އެންމެ ބޮޑު އިދިކޮޅު ޕާޓީ، ދިވެހި ރައްޔިތުންގެ ޑިމޮކްރެޓިކް ޕާޓީ (އެމްޑީޕީ) އިން އޮކްޓޯބަރު 3 ގައި މާލޭގައި ބާއްވާ ބޮޑު އެއްވުމާ ގުޅިގެން ހުޅުމާލޭގައި ދަމާފައިވާ ބެނާތައް ހައުސިންގ ޑިވެލޮޕްމަންޓް ކޯޕަރޭޝަން (އެޗްޑީސީ) އިން ނަގައިފިއެވެ.
އެޗްޑީސީން ރޭގަ ކުރި އިޢުލާނެއްގައި ބުނެފައިވަނީ މި ބެނާތައް ނަގާފައިވަނީ ހުއްދަ ނުހޯދައި ދަމާފައި ހުރުމުގެ ސަބަބުން ކަމަށެވެ. ނަމަވެސް، އެމްޑީޕީގެ ފަރާތުން ބުނެފައިވަނީ މި ބެނާތައް ދަމާފައި ހުންނަތާ އެތައް ދުވަހެއް ވެފައިވާ ކަމަށެވެ.
މި ބެނާތަކުގައި ލިޔެފައިވަނީ ރައީސް މުހައްމަދު މުއިއްޒުގެ ސަރުކާރުން “ގައުމު ލޫޓުވައިފި” ކަމަށް އެމްޑީޕީން ތުހުމަތުކުރާ އެކި ކަންކަމެވެ. މީގެ އިތުރުން، މާލޭގައި ދަމާފައި ހުރި އެމްޑީޕީގެ ބެނާތައް މާލޭ ސިޓީ ކައުންސިލުން ވެސް ވަނީ ނަގާފައެވެ.
އެމްޑީޕީން އޮކްޓޯބަރު 3 ގައި ބާއްވާ ބޮޑު އެއްވުމަށް ތައްޔާރުވުމުގެ ގޮތުން އެ ޕާޓީން ދަނީ ސިލްސިލާކޮށް އެކި ހަރަކާތްތައް ހިންގަމުންނެވެ. މީގެ ތެރޭގައި ބެނާ ދެމުމުގެ އިތުރުން، ޕިކަޕް ބުރު، ސައިކަލް ބުރު، އަދި އެކި ބައްދަލުވުންތަކާއި ސައްލާތައް ހިމެނެއެވެ.
މި ހަރަކާތްތަކަކީ އެމްޑީޕީން މިހާރުގެ ސަރުކާރާ ދެކޮޅަށް ކުރަމުންދާ އިހުތިޖާޖުގެ ބައެއްގެ ގޮތުގައި ފާހަގަކުރެވެއެވެ. އެމްޑީޕީން ބުނާ ގޮތުގައި މި އެއްވުމުގެ މަޤްޞަދަކީ ސަރުކާރުގެ އިޤްތިޞާދީ ސިޔާސަތުތަކާއި، ކޮރަޕްޝަނާ ދެކޮޅަށް އަޑު އުފުލުމެވެ.
ކިޔުންތެރިންގެ ހިޔާލު