ޖަމްޢިއްޔާތައް ބާރުވެރިކުރުވުމަށާއި، އަތޮޅުގެ ޒުވާނުންނާއި ޖަމްޢިއްޔާތަކުގެ ދައުރު މުޖުތަމަޢުގައި ފުޅާކުރުމަށް އަމާޒުކޮށް، ލ. ފޮނަދޫގައި “ލާމަސީލުލާމު ޒުވާނުންނާއި ކުލަބް ޖަމްޢިއްޔާތަކުގެ މަހާސިންތާ” 2025 ސެޕްޓެމްބަރ 4 ވަނަ ދުވަހުން 6 ވަނަ ދުވަހާ ހަމައަށް ބާއްވައިފި އެވެ. މި މަހާސިންތާ އިންތިޒާމުކުރީ ހައްދުންމަތީ ކައުންސިލް އިދާރާ އިންނެވެ.
މި މަހާސިންތާގައި 24 ޖަމިއްޔާގެ ފަރާތުން 115 ބައިވެރިން ބައިވެރިވިއެވެ.
މަހާސިންތާގެ ބައިވެރިންނަށް މަޢުލޫމާތު ފޯރުކޮށްދިނުމުގެ ގޮތުން ދީނީ މަޢުލޫމާތާއި، ޕްރޮޕޯސަލް ތައްޔާރުކުރުމާއި، ޖަމްޢިއްޔާތަކަށް މާލީއެހީ ހޯދުމާއި، ލީޑަރޝިޕާ ގުޅޭ މުހިންމު ސެޝަންތަކެއް ވަނީ ކުރިއަށް ގެންގޮސްފަ އެވެ. މި ސެޝަންތައް ނަންގަވައިދެއްވީ ކަމާގުޅޭ ދާއިރާތަކުގެ ފަންނީ ތަޖުރިބާކާރު ބޭފުޅުންނެވެ.
މި މަހާސިންތާގެ މައިގަނޑު މަޤްޞަދުތަކުގެ ތެރޭގައި ޖަމްޢިއްޔާތަކާއި ޒުވާނުންނަށް ބޭނުންވާ ހުނަރާއި މަޢުލޫމާތު އިތުރުކޮށް، މުޖުތަމަޢުގެ ތަރައްޤީގައި އެ ފަރާތްތަކުގެ ދައުރު އިތުރަށް ބަސްދާލުން ހިމެނެ އެވެ.
ކިޔުންތެރިންގެ ހިޔާލު