ރައްޖޭގެ 60 ވަނަ މިނިވަންދުވަހުގެ ރަސްމިއްޔާތު ޝަރަފްވެރިކޮށްދެވުމަށް އިންޑިއާގެ ބޮޑުވަޒީރު ނަރެންދްރަ މޯދީ ރާއްޖެ ވަޑައިގެންފި އެވެ.
ބޮޑުވަޒީރު މޯދީ ރާއްޖެ ވަޑައިގަތުމުން ވެލާނާ އިންޓަނޭޝަނަލް އެއާޕޯޓުން މަރުހަބާ ދެންނެވީ ރައީސް ޑރ. މުހައްމަދު މުއިއްޒެވެ.
މޯދީ ވަނީ މަތިންދާބޯޓުން ފައިބައިވަޑައިގެން ރައީސް މުއިއްޒާ އެކު ބައްދާލައްވައި ދެ ގައުމުގެ ގާތްކަން ހާމަކޮށްދެއްވައިފަ އެވެ. ރައީސް ޑރ މުއިއްޒު ވެރިކަމަށް ވަޑައިގެންނެވިފަހުން ބޭރުގައުމެއްގެ ވެރިއަކު ރައްޖެއާއަށް ކުރައްވާ ފުރަތަމަ ދަތރުފުޅުގައި މޯދީ ރާއްޖެއަށް ވަޑައިގެންނެވުމުން އެއާޕޯޓުން ވަނީ ރަތްދޫލައިގެ މަރުހަބާ އެއްކިޔައި ސިފައިންގެ ގާޑް އޮފް އޮނާރ އެއް އަރުވާފައެވެ.
ރައީސް އޮފީހުން ބުނީ އިންޑިއާގެ ބޮޑުވަޒީރަށް ރަސްމީ ކޮށް މަރުހަބާ ދެންނެވުން އޮންނާނީ މިއަދު މެންދު ފަހު ކަމަށާއި އެއަށްފަހު ދެގައުމުގެ ދެމެދުގައި ވެވޭ ބައެއް އެއްބަސްވުންތަކުގައި ސޮއިކުރައްވައި ރަސްމީ ވާހަކަތައް ރައީސުލްޖުމްހޫރިއްޔާގެ އޮފީހުގައި ކުރިއަށް ދާނެ ކަމަށެވެ.
އިންޑިއާގެ ބޮޑުވަޒީރުގެ މި ދަތުރުފުޅުގައި އިންޑިއާގެ ސަރުކާރުގެ ހިލޭ އެހީގައި ރާއްޖޭގައި އިމާރާތް ކޮށްފައިވާ ޑިފެންސް މިނިސްޓްރީގެ އާ އިމާރާތް ހުޅުއްވައި ދެއްވުމާއި، މާދަމާ ހަވީރު ޖުމްހޫރީ މައިދާނުގައި ބާއްވާ މިނިވަންދުވަހުގެ ކުޅިވަރު ހަރަކާތްތައް ޝަރަފުވެރިކޮށްދެއްވުން ހިމެނެއެވެ.
ކިޔުންތެރިންގެ ހިޔާލު