މިދިޔަ މަހުގެ ތެރޭގައި މާލޭ ސަރަހައްދުން ވަގަށް ނެގި ނުވަތަ ގެއްލުނު 90 ސައިކަލަކާއި 19 ފޯނެއް އޭގެ ވެރިފަރާތަށް ހޯދައިދީފައިވާ ކަމަށް ފުލުހުން ބުނެފި އެވެ.
ފުލުހުން ވަނީ މާލޭ ސަރަހައްދުގައި ފުލުހުން ކުރަމުން އަންނަ މަސައްކަތްތަކުގެ ތަފާސްހިސާބު މިއަދު އާންމުކޮށްފަ އެވެ. އެގޮތުން މިދިޔަ އޮގަސްޓް މަހުގެ ތެރޭގައި މާލެ ޕޮލިސް ކޮމާންޑްގެ ޑިޕާޓްމެންޓްތަކުން ކުރި މަސައްކަތްތަކުގެ ތެރެއިން 90 ސައިކަލަކާއި 19 ފޯނު ވަނީ ހޯދައިދީފަ އެވެ.
އަދި ބައެއް އިލެކްޓްރޯނިކްސް ސަމާނާއި 328،350ރ. ވެސް ފުލުހުން ހޯދާފައިވެ އެވެ. އެހެނިހެން ތަކެތީގެ ގޮތުގައި ޖުމްލަ 80،848ރ. ގެ ތަކެތި ހޯދައިދީފައިވެ އެވެ.
މިދިޔަ މަހުގެ ތެރޭގައި ޖުމްލަ 5581 މީހަކު ހުއްޓުވައި ސުވާލުކޮށްފައިވާއިރު، އޭގެ ތެރެއިން 5373 މީހުންނަކީ ކުށުގެ ރިކޯޑް އޮތް މީހުން ކަަމަށް ފުލުހުން ބުންޏެވެ.
ރައްޔިތުންގެ ކަންބޮޑުވުންތައް ހައްލުކުރަން އަވައްޓެރި ފުލުހުން ކޮށްފައިވާ މަސައްކަތަށް ބަލާއިރު، 900 ކޮމިއުނިޓީ އިންޓަރެކްޝަން ދީފައިވެ އެވެ. އަދި 102 މައްސަލައެއް ހައްލުކުރަން މަސައްކަތްކޮށްފައިވެ އެވެ.
ކިޔުންތެރިންގެ ހިޔާލު