މޯލްޑިވްސް ލޭބަރު އެންޑް ސޯޝަލް ޑިމޮކްރަޓިކް ޕާޓީ (އެމްއެލްއެސްޑީޕީ) އަދި ދަ ޑިމޮކްރެޓްސް އުވާލައި އެ ޕާޓީތައް ސިޔާސީ ޕާޓީގެ ދަފްތަރުން އުނިކުރުމަށް އިލެކްޝަންސް ކޮމިޝަން (އީސީ)ން ނިންމައިފިއެވެ.
އީސީން ވިދާޅުވީ، އެ ދެ ޕާޓީ އުވާލާފައި ވަނީ ސިޔާސީ ޕާޓީއެއް ދެމިއޮތުމަށް ޤާނޫނު ލާޒިމުކުރާ 3،000 މެންބަރުން ހަމަކުރުމަށް ދިން މުއްދަތުގައި 3،000 މެންބަރުން ހަމަވެފައިނުވާތީ ކަމަށެވެ.
ޑިމޮކްރެޓްސްއަކީ ކުރީގެ ރައީސް މުޙައްމަދު ނަޝީދު އަށް ސަޕޯޓް ކުރާ ބޭފުޅުން އިސްކޮށް ތިބެ އުފެއްދި ޕާޓީއެކެވެ. މި ޕާޓީ އުފެދިފައިވަނީ އެމްޑީޕީގެ އެތެރޭގައި އުފެދުނު ޚިޔާލު ތަފާތުވުންތަކާ ގުޅިގެން، އެ ބޭފުޅުން ޕާޓީން ވަކިވުމަށް ފަހެވެ.
ޑިމޮކްރެޓްސްއަށް މިހާތަނަށް އިންތިޚާބުތަކުގައި މާ ބޮޑު ކާމިޔާބީއެއް ލިބިފައެއް ނުވެއެވެ.
އެންމެ ފަހުން ޕާޓީގެ އިސް މެންބަރުންތަކެއް އަލުން ވަނީ އެމްޑީޕީއާ ގުޅިވަޑައިގެންފައެވެ.
ކިޔުންތެރިންގެ ހިޔާލު