ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު މިއަދު އިއްވެވި ރިޔާސީ ބަޔާނަކީ އެއްވެސް އަމަލީ ސިފައެއް ނެތް، އަވާމެންދުރެއް ފަދަ ބަޔާނެއް ކަމުގައި އެމްޑީޕީގެ ރައީސް އަބްދުﷲ ޝާހިދު ވިދާޅުވެއްޖެއެވެ.
ޝާހިދު އެކްސްގައި ކުރެއްވި ޕޯސްޓެއްގައި ވިދާޅުވީ، ރައީސް މުޢިއްޒުގެ މި ހިނގާ ރިޔާސީ ދައުރުގައި މިއަދު އިއްވެވި ތިންވަނަ ރިޔާސީ ބަޔާނަކީވެސް، ފާއިތުވެދިޔަ ދެ އަހަރުގެ ބަޔާންތަކެކޭ އެއްފަދައިން ހަގީގީ ކުލައެއް ނެތް ވާހަކަތަކެއްގެ މައްޗަށް ބިނާވެފައިވާ ބަޔާނެއް ކަމަށެވެ.
ޝާހިދު ފާހަގަކުރެއްވި ގޮތުގައި މިއަދުގެ ރިޔާސީ ބަޔާނަކީ ކުރިއަށް އޮތް އިންތިޚާބާ ދިމާކޮށް ރައްޔިތުންނަށް ދެއްކެވި “ނަނާ ހުވަފެނެކެވެ”. ފާއިތުވި ދެ އަހަރުގެ ރިޔާސީ ބަޔާނުގައި ވެވަޑައިގެންނެވި އެއްވެސް ވައުދެއް ފުއްދިފައި ނުވާއިރު، އެ ވައުދުތައް “ވަޅުލައި ކަފުންކުރުމަށްފަހު” އިތުރު ދޮގުތަކެއް ރައްޔިތުންގެ ކުރިމަތީގައި ހާމަކުރެއްވުމަކީ ރައްޔިތުންނަކީ އަގެއް ނެތް ބަޔަކަށް ހެއްދެވުން ކަމަށް އޭނާ ސިފަކުރެއްވިއެވެ.
ރައީސް މުއިއްޒުގެ މި ހިނގާ ރިޔާސީ ދައުރުގައި މިއަދު އިއްވެވި 3 ވަނަ ރިޔާސީ ބަޔާންވެސް ފާހަގަވެގެން މިދިޔައީ، ފާއިތުވެދިޔަ 2 ރިޔާސީ ބަޔާނެކޭ އެއްފަދަ، އަވާމެންދުރެއް ފަދަ ރިޔާސީ ބަޔާނެއްގެ ގޮތުގައި.
މިއަދުގެ ރިޔާސީ ބަޔާން އޮތީ، އިންތިޚާބެއް ބޯމަތިވެފަ އޮތީތީ ރައްޔިތުންނަށް…
— Abdulla Shahid (@abdulla_shahid) February 5, 2026
ރައީސް މުއިއްޒުގެ މި ހިނގާ ރިޔާސީ ދައުރުގައި މިއަދު އިއްވެވި 3 ވަނަ ރިޔާސީ ބަޔާންވެސް ފާހަގަވެގެން މިދިޔައީ، ފާއިތުވެދިޔަ 2 ރިޔާސީ ބަޔާނެކޭ އެއްފަދަ، އަވާމެންދުރެއް ފަދަ ރިޔާސީ ބަޔާނެއްގެ ގޮތުގައި.
މިއަދުގެ ރިޔާސީ ބަޔާން އޮތީ، އިންތިޚާބެއް ބޯމަތިވެފަ އޮތީތީ ރައްޔިތުންނަށް…
— Abdulla Shahid (@abdulla_shahid) February 5, 2026
ޤައުމުގެ އިޤްތިޞާދީ ޙާލަތަށް އަލިއަޅުއްވާލައްވަމުން ޝާހިދު ވިދާޅުވީ، މިއަދުގެ ހަގީގަތަކީ ތަކެތީގެ އަގު އިންތިހާއަށް އުފުލި، ޑޮލަރުގެ އަގު އަތްނުފޯރާ ފަށަށް ދިއުމެވެ. މީގެ ސަބަބުން ވިޔަފާރިތައް އިނދަޖެހި، އިޤްތިޞާދު ފާލުން ނެއްޓިފައިވާ ކަމަށާއި، މުޅި ޤައުމަށް ކުރިމަތިވެފައިވާ މި ގިލަންވެރިކަމަށް އެއްވެސް ޙައްލެއް ފެންނަން ނެތް ކަމަށް އޭނާ ވިދާޅުވިއެވެ.
މީގެ އިތުރުން، ރިޔާސީ ބަޔާނުން ރައްޔިތުންގެ އުދާސްތަކަށް ތަސައްލީއެއް ލިބުމުގެ ބަދަލުގައި ލިބިގެންދިޔައީ ނާއުއްމީދާއި މާޔޫސްކަން ކަމަށް ޝާހިދު ވިދާޅުވިއެވެ. އަދި ރައީސް މިއަދު އިއްވެވި ބަޔާނަކީ “ދޮގު ބަޔާނެއް” ކަމަށް ރައްޔިތުން ބުނަން ފަށާފައިވާ ކަމަށްވެސް އޭނާގެ ޕޯސްޓުގައި ފާހަގަކުރައްވާފައިވެއެވެ.
ކިޔުންތެރިންގެ ހިޔާލު