ރާއްޖޭގެ ކުރީގެ ޚާރިޖީ ވަޒީރު، އަދި އެމްޑީޕީގެ ރައީސް އަބްދުﷲ ޝާހިދު، ދުނިޔޭގެ ޤައުމުތަކުގެ ގުޅުން ބަދަހިކުރުމަށް އ.ދ. ގެ ދައުރުގެ މުހިންމުކަން ފާހަގަކުރައްވައި، އެ ޖަމިއްޔާ އިސްލާޙުކުރުމަށް އަލުން ގޮވާލައްވައިފިއެވެ. މިކަންކަން ޝާހިދު ފާޅުކުރެއްވީ، ގަތަރުގެ ދޯހާގައި ބޭއްވުނު އ.ދ. ޢާންމު މަޖިލީހުގެ ރައީސުންނާއެކު ބޭއްވުނު UNCPGA ބައްދަލުވުމުގައި ބައިވެރިވެވަޑައިގެންނެވެ.
މި ބައްދަލުވުމުގައި ބައިވެރިވެވުމަކީ ލިބުނު ފަޚުރެއްކަމަށް ޝާހިދުގެ ރަސްމީ ޓްވީޓާގައި ޝާއިރުކުރެއްވި ޕޯސްޓެއްގައި ފާހަގަކުރައްވާފައިވެއެވެ.
ބައްދަލުވުމުގެ ތެރެއިން، ޝާހިދު ވަނީ މަލްޓިލެޓަރަލިޒަމްގެ މައްސަލަތައް އިތުރުވެ، އ.ދ. ގެ ދައުރަށް ކުރަމުންދާ ނޭދެވޭ އަސަރުތަކާމެދު ކަނބޮޑުވުން ފާޅުކުރައްވާފައެވެ. އަދި އ.ދ. އިސްލާޙުކުރުމަށް މީގެ ކުރިންވެސް ގޮވާލާފައިވާ ގޮވާލުން އަލުން ތަކުރާރުކުރައްވައި، މިކަމުގެ މުހިންމުކަން އެމަނިކުފާނު ވަނީ ބައްދަލުވުމުގައި ފާހަގަކުރައްވާފައެވެ.
އެގޮތުން، ޝާހިދު ވަނީ އ.ދ. ގެ ކުރިއަށް އޮތް ސެކްރެޓަރީ ޖެނެރަލް ހޮވުމުގެ މަސައްކަތް ހާމަކަންބޮޑު، ޑިމޮކްރެޓިކް އަދި އެންމެންނަށް ބައިވެރިވެވޭނެ ގޮތަކަށް ކުރިއަށް ގެންދިއުމުގެ މުހިންމުކަން ފާހަގަކުރައްވާފައެވެ. މިއީ މެންބަރު ޤައުމުތަކާއި ދުނިޔޭގެ ރައްޔިތުންގެ އުއްމީދުތަކާ އެއްގޮތްވާނެ ކަމެއްކަމަށްވެސް އޭނާ ވިދާޅުވިއެވެ.
މި ބައްދަލުވުން ބޭއްވިފައިވަނީ، ދުނިޔޭގެ މައްސަލަތަކަށް ހައްލެއް ހޯދުމުގައި އ.ދ. ގެ ދައުރު އިތުރަށް ހަރުދަނާކުރުމަށް ބޭނުންވެފައިވާ ދަނޑިވަޅެއްގައެވެ.
ކިޔުންތެރިންގެ ހިޔާލު