މާމައިންނާއި ކާފައިންނަކީ އިލާހީ ރަހްމަތެއް ކަމަށް ރައީސް ޑރ މުހައްމަދު މުއިއްޒު ވިދާޅުވެއްޖެއެވެ.
މިއަދު ފާހަގަކުރާ މާމަ އާއި ކާފައިންގެ ދުވަހުގެ މުނާސަބަތުގައި އެކްސްގައި ކުރެއްވި ޕޯސްޓެއްގައި ރައީސް ވިދާޅުވީ ލޯތްބާއި ކުލުނާއި އެކު އާއިލާތައް ދެމެހެއްޓުމުގައި މާމައިންނާއި ކާފައިންނަކީ އިލާހީ ހެޔޮ ރަހުމަތެއް ކަމަށެވެ.
މާމަ އާއި ކާފައިންގެ ދުވަހުގެ އުފާވެރި ތަހުނިޔާ ރައީސް ވަނީ ފޮނުއްވާފައެވެ.
އިސްރަށްވެހިންނަށް ހާއްސަކޮށްގެން މިސަރުކާރުން ވަނީ ނާދީ އެއް ތަރައްގީކޮށް އެތަނުގައި ހާއްސަ ހަރަކާތްތަކެއް ހިންގަން ފަށާފައެވެ.
މާލޭގައި ހުންނަ އިސްރަށްވެހިންގެ ނާދީ ހުޅުވުމުގެ ރަސްމިއްޔާތުގައި ރައީސް ވިދާޅުވެފައިވަނީ އިސްރަށްވެހިން ކުރައްވަން ބޭނުންވާ ކަންކަމުގައި ސަރުކާރުގެ ފަރާތުން އެއްބާރުލުން ދެއްވަމުން ގެންދަވާނެ ކަމަށެވެ،
ކިޔުންތެރިންގެ ހިޔާލު