ށ. އަތޮޅުން އަތޮޅު ފެންވަރުގައި ގައުމީ ދުވަހުގެ ރަސްމީ ޖަލްސާ ބާއްވައިފިއެވެ.
މި ޖަލްސާ އޮތީ އެެއަތޮޅު ބިލެއްފަހީ ސުކޫލުގައެވެ.
ޖަލްސާ ޝަރަފުވެރިކޮށްދެއްވީ ލޯކަލް ގަވަމެންޓް މިނިސްޓަރު އާދަމް ޝަރީފު އުމަރު އަދި މިނިސްޓަރ އޮފް އެގްރިކަލްޗަރ އެންޑް އެނިމަލް ވެލްފެއަރ ޑރ. މަރިޔަމް މާރިޔާ އެވެ.
މި ޖަލްސާގައި ށ. އަތޮޅު އަންހެނުންގެ ތަރައްގީއަށް މަސައްކަތްކުރާ ކޮމިޓީތަކުން ކުރާ މަސައްކަތްތަކާއި ހިއްވަރު ދިނުމުގެ ގޮތުން އަތޮޅު ކައުންސިލުން އަހަރަކު 1 ފަހަރުދޭ މާރެސް އެވޯޑުވެސް ވަނީ ދީފައެވެ. އަދި އެންމެ ރަނގަޅަށް މަސައްކަތް ކުރި 3 ކޮމިޓީއަކަށް އެވޯޑް ދީފަވެއެވެ.
މި އެވޯޑު ހަވާލުކޮށްދެއްވީ މިނިސްޓަރު އާދަމް ޝަރީފު އުމަރު އާއި މިނިސްޓަރު ޑރ. މަރިޔަމް މާރިޔާއެވެ.
މި ދަތުރުފުޅުގައި މިނިސްޓަރު އާދަމް ޝަރީފު އުމަރުވަނީ ށ. އަތޮޅު ކައުންސިލާއި ބައްދަލުކުރައްވާފައެވެ. ބިލެއްފަހީގައި ކުރިއަށްދިޔަ މި ބައްދަލުވުމުގައި އަތޮޅުގެ ރައްތަކާއި ގުޅުންހުރި މުހިންމު ކަންކަމާއި ގުޅޭ ގޮތުން ވަނީ މަޝްވަރާކޮށްފައެވެ.
މިނިސްޓަރުގެ އަރިހުގައި މި ދަތުރުފުޅުގައި މިނިސްޓްރީގެ ސްޓޭޓް މިނިސްޓަރ މޫސާ ފަތުހީއާއި، ޑެޕިޔުޓީ މިނިސްޓަރ މުހައްމަދު ޢާރިފު ބައިވެރިވެވަޑައިގެންނެވިއެވެ.
ކިޔުންތެރިންގެ ހިޔާލު