އަރބަންކޯގެ މެނޭޖިންގް ޑިރެކްޓަރ ފަޒުލް ރަޝީދުގެ އިރުޝާދުގެ ދަށުން އެ ކުންފުނީގެ މުވައްޒަފުން ހުޅުމާލެ ގެ ވަރަށް ބޮޑު ސަރަހައްދެއް ސާފުކޮށް މުޅި ޖުމްލަ 60 ޓަނުގެ ކުނި އެއްކޮށްފައިވާ ކަމަށް އެ ކުންފުނިން މިއަދު ބުނެފިއެވެ.

އާބަންކޯއިން ބުނީ ހުޅުމާލެ ފޭސް 1 އާއި ފޭސް 2 އަދި ހިޔާ ސަރަހައްދުން މުޅި ޖުމްލަ 60 ޓަނުގެ ކުނި އެއްކުރެވިފައިވާ ކަމަށެވެ.

ބޮޑު އާބާދީއެއް ދިރިއުޅޭ ހުޅުމާލެ ސާފުތާހިރު އަދި ހިތްފަސޭހަ ތަނެއްގެ ގޮތުގައި ދެމެހެއްޓުމަށް އެ ކުންފުނިން ގިނަ މަސައްކަތްކަތެއް ކުރަމުންދާ ކަމަށް އާބަންކޯއިން ބުންޏެވެ.

އާބަންކޯގެ އަމާޒަކި ހުޅުމާލެއަކީ ސާފުތާހިރު ތަނެއްގެ ގޮތުގައި ދެމެހެއްޓުން. އެހެންކަމުން މި އަމާޒަށް ވާސިލުވުމަށް ވަކިވަކި ފަރުދުން ވެސް އެބައެއްގެ ފަރުދީ ޒިންމާ އަދާކޮށް ކުނި ޖަމާކުރަން ކަނޑައެޅިފައިވާ ސަރަހައްދުތަކަށް ކުނި ޖަމާކުރުމަށާއި ރައްކާތެރި ގޮތުގައި ކުނި ނައްތާލުމަށް ޚާއްސަ ސަމާލުކަމެއް ދެއްވުމަކީ މި ކޯޕަރޭޝަނުގެ އެދުމެއް.“

އާބަންކޯއިން ކުރިއަށްގެންދާ މިފަދަ އިޖްތިމާއީ މަސައްކަތްތަކުގައި ހުޅުމާލޭގެ ރައްޔިތުން ދެއްވާ އެއްބާރުލުން އެ ކުންފުނިން ވަނީ ފާހަގަކޮށްފައެވެ.