އައްޑޫ ސިޓީ ހިތަަދޫގެ ގެއެއް ތެރޭގައި މަރުވެފައި އޮތް ދެ މީހުން ފެނިއްޖެ އެވެ.
ހަވާސާ އަށް މައުލޫމާތު ލިބިފައިވާ ގޮތުގައި ދެ މީހެއްގެ ހަށިގަނޑު ފެނުނީ ހިތަދޫގައި އަލަށް ހަދަމުންދިޔަ ގެއަކުންނެވެ. ނަމަވެސް އެ ދެމަފިރިން ދިރިއުޅެމުން ދިޔައީ އެ ގޭގައި ކަމަށް މައުލޫމާތު ލިބިފައިވެ އެވެ. އެއީ ހިތަދޫ ޓޫރިޒަމް ސަރަހައްދާ ކައިރީގައި ހުންނަ ގެއެކެވެ.
މަރުވީ ދެމަފިރިން ކަމަށް ވެސް ވަނީ މައުލޫމާތު ލިބިފަ އެވެ. އެ މީހުންގެ ހަށިގަނޑު މިހާރު ހޮސްޕިޓަލަށް ވަނީ ގެންގޮސްފަ އެވެ.
ދެމަފިރިން މަރުވެފައިވާކަން އާއިލާއިން ވަނީ ހަވާސާ އަށް ކަށަވަރުކޮށްދީފަ އެވެ. ނަމަވެސް މި ހާދިސާއާ ގުޅޭގޮތުން ފުލުހުންގެ ބަހެއް އަދި ލިބިފައެއް ނުވެ އެވެ.
ކިޔުންތެރިންގެ ހިޔާލު