއެއް ވަނީ ޣައްޒާއަަށް ވަދެފައެވެ.
މީގެ ތެރޭގައި 786 ޓަނުގެ ކާބޯތަކެތީގެ ޕާރުސަލާއި ހިޔާވަހިކަމުގެ ސާމާނު އުފުލާ 64 ޓްރަކް ހިމެނެއެވެ.
އަލް އަރީޝްގައި ހުންނަ ޔޫއޭއީގެ އިންސާނީ އެހީގެ ޓީމުން ފަލަސްތީނުގެ ރައްޔިތުންގެ އިންސާނީ ބޭނުންތައް ފުއްދައި، އެ ސިޓީގެ ތެރޭގައި އެހީ ފޯރުކޮށްދޭ ފަރާތްތަކަށް އެހީ ފޯރުކޮށްދިނުމުގެ މަގުސަދުގައި އިންޓަގްރޭޓެޑް އޮޕަރޭޝަނަލް ނިޒާމުތައް މެދުވެރިކޮށް މެދުކެނޑުމެއް ނެތި ރިލީފް އެހީ ތައްޔާރުކޮށް ފޮނުވުން ކުރިއަށްދާ ކަމަށް ކަމާ ބެހޭ ފަރާތްތަކުން ވަނީ ބުނެފައެވެ.
މި ކޮންވޯއީތަކަކީ މިހާރު އޮތް އިންސާނީ ހާލަތުގެ ތެރޭގައި ފަލަސްތީނުގެ އާއިލާތަކަށް ޒަރޫރީ ބޭނުންތައް ފޯރުކޮށްދީ، ފަލަސްތީނުގެ އާއިލާތަކަށް އެހީތެރިވެދީ، ޣައްޒާގައި ގެއްލުން ލިބުނު މީހުންގެ ތަކުލީފު ކުޑަކުރުމަށް ޔޫއޭއީން ކުރަމުންދާ މަސައްކަތްތަކުގެ ބައެކެވެ.
މި އެހީ ފޯރުކޮށްދެނީ މިސްރުގެ ކަމާބެހޭ ފަރާތްތަކާ ގުޅިގެން، އެ ސިޓީގެ ތެރެއަށް އިންސާނީ އެހީތެރިކަމާއި ރިލީފް އެހީތައް ފޯރުކޮށްދިނުން ހަރުދަނާ ގޮތެއްގައި ކުރިއަށް ގެންދިއުމުގެ މަގްސަދުގައެވެ.
“އޮޕަރޭޝަން ޗައިވަލްރަސް ނައިޓް 3” އަކީ ފަލަސްތީނުގެ ރައްޔިތުންނަށް ދޭ އެހީ ދެމިއޮތުމަށް ޔޫއޭއީން ކުރާ ވައުދު އަލުން ކަށަވަރުކޮށްދޭ އަދި އިންސާނީ އެހީގެ އެކި ގޮތްގޮތުން އެހީތެރިކަން ފޯރުކޮށްދިނުމުގެ ތެރެއިން ހާލުގައި ޖެހިފައިވާ މީހުންނާއި އަސަރުކުރާ މުޖުތަމައުތަކަށް އެހީތެރިކަން ފޯރުކޮށްދިނުމުގެ ބޮޑު ހަރަކާތެކެވެ.
ކިޔުންތެރިންގެ ހިޔާލު