ލ. އަތޮޅުގެ ފަސް ރަށެއްގެ ހުރިހާ މިސްކިތްތަކަށާއި ސްކޫލުތަކަށް އުންމީދު ޖަމިއްޔާގެ ފަރާތުން ކީރިތި ޤުރުއާން މުސްހަފް ހަދިޔާކޮށްފިއެވެ. މި މުސްހަފްތައް ހަދިޔާކޮށްފައިވަނީ، އުންމީދު ޖަމިއްޔާގެ “ޤުރުއާން މުސްހަފް ހަދިޔާ ކުރުމުގެ ޕްރޮގްރާމް” ގެ ދަށުންނެވެ.
މި ޕްރޮގްރާމްގެ ދަށުން ޤުރުއާން މުސްހަފް ހަދިޔާކޮށްފައިވަނީ ލ. އިސްދޫ، ލ. ކަލައިދޫ، ލ. ދަނބިދޫ، ލ. މާބައިދޫ، އަދި ލ. މުންޑޫގެ ހުރިހާ މިސްކިތްތަކަށާއި ސްކޫލުތަކަށެވެ. އުންމީދު ޖަމިއްޔާއަކީ ރާއްޖޭގެ އެކި ހިސާބުތަކުގައި ދީނީ އަދި އިޖްތިމާއީ އެތައް ހަރަކާތްތަކެއް ހިންގަމުންދާ ޖަމިއްޔާއެކެވެ. މިފަދަ މަސައްކަތްތަކަކީ ދީނީ ޢިލްމު ފެތުރުމަށް އެ ޖަމިއްޔާއިން ކުރަމުންދާ މަސައްކަތްތަކުގެ މުހިންމު ބައެކެވެ.
ހަވާސާ ނޫހަށް މަޢުލޫމާތު ދެއްވަމުން އުންމީދު ޖަމިއްޔާއިން ބުނީ، ކުރިޔަށް އޮތް ދުވަސްތަކުގައިވެސް މިފަދަ އެތައް ދީނީ އަދި އިޖްތިމާއީ ހަރަކާތްތަކެއް ހިންގުމަށް ހަމަޖެހިފައިވާ ކަމަށެވެ. މިފަދަ މަސައްކަތްތަކަކީ ދީނީ އަދި އިޖްތިމާއީ ގޮތުން މުޖުތަމަޢަށް ބޭނުންތެރި ކަންކަން ފޯރުކޮށްދިނުމަށް އުންމީދު ޖަމިއްޔާއިން ދެމުންދާ އިސްކަމުގެ ހެއްކެކެވެ.
ކިޔުންތެރިންގެ ހިޔާލު