ޒަމާނަށް އަންނަ ބަދަލުތަކާ އެކު ތަލަވުމަކީ ފެޝަނެއް ކަމުގައި ވިޔަސް، ގިނަ ބަޔަކަށް އަދިވެސް ބޮލުން އިސްތަށި ފޭބުމަކީ ބޮޑު ކަންބޮޑުވުމެކެވެ. އިސްތަށި ފޭބުން މަދުކުރުމަށް ނުވަތަ އިސްތަށި ފޭބުން ހުއްޓުވުމަށް، އެތައް ހާސް ރުފިޔާއެއް ހޭދަނުކޮށް ގުދުރަތީ ގޮތެއް ހުރިބާވައޭ ކިތައް މީހުންނަށް ހިތަށް އަރާނެހެއްޔެވެ؟
މި ސުވާލުގެ ޖަވާބު ގޭގޭގެ ބަދިގޭގައި ހުރި ތަކެތީގެ ތެރޭގައި ވެސް ހުރެދާނެއެވެ! ހަށިގަނޑަށް ފައިދާހުރި ބައެއް ކާނާގެ ބާވަތްތަކުގައި، އިސްތަށިގަނޑު ވަރުގަދަކޮށް، ތުނިވިޔަ ނުދީ، އަލުން އިސްތަށި ފެޅުވުމަށް އެހީތެރިވާ ފައިދާހުރި މާއްދާތައް ގިނަ އަދަދަކަށް އެކުލެވިފައިވެއެވެ.
ތަލަނުވެ އިސްތަށިގަނޑު ވަރުގަދަކޮއް ބެހެއްޓުމަށް ތިރީގައިވާ ތަކެއްޗަކީ ބަޖެޓައްލުއި އަދި އެހާމެ އަވަހަށް ނަތީޖާ ދައްކާ ބާވަތްތަކެވެ.
1 – ބިހާއި ކިރުގެ ބާވަތްތައް – ބަޔޮޓިންގެ ހަކަތަ
ބަޔޮޓިން (ވައިޓަމިން ބީ7) އަކީ އިސްތަށިގަނޑު ރަނގަޅަށް ހެދި ބޮޑުވުމަށް ވަރަށް މުހިންމު މާއްދާއެއްކަން ކަށަވަރެވެ. ބިސް، ކިރު، ކިރުދޯނި، ޗީޒް، އަދި ކިރުގެ އެހެނިހެން ބާވަތްތަކުގައި ބަޔޮޓިން، ޕްރޮޓީން، ވައިޓަމިން ބީ12، ދަގަނޑު، ޒިންކް، އަދި އޮމެގާ-6 ފެޓީ އެސިޑް ގިނަ އަދަދަކަށް އެކުލެވިފައިވެއެވެ. މި ހުރިހާ މާއްދާއަކީ ވެސް އިސްތަށިގަނޑަށް އެތެރެއިން ގިނަ ގޮތްގޮތުން ފައިދާކުރާ މާއްދާތަކެކެވެ. މި ތަކެތި ކޮންމެ ދުވަހެއްގެ ކާނާގައި ހިމެނުމުން، ބަލިކަށި އިސްތަށިގަނޑު ވަރުގަދަވެ، އިތުރަށް އިސްތަށި ފޭބުން ހުއްޓުވުމަށް އެހީތެރިވެދޭނެއެވެ.
2 – އަލްމަންޑް – އިސްތަށިގަނޑު ބޯކޮށްދޭ މޭވާ
އަލްމްންޑަކީ ބަޔޮޓިން އަދި މެގްނީޒިއަމްގެ އެންމެ މުއްސަނދި ގުދުރަތީ މަސްދަރުތަކުގެ ތެރޭގައި ހިމެނޭ އެއްޗެކެވެ. މި ދެ މާއްދާއަކީ ވެސް އިސްތަށިގަނޑުގެ ސިއްހަތަށް ވަރަށް މުހިންމު ދެ މާއްދާއެވެ. ބަދާމުގު އާދަކާދައެއްގެ ގޮތުގައި ކެއުމުން، އިސްތަށިގަނޑު ބޯވެ، ގަދަވެ، ފަޅުފިލުވައިދީ، ހެޔޮ ސިއްހަތެއްގައި ބެހެއްޓުމަށް އެހީތެރިވެދޭނެއެވެ. ކޮންމެ ދުވަހަކު ކުޑަ އަލްމަންޑް ކޮޅެއް ކެއުމުން ބޮލުގެ ނާށިގަނޑާއި އިސްތަށިގަނޑުގެ ހާލަތު ރަނގަޅުކުރުމަށް ބޮޑު އެހީއެއް ލިބިގެންދާނެއެވެ.
3 – ވޯލްނަޓް – އޮމެގާ-3 އާއި ބަޔޮޓިންގެ އެހީތެރިކަން
“ސިކުނޑީގެ ކާނާ” ގެ ނަމުން މަޝްހޫރުވެފައިވާ ވޯލްނަޓަކީ އިސްތަށިގަނޑަށް ވެސް ވަރަށް ފައިދާހުރި ސުޕަރފުޑެކެވެ. ވޯލްނަޓްގައި އޮމެގާ ފެޓީ އެސިޑްސް އާއި ވައިޓަމިން ބީ7 އެކުލެވިފައިވާތީ، މިއީ ހަމައެކަނި އިސްތަށި ފޭބުން ހުއްޓުވުމަށް އެހީތެރިވެދޭ އެއްޗެއް ނޫނެވެ. މީގެ އިތުރުން، މި އެއްޗެހި ކެއުމުން އިސްތަށީގެ ބުޑުތައް ވަރުގަދަވެ، އަލުން އިސްތަށި ފެޅުވުމަށް ވެސް ބާރު އަޅައެވެ. އިސްތަށި ފޭބުމުގެ ކަންބޮޑުވުމެއް ހުރިނަމަ، ކޮންމެ ދުވަހެއްގެ ކާނާގައި އަލްމަންޑް ހިމެނުމަކީ ކޮންމެހެން ކުރަންޖެހޭ ކަމެކެވެ.
4 – ސްޓްރޯބެރީ – އިސްތަށިގަނޑު ވަރުގަދަ ކުރުމަށް ސިލިކާ
މި މީރު މޭވާއަކީ އިސްތަށިގަނޑު ހެދިބޮޑުވުމަށް ވަރަށް މުހިންމު މަޢުދަނެއް ކަމުގައިވާ ސިލިކާ ގިނަ އަދަދަކަށް އެކުލެވޭ އެއްޗެކެވެ. މީގެ އިތުރުން، މި މޭވާގައި އެލަޖިކް އެސިޑް ވެސް އެކުލެވިފައިވެއެވެ. މީގެ ސަބަބުން އިސްތަށިގަނޑު ތުނިވުމާއި ބިނދުން ހުއްޓުވުމަށް އެހީތެރިވެދޭނެއެވެ.
ތަލަވުމަކީ ފެޝަނެއް ކަމުގައި ވިޔަސް، ތިބާގެ އިސްތަށިގަނޑު ދިގު މުއްދަތަކަށް ދެމެހެއްޓުމަށް ބޭނުންވާ ނަމަ، ކާނާއަށް ފަރުވާކުޑަ ނުކުރާށެވެ. ބިސް، ކިރުގެ ބާވަތްތައް، އަލްމްންޑް، ވޯލްނަޓް، އަދި ސްޓްރޯބެރީއަކީ އިސްތަށި ފޭބުން ގުދުރަތީ ގޮތެއްގައި ހުއްޓުވުމަށް އެހީތެރިވެދޭނެ ވަރަށް އާދައިގެ އަދި ނަމަވެސް ވަރުގަދަ ކާނާގެ ބާވަތްތަކެކެވެ.
ކިޔުންތެރިންގެ ހިޔާލު