ފުރަތަމަ ފަހަރަށް މައިބަދައަށް ކެމެރާ ލައިގެން ކުރާ އޮޕަރޭޝަން (އެންޑޯސްކޮޕިކް ސްޕައިން ސާޖަރީ) ރާއްޖޭގައި ކޮށްފިއެވެ.
އައިޖީއެމްއެޗްއިން ކުރި ޕޯސްޓެއްގައި ވިދާޅުވެފައިވަނީ އެ ހޮސްޕިޓަލްގެ ނިއުރޯ ޑިޕާޓްމެންޓުން ފުރަތަމަ ފަހަރަށް މައިބަދައަށް ކެމެރާ ލައިގެން އޮޕަރޭޝަނެއް ކޮށްފައިވާ ކަމަށެވެ. އަދި އެ އޮޕަރޭޝަން ކާމިޔާބުވެފައިވާ ކަމަށް އެ ހޮސްޕިޓަލުން ވިދާޅުވިއެވެ.
މިއީ ރާއްޖޭގައި ފުރަތަމަ ފަހަރަށް މައިބަދައަށް ކެމެރާ ލައްވައިކުރި އޮޕަރޭޝަން ކަމަށް އައިޖީއެމްއެޗްއިން ވިދާޅުވެއެވެ.
Proud to announce
Department of Neurosurgery, IGMH/MCGH has launched & performed ENDOSCOPIC SPINE SURGERY for the first time in the Maldives!Full Endoscopic Transforaminal & Interlaminar Surgeries
🇲🇻 Another milestone for neurosurgery in the Maldives!#Neurosurgery… pic.twitter.com/Vu5eToYz1d— IGMH (@igmhmv) October 1, 2025
އެންޑޯސްކޮޕިކް ސްޕައިން ސާޖަރީއަކީ މައިބަދައިގެ ޑިސްކު ސްލިޕްވުން، ނާރު ފިތުން، އަކި އެކިކަހަލަ ބުރަކަށީގެ ތަދުތަކަށް ފަރުވާ ދިނުމަށް, ނުފަޅާ ކުރާ އޮޕަރޭޝަނެކެވެ.
އެ އޮޕަރޭޝަން ކުރުމަށް މައިބަދައާއި ދިމާލުން ކުޑަ ލޯވަލެއް ޑޮކްޓަރު ތޮރުފާނެއެވެ. އަދި އެތަނަށް ކެމެރާ ހުންނަ ކުޑަ ހޮޅިއެއް ވައްދައިގެން ސްކްރީނުން ބަލަމުން އެ އޮޕަރޭޝަން ކުރިއަށް ގެންދެއެވެ.
މި އޮޕަރޭޝަން ކުރުމަށް މީގެ ކުރިން ދިވެހިން ދާން ޖެހެނީ ރާއްޖެއިން ބޭރަށެވެ. ނަމަވެސް އައިޖީއެމްއެޗްއިން މިހާރު އެކަން ފެށުމާއެކު ރައްޔިތުންނަށް ހައްލެއް ލިބިގެންދާނެއެވެ.
ކިޔުންތެރިންގެ ހިޔާލު