އައްޑޫ ސިޓީ ހިތަދޫގެ 14 ވަނަ ފްލެޓުގެ ދެވަނަ ފަންގިފިލާއިން 15 އަހަރުގެ ކުއްޖަކު ވެއްޓިގެން ރޭ ފަރުވާދޭން ފަށައިފި އެވެ.
ފުލުހުން ބުނީ އެ ހާދިސާގައި އަނިޔާވި ކުއްޖާ އައްޑޫ އެކުއެޓޯރިއަލް ހޮސްޕިޓަލަށް ގެންގޮސް އައިސީޔޫގައި ފަރުވާ ދެމުންދާ ކަމަށެވެ.
އެ ކުއްޖާއަށް ލިބިފައިވާ އަނިޔާތަކުގެ ތަފްސީލެއް އައްޑޫ އިކުއެޓޯރިއަލް ހޮސްޕިޓަލުން މިހާތަނަށް ހާމަކޮށްފައެއް ނުވެ އެވެ. އެކަމަކު މި ނޫހަށް އެނގިފައިވާ ގޮތުގައި އެ ކުއްޖާގެ މައިބަދަ ބިނދި ބޮޑެތި ގެއްލުންތަކެއް ވަނީ ލިބިފަ އެވެ.
އެ ހާދިސާއާ ގުޅޭ އިތުރު އެއްވެސް ތަފްސީލެއް ފުލުހުން ހާމަ ކޮށްފައި ނުވެ އެވެ. އެކަމަކު އެ މައްސަލަ ތަހުގީގު ކުރަމުންދާ ކަމަށް އެ މުއައްސަސާއިން ބުންޏެވެ.
ހިޔާ ޓަވަރެއްގެ މަތީ ބުރިއަކުން އުމުރުން 33 އަހަރުގެ މީހަކު ވެއްޓި މިދިޔަ ހޮނިހިރު ދުވަހު ވަނީ މަރުވެފަ އެވެ. އޭނާ ހޮސްޕިޓަލަށް ގެންދިޔައިރު ވެސް މަރުވެފައިވާ ކަމަށް ފުލުހުން ބުންޏެވެ.
ކިޔުންތެރިންގެ ހިޔާލު