ޖުމްހޫރީ ވެރިކަމެއް އިންޑިއާގައި ކުރަންފެށިތާ މިއަދަށް 76 އަހަރު ވެގެންދިޔައިރު، އިންޑިއާ ހޯދާފައިވާ ތަރައްގީގެ ފައިދާ މި ސަރަހައްދަށްވުރެވެސް ދުރަށް ފުޅާވެފައިވާ ކަމަށް ކުރީގެ ޚާރިޖީ ވަޒީރު، އެމްޑީީގެ ރައީސް އަބްދުﷲ ޝާހިދު ވިދާޅުވެއްޖެއެވެ.
މިއަދު ފާހަގަކުރާ އިންޑިއާގެ 76 ވަނަ ޖުމްހޫރީ ދުވަހުގެ ތަހުނިޔާ އިންޑިއާ ސަރުކާރުގެ ވެރިންނަށާއި އެ ގައުމުގެ ރައްޔިތުންނަށް ދަންނަވައި، އެކްސްގައި ޝާހިދު މިިއަދު ކުރެއްވި ޕޯސްޓެއްގައި ވިދާޅުވީ، ފާއިތުވީ 76 އަހަރުގެ ތެރޭގައި އިންޑިއާއަށް އައިސްފައިވާ ތަރައްގީގެ ފައިދާ އެ ގައުމުގެ ރައްޔިތުންނާއި، މި ސަރަހައްދާއި އަދި ސަރަހައްދުން ބޭރު ގައުމުތަކަށްވެސް ލިބިފައިވާ ކަމަށެވެ.
Happy Republic Day, India!
Warmest congratulations and felicitations to Prime Minister @narendramodi, EAM @DrSJaishankar, the Government and people of India on the occasion of its Republic Day.
India’s story of unity in diversity, its resilience, and inclusivity continues to… pic.twitter.com/DSUwUkewJH
— Abdulla Shahid (@abdulla_shahid) January 26, 2026
އިންޑިއާއިން ދައްކަމުންދާ އެއްބައިވަންތަކަމާއި ކެތްތެރިކަން ފާހަގަ ކުރައްވައި ޝާހިދު ވިދާޅުވީ، އެދިވަޑައިގަންނަވަނީ އިންޑިއާއަށް އިތުރު ކުރިއެރުމާއި އިތުރު ތަނަވަސް ދުވަސް ތަކެއް ކަމަށެވެ. އަދި އިންޑިއާ އާއި އެހެން ގައުމުތަކުގެ މެދުގައި އޮންނަ ޒަމާންވީ ވަރުގަދަ ގުޅުން ކުރިއަށް އޮތްތަނުގައި އިތުރަށް ބަދަހިވެގެން ދިއުމަށް އެދިވަޑައިގެންނެވިއެވެ.
އިންޑިއާގެ ޖުމްހޫރީ ދުވަހުގެ ގޮތުގައި ފާހަގަ ކުރަނީ ކޮންމެ އަހަރެއްގެވެސް ޖެނުއަރީ މަހުގެ 26 ވަނަ ދުވަހެވެ. ޖުމްހޫރީ ދުވަސް އިންޑިއާގައި މިއަދު ދަނީ ވަރަށް ކުލަގަދަކޮށް ފާހަގަ ކުރަމުންނެވެ.
އިންޑިއާއަކީ ރާއްޖޭގެ އެންމެ ގާތް އެކުވެރި ގައުމެވެ. އިންޑިއާގެ އެހީތެރިކަން ރާއްޖެއަށް އަބަދުވެސް ލިބެމުންދާއިރު، ރާއްޖެއަށް ކުރިމަތިވި ކޮންމެ ބޮޑު ކަމެއްގައި އެންމެ އަވަހަށް އަދި އެންމެ ބޮޑަށް ޒަމާނުއްސުރެވެސް އެހީތެރިކަން ފޯރުކޮށްދެމުންދާ ގައުމަކީ އިންޑިއާއެވެ.
ކިޔުންތެރިންގެ ހިޔާލު