މޯލްޑިވްސް ޕޯޓްސް ލިމިޓެޑް (އެމް.ޕީ.އެލް) ގެ ޗެއަރޕާސަން އައިމިނަތު ހަމީދް އާއި ސީއީއޯ ޑީސީޕީ ރިޓަޔާޑް މުހައްމަދު ރިޝްވާން، އެކުންފުނީގެ ބޯޑް މެމްބަރުންނާ އެކު، އެމަ.ޕީ.އެލްގެ ތިލަފުށީގައި ޑޮކްޔާޑްގެ މަސައްކަތްތައް ގާތުން ބައްލަވާލެއްވުމަށް މިއަދު ވަޑައިގެންފިއެވެ.
މި ޒިޔާރަތުގެ މައިގަނޑު މަޤުޞަދަކީ، ތިލަފުށީ ޑޮކްޔާޑްގެ މަސައްކަތްތައް ކުރިއަރަމުންދާގޮތް ބައްލަވާލެއްވުމާއި، ބަނދަރު ޑޮކްޔާޑްގެ ކުރިއަށްހުރި ތަރައްޤީގެ މަޝްރޫޢުތަކާ ގުޅޭގޮތުން މަޝްވަރާކުރެއްވުމެވެ.
ޒިޔާރަތުގެ ތެރޭގައި ޑޮކްޔާޑްގެ މިހާރުގެ މަސައްކަތްތައް ކުރިއަރަމުންދާގޮތުގެ ތަފްސީލީ މައުލޫމާތު ބޯޑްގެ މެމްބަރުންނަށް ވަނީ ދެވިފައެވެ. މީގެ އިތުރުން، މި ޑޮކްޔާޑްގެ ދިގު މުއްދަތުގެ ތަރައްޤީގެ ޕްލޭންތަކާއި، މަސައްކަތްތައް އިތުރަށް ހަލުވިކޮށް ކުރިއެރުވުމަށްޓަކައި ކުރެވިދާނެ ކަންކަމާ ގުޅޭގޮތުންވެސް ބޯޑްގެ މެމްބަރުން ވަނީ ގޮތްތަކެއް ކަނޑައަޅުއްވައި މަޝްވަރާކުރައްވާފައެވެ.
ތިލަފުށީ ޑޮކްޔާޑަކީ ރާއްޖޭގެ ދަތުރުފަތުރާއި އިޤުތިޞާދަށް ވަރަށް މުހިންމު ތަނެކެވެ. މި ޑޮކްޔާޑްގެ ސަބަބުން ބޯޓުފަހަރަށް ބޭނުންވާ މަރާމާތުތައް ކުރުމަށް ފަސޭހަވެ، ދަތުރުފަތުރުގެ ޚިދުމަތްތައް އިތުރަށް ހަރުދަނާވެގެންދާނެ ކަމަށް އެމް.ޕީ.އެލް އިން ވިދާޅުވެއެވެ.
ކިޔުންތެރިންގެ ހިޔާލު