ރާއްޖެއަށް މިހާރު ކުރަމުންދާ ވިއްސާރައިގައި އިއްޔެ އެންމެ ވައި ގަދަވީ ފ.ނިލަންދޫއަށް ކަމަށް ގައުމީ މޫސުމާ ބެހޭ އިދާރާ (މެޓް) އިން ވިދާޅުވެއްޖެއެވެ.
ފާއިތުވި 24 ގަޑިއިރު އެންމެ ބާރަށް ވައިޖެހުނު ކަމަށް ރިކޯޑް ކުރެވިފައިވާ ނިލަންދޫ އަށް ގަޑިއަކު 61 މޭލަށް ވައިގަދަވެފައި ވާކަމަށް މެޓުން ވިދާޅުވިއެވެ.
ދެވަނައަށް އެންމެ ގަދައަށް ވައިޖެހުނީ ބ. ދަރަވަންދޫ އަށެވެ. އެއީ ވިލާގަނޑުގައި ގަޑިއަކު 58.3 މޭލަށެވެ. ތިންވަނައަށް އެންމެ ގަދައަށް ވައިޖެހުނު ގދ.ފަރެސްމާތޮޑާއަށެވެ. އެއީ ވިލާގަނޑުގައި ގަޑިއަކު 55 މޭލު ބާރުމިނުގައެވެ.
އިއްޔެ ވިލާގަނޑުގައި އެންމެ ވައި ބާރުވި ރަށްތައް:
- ފ. ނިލަންދޫ – 61 މޭލަށް
- ބ. ދަރަވަންދޫ – 58.3 މޭލަށް
- ގދ. ފަރެސްމާތޮޑާ – 55 މޭލަށް
- ހދ. ހަނިމާދޫ – 54 މޭލަށް
- ލ. ކައްދޫ – 52 މޭލަށް
- ކ. ހުޅުލެ – 52 މޭލަށް
- އދ. މާމިގިލި – 47.9 މޭލަށް
- ވ. ރަކީދޫ – 47 މޭލަށް
50 މޭލަށް ވައިގަދާވާނެ ކަމަށް ލަފާކޮށް މެޓުން ވަނީ ރާޢްޖޭގެ ބޮޑުބަޔަކަށް ރީނދޫ ސަމާލުވެސް ނެރެފައެވެ.
މެޓުން ވިދާޅުވީ، ދިޔަވަރު ބޮޑުވާ ގަޑިތަކުގައި ބައެއް ރަށްތަކަށް އުދައިގެ އަސަރުކުރުން އެކަށީގެންވާ ކަމަށާއި، ހާއްސަކޮށް ކަނޑު ދަތުރުކުރާ ފަރާތްތަކުން މޫސުމަށް ސަމާލުވުމަށް އިލްތިމާސްކުއައްވާފައިވެއެވެ.
ކިޔުންތެރިންގެ ހިޔާލު