މި ހާދިސާތަކުގައި ހަތަރު މީހުންނަށް އަނިޔާވެފައިވާއިރު 37 އުޅަނދަކަށް ގެއްލުން ލިބިފައިވެއެވެ. އަނިޔާވި މީހުންގެ ތެރެއިން އެކަކަށް ސީރިއަސް އަނިޔާ ލިބިފައިވާ ކަމަށް ތަފާސްހިސާބުގައި ފާހަގަކޮށްފައިވެއެވެ.

ފުލުހުން ބުނީ، އެ މުއްދަތުގައި ދިމާވި 75 އިންސައްތަ އެކްސިޑެންޓް ހިނގާފައިވަނީ ދުވާލު ގަޑީގައި ކަމަށެވެ. މިދިޔަ ހަފުތާގައި ހިނގި 40 އެކްސިޑެންޓްގެ ތެރެއިން 30 އެކްސިޑެންޓް ހިނގީ ދުވާލު ވަގުތުތަކުގައެވެ. ރޭގަނޑު ހިނގީ 10 އެކްސިޑެންޓެވެ.

އެކްސިޑެންޓްތައް ހިނގިގޮތަށް ބަލާއިރު އެންމެ ގިނައިން އެކްސިޑެންޓް ވެފައިވަނީ ސައިކަލަކާއި ކާރެއް ޖެހިގެންނެވެ. އެފަދަ 11 އެކްސިޑެންޓް ހިނގާފައިވެއެވެ. އަދި، ސައިކަލަކާއި ސައިކަލެއް ޖެހިގެން އަށް އެކްސިޑެންޓް ހިނގިއެވެ. ކާރަކާއި ކާރެއް ޖެހިގެން ހަތަރު އެކްސިޑެންޓް, އަދި ކާރަކާއި ޕިކަޕެއް ޖެހިގެން ތިން އެކްސިޑެންޓް ވަނީ ހިނގާފައެވެ.