އިއްޔެ މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޮމްޕެނީ (އެމްއެމްޕީއާރުސީ)ގެ ޗެއާމަން ނޫރައިން ޖަނާހު އިސްތިއުފާ ދެއްވީ  ޓޫރިޒަމް މިނިސްޓަރު އިބްރާހިމް ފައިސަލްގެ ޖެއްސުމާއި އުދަގުލާއި ހެދިއެވެ.

ނޫރައިންގެ އާއިލާގެ މަސްދަރަކުން ހާމަކުރި ގޮތުގައި ދުބާއީގައި ބޭއްވި އަރަބް ޓްރެވަލް މާކެޓް ފެއާގައި ނޫސްވެރިއަކާ އިންޓަވިއު ކުރުމުން ޓޫރިޒަމް މިނިސްޓަރު ފައިސަލް އޭނާއަށް ޕްރެޝަރު ކުރަމުން ދިޔަ އެވެ. ފައިސަލް ވަނީ ޓްރެވަލް ފެއާތަކުގައި ދެން ބައިވެރި ނުވެވޭނެ ކަމަށް އަންގައި، ކުންފުނީގެ ބޯޑުގެ އެހެން މެމްބަރުން މެދުވެރިކޮށް އުނދަގޫކޮށްފައެވެ.

ނިއުޒީލެންޑުން ތައުލީމު ހާސިލްކޮށްފައިވާ ނޫރައިން އަކީ ޑރ. މުހައްމަދު މުއިއްޒުގެ ސަރުކާރުގެ އެންމެ ތަޖުރިބާކާރު އަދި އެންމެ ތައުލީމީ އެއް ފަރާތެވެ. ނޫރައިން އަށް އާންމުންގެ ސަމާލުކަން ލިބުނީ ދުބާއީގައި ދިން އިންޓަވިއުގެ ސަބަބުންނެވެ.

އޭނާގެ މަގުބޫލުކަން ބޮޑުވެ، އޭނާގެ އިންޓަވިއުތަކުގެ މީޑިއާ ކަވަރޭޖް އިތުރުވަމުން ދިޔަ ވަރަކަށް ނޫރައިންއަށް ޓޫރިޒަމް މިނިސްޓަރު ފައިސަލްގެ ފަރާތުން އެކި ކަހަލަ އުދަގޫތަކާ ކުރިމަތިލާން ޖެހުނު ކަމަށް ނޫރައިން ގެ އާއިލާ އިން ވަނީ " ހަވާސާ އޮންލައިން " އަށް މަޢުލޫމާތު ދެއްވާފައެވެ.