ސޯޝަލް މިނިސްޓްރީން ޕޭރެންޓިންގ ޕްރޮގްރާމް ފެސިލިޓޭޓަރ ތަމްރީނެއް ފަށައިފިއެވެ.
ފަސް ދުވަހުގެ މުއްދަތަށް ކުރިއަށްގެންދާ މި ޕްރޮގްރާމްގެ ތެރެއިން އެ މިނިސްޓްރީ އަށް ހުށަހެޅޭ އާއިލީ މައްސަލަތަކުގައި ބެލެނިވެރިންނާއި ކުދިންގެ މެދުގައި ރަނގަޅު ގުޅުމެއް ގާއިމްކުރުމަށް ބޭނުންވާނޭ ހުނަރުތައް މުވައްޒަފުންނަށް ދަސްކޮށްދިނުމަށް ވަނީ ނިންމާފައެވެ.
މީގެއިތުރުން މި ހުނަރުތައް ބޭނުންކޮށްގެން ދިރިއުޅުމުގެ ކަންކަން ހައްލުކުރުން ފަދަ ކަންކަން ވެސް ދަސްކޮށްދިނުމަށް ވަނީ ނިންމާފައެވެ. އަދި ކުދިންނަށް ދިމާވާ މައްސަލަތަކާ ކުރިމަތިލާނެ ގޮތާއި މައްސަލަތައް ހައްލުކުރުމަށް ގެންގުޅޭ އުކުޅުތައް ވެސް އުނގަންނައިދޭނެއެވެ.
މިއީ އަމާން މުޖުތަމައެއް ބިނާކުރެވޭނީ ބެލެނިވެރިންނާއި އާއިލާތަކާއެކު ދުޅަހެޔޮ ގުޅުންތައް ގާއިމްކުރެވިގެން ކަމަށް ވާތީ، އެކަމަށް ބާރުއެޅުމުގެ މަގުސަދުގައި ކުރިއަށްގެންދާ ޕްރޮގްރާމެކެވެ.
ކިޔުންތެރިންގެ ހިޔާލު