މާފަންނު މެދު ދާއިރާގެ ޕީއެންސީ މެންބަރު އަސްމާ ރަޝީދު، މަޖިލީހުގެ އިޖްތިމާއީ ކޮމިޓީއަށް އައްޔަންކޮށް، އެ ކޮމިޓީގެ މުގައްރިރުކަން ދީފި އެވެ.
ކައުންސިލް އިންތިޚާބުގެ ކެންޕެއިންގެ ތެރެއިން އަސްމާއާއި ޕީއެންސީއާ ދެމެދު ޚިޔާލު ތަފާތުވުންތަކެއް އުފެދި، އަސްމާ އެ ޕާޓީގެ ލީޑަޝިޕާމެދު ނުރުހުންވެވަޑައިގެން ވާހަކަދެއްކެވި އޯޑިއޯއެއްވެސް ވަނީ އާއްމުވެފައެވެ.
އެއާއެކު އިޖުމާއީ ކޮމެޓީގެ މުގައްރިރުކަމުންނާއި ކޮމެޓީގެ މެންބަރުކަމުން އަސްމާ ވަކިކޮށް، އޭނާގެ ބަދަލުގައި އެ ކޮމެޓީއަށް ދުވާފަރު ދާއިރާގެ މެންބަރު މުހައްމަދު އަލީ ވަނީ އައްޔަންކޮށްފައެވެ.
އަދި ސަރުކާރުގެ ބައެއް މަގާމު ތަކުގައި ތިއްބެވި އަސްމާގެ ޢާއިލާގެ ބޭފުޅުންވެސް ވަނީ އޭރު ތިއްބެވި މަގާމު ތަކުން ވަކިކުރެވި، ނޫނީ މަގާމު ބަދަލު ކޮށްފައެވެ.
ނަމަވެސް ފަހުން އެ ފަރާތްތަކަށް ވަނީ އެހެން މަގާމުތައް ދީފައެވެ.
އަދި އަސްމާވެސް އިޖުތިމާޢީ ކޮމިޓީއަށް އަލުން ބަދަލުކޮށް ވަނީ މުޤައްރިރުކަން ދީފައެވެ. އެގޮތުން މިއަދު އޮތް އެ ކޮމިޓީގެ ބައްދަލުވުމުގައި މުޤައްރިރުކަން ކުރެއްވީ އޭނާކަން ފާހަގަކޮށްލަންޖެހެއެވެ.
ކިޔުންތެރިންގެ ހިޔާލު