އެކަހެރިކޮށް އޮންނަ ފުވައްމުލައް ސިޓީ އެއާޕޯޓުގައި ބޭނުންކުރާ ފަޔާ ޓްރަކްގެ ހޮޅިއެއް ފަޅައިގެން ގޮސްގެން، ވަގުތީ ގޮތުން ބަންދުކުރުމުން ދަތުރުތަކަށް ބުރޫއަރައިފިއެވެ.
އައްޑުއާއި ހުވަދުއާ ދެމެދުގައި ވަރަށް އެކަހެރިކޮށް, މުޅިން ވަކި އަތޮޅެއް ގޮތަށް އޮންނަ ފުވައްމުލަކަށް ދަތުރުކުރަނީ މޯލްޑިވިއަނުން އެކަންޏެވެ.
އެ އެއާލައިނުން މިއަދު ކުރި ޕޯސްޓެއްގައި ބުނީ، ފުވައްމުލައް އެއާޕޯޓު ވަގުތީ ގޮތުން ބަންދުކުރަން ޖެހުމުގެ ސަބަބުން ދަތުރުތަކަށް ބުރޫ އަރާފައިވާ ކަމަށެވެ. މޯލްޑިވިއަންއިން ބުނީ، އޭގެ ސަބަބުން އަސަރު ކުރާނެ ފަސިންޖަރުންނަށް ގުޅާ، އެހީތެރިކަމާއި އެއްބާރުލުން ދެމުން އަންނަ ކަމަށެވެ.
FUVAHMULAH FLIGHT UPDATE – 2 SEPTEMBER 2025
Due to temporarily closure of Fuvahmulah Airport, our scheduled flights have been affected. Our team is actively reaching out to impacted passengers and will be providing all necessary assistance during this time.
We sincerely…
— MaldivianAero (@MaldivianAero) September 2, 2025
އެނގިފައިވާ ގޮތުގައި ފުވައްމުލަކު އެއާޕޯޓު ބަންދުކުރަން ޖެހުނީ އެއާޕޯޓުގައި ބޭނުންކުރާ ފަޔާ ޓްރަކްގެ ހޮޅިއެއް ފަޅައިގެން ދިއުމުގެ ސަބަބުންނެވެ.
މޯލްޑިވިއަންއިން ވަނީ ފުވައްމުލައް އެއާޕޯޓު ބަންދުވުމުން ފަސިންޖަރުންނަށް ދިމާވާނެ ދަތިތަކަށް މާފަށް އެދިފައެވެ. އެހީތެރިކަމަކަށް ބޭނުންވެއްޖެ ނަމަ މޯލްޑިވިއަންގެ ކޯލް ސެންޓަރުގެ ނަންބަރު 1671 އަށް ގުޅުމަށް އެ އެއާލައިނުން ވަނީ އެދިފައެވެ.
މި މައްސަލަ ހައްލުކޮށް، އެއާޕޯޓު ބޭނުންކުރަން ފެށޭނެ އިރެއް މިހާތަނަށް އެނގިފައެއް ނުވެއެވެ.
ފާހަގަކޮށްލެވޭ ގޮތުގައި ފުވައްމުލަކަކީ ލޯކަލް ޓޫރިޒަމް ވެސް ކުރިއަރަމުން އަންނަ ރަށެކެވެ. އެ ގޮތުން، ޑައިވްކުރަން ރާއްޖެ އަންނަ ފަތުރުވެރިންގެ މެދުގައި އެ ރަށް ވަރަށް މަގުބޫލެވެ.
ދަތުރުފަތުރު އަގު ބޮޑުވުމަކީ އެ ރަށުގައި ލޯކަލް ޓޫރިޒަމް ހިންގާ ފަރާތްތަކުގެ ވެސް ކަންބޮޑުވުމެކެވެ.
ވަގުތީ ގޮތުން އެއާޕޯޓު ބަންދުކުރަން ޖެހުމުން އެ ކަމުގެ ނޭދެވޭ އަސަރު ކުރާނެއެވެ.
ކިޔުންތެރިންގެ ހިޔާލު