ޕެންޝަން އޮފީހުގެ ބޯޑު މެންބަރު ކަމުން އަޙްމަދު ސަރުވަޝް އާދަމް އިސްތިއުފާ ދެއްވުމަކީ، އެމަނިކުފާނުގެ ހިތްވަރުގަދަކަމާއި އިޚްލާޞްތެރިކަން ދައްކުވައިދޭ މުހިންމު ނިންމެވުމެއް ކަމަށް އެމްޑީޕީގެ ރައީސް އަބްދުﷲ ޝާހިދު ވިދާޅުވެއްޖެއެވެ. ސަރުވަޝްގެ މި ނިންމެވުމަކީ ދައުލަތުގެ މުއައްސަސާތަކުގައި މަސައްކަތްކުރައްވާ ފަރާތްތަކަށް ރަނގަޅު ނަމޫނާއެއް ކަމަށް ވެސް ޝާހިދު ފާހަގަކުރެއްވިއެވެ.
މިގޮތަށް ޝާހިދު ވިދާޅުވެފައިވަނީ މިއަދު އާންމު ކުރެއްވި އެކްސް (ޓްވިޓަރ) ޕޯސްޓެއްގައެވެ.
I commend Mr. Ahmed Saruvash Adam for his principled decision to resign from the Maldives Pension Fund Board in protest of recent actions that compromise public trust and fiduciary responsibility. Such integrity in public service is rare and deeply needed. His stand serves as a… https://t.co/zhRKKXjfxu
— Abdulla Shahid (@abdulla_shahid) October 22, 2025
ޕެންޝަން އޮފީހުގެ ބޯޑުން ސަރުވަޝް އާދަމް އިސްތިއުފާދެއްވައިފި ވަނީ މަރުކަޒީ ބޭންކް، އެމްއެމްއޭއާ އެކު ހިންގަން ރާވައިފައިވާ ފައިސާގެ މުއާމަލާތާ ގުޅިގެންނެވެ.
މިދިޔަ ހަފުތާގައި ޕެންޝަން އޮފީހުގެ ބޯޑުން ވަނީ އެމްއެމްއޭއާ އެކު ފައިސާގެ މުއާމަލާތެއް ކުރަން ފާސްކޮށްފައެވެ. އެއީ، ޕެންޝަން އޮފީހާ ގުޅިގެން އެމްއެމްއޭއިން ސެކަންޑަރީ މާކެޓުގައި ސަރުކާރުގެ ބޮންޑެއް ވިއްކާ ގޮތަށެވެ. އެއީ ފައިސާ ޗާޕުކުރުން ކަމަށް ބުނެ ގިނަ ބަޔަކު އަންނަނީ ނުރުހުން ފާޅުކުރަމުންނެވެ.
ޕެންޝަން އޮފީހުގެ ބޯޑުގައި އަމިއްލަ ވިޔަފާރިތައް ތަމުސީލުކުރާ މެންބަރެއްގެ ގޮތުގައި ހުންނެވި ސަރުވަޝް މިއަދު އެކްސްގައި ކުރެއްވި ޕޯސްޓެއްގައި ވިދާޅުވީ، އެމްއެމްއޭއާ އެކު ބޮންޑު ވިއްކުމުގެ މުއާމަލާތް ކުރިއަށް ގެންދަން ޕެންޝަން އޮފީހުގެ ބޯޑުން ނިންމުމާ ގުޅިގެން، ބޯޑު މެންބަރުކަމުން އިސްތިއުފާދެއްވާފައިވާ ކަމަށެވެ.
I have resigned from the Pension Board after the decision to proceed with the MMA-financed bond.
I believe it raises serious legal, fiduciary, and economic concerns, and I chose to step down to uphold the principles of prudence, integrity, and institutional independence.— Saruvash Adam (@saruvash) October 22, 2025
ސަރުވަޝް ވިދާޅުވީ، އެ މުއާމަލާތަކީ ގާނޫނީ އަދި އިގުތިސާދީ ވެސް ގިނަ ކަންބޮޑުވުންތަކެއް އޮތް މުއާމަލާތެއް ކަމަށެވެ. އެކަމަކު، އެ ކަންބޮޑުވުންތަކާ ގުޅޭ ތަފުސީލަކަށް އޭނާ ވަޑައިގެންފައެއް ނުވެއެވެ.
އޭނާ ވިދާޅުވީ، މަގާމުން އިސްތިއުފާ ދިނީ އެ ނިންމުމާ ދެކޮޅަށް އިހުތިޖާޖުކުރުމުގެ ގޮތުން ކަމަށެވެ
ކިޔުންތެރިންގެ ހިޔާލު