ކުރީގެ ރައީސް މުޙައްމަދު ނަޝީދު އެމްޑީޕީގެ ޗެއަރޕާސަންގެ މަޤާމަށް ކުރިމަތިލެއްވުމާ ގުޅިގެން ޕާޓީގެ ކުރީގެ ފޯރިއާއި ޖޯޝް އަލުން އިއާދަވާން ފަށައިފިއެވެ.
ރައީސް ނަޝީދު މިރޭ ގަލޮޅު ކަންމަތީގައި ބޭއްވި ޖަލްސާގައި އެމްޑީޕީގެ ގިނަ އަދަދެއްގެ މެންބަރުންނާއި ސަޕޯޓަރުން ބައިވެރިވިއެވެ. މުޅި ސަރަޙައްދު ރީނދޫ ކުލައިން ފުރާލާފައި އޮތް އިރު، ޖަލްސާގެ ބައިވެރިން ބުނަމުން ދިޔައީ ރައީސް ނަޝީދު ޕަޓީއަށް އައިސް މަސައްކަތް ފެށުމުން ޕާޓީގެ ކުރީގެ ރޫޙު އިއާދަވަމުންދާ ކަމަށާއި ރައީސް ނަޝީދު މި މަޤާމަށް ކުރިމަތިލެއްވުމަކީ ޕާޓީއަށް ލިބުނު އާ ދިރުމެއް ކަމަށެވެ.
މި އިންތިޚާބުގައި ވާދަކުރައްވަނީ ދެ ބޭފުޅުންނެވެ. އެއީ ރައީސް ނަޝީދުގެ އިތުރުން ރައްޔިތުންގެ މަޖިލީހުގެ ގަލޮޅު ދެކުނު ދާއިރާގެ މެންބަރު މީކާއިލް ނަސީމެވެ. ކެމްޕެއިންގެ ފޯރިއާ އެކު، އިންތިޚާބުގައި ވޯޓުލުމުގެ ފުރުޞަތު ހޯދުމަށް ގިނަ ބަޔަކު އަލަށް އެމްޑީޕީއާ ގުޅެމުންދާ ކަން ފާހަގަކުރެވެއެވެ.
ރައީސް ނަޝީދުގެ ސަޕޯޓަރުން ފާހަގަކުރާ ގޮތުގައި، ޕާޓީގެ ހިންގުން ހަރުދަނާކޮށް މެންބަރުންގެ ބައިވެރިވުން އިތުރުކުރުމަށް ރައީސް ނަޝީދުގެ ތަޖުރިބާއާއި މަޤުބޫލުކަން ނުހަނު ބޭނުންވެއެވެ.
ކިޔުންތެރިންގެ ހިޔާލު