މާލެއާއި ހުޅުމާލެ ހިމެނޭހެން މާލެ ސަރަހައްދުގެ ބޮޑު ބަޔަކުން މިއަދު ކުއްލި ގޮތަކަށް ކަރަންޓުގެ ޚިދުމަތް މެދުކެނޑުމަށްފަހު މިހާރު ހުރިހާ ސަރަހައްދަކަށް ހިދުމަތް ލިބިއްޖެއެވެ.
ސްޓޭޓް އިލެކްޓްރިކް ކޮމްޕެނީ (ސްޓެލްކޯ) އިން ވިދާޅުވީ، ކަރަންޓު ކެނޑެން މެދުވެރިވީ ދިމާވި ޓެކްނިކަލް މައްސަލައަކާ ގުޅިގެން ކަމަށެވެ. މި މައްސަލަ ހައްލުކޮށް، ގްރޭޓަރ މާލެ އިންޓަރކަނެކްޝަން ގްރިޑް އެނަޖައިޒް ކުރުމުގެ މަސައްކަތް މިހާރު ވަނީ ނިމިފަ އެވެ.
މިހާތަނަށް ކުރެވުނު މަސައްކަތުން މާލޭގެ ހުރިހާ އަވަށްތަކަށާއި، ހުޅުމާލެއަށް އަލުން ކަރަންޓު ދެވިފައިވާ ކަމަށް
މިއަދު ކަރަންޓު ކެނޑެން މެދުވެރިވި ސަބަބާ ގުޅޭގޮތުން ސްޓެލްކޯއިން ވިދާޅުވީ، ރޭ ފަތިހު 3:00 އިން ހެނދުނު 8:00 އަށް ހުޅުމާލޭގައި ގާއިމްކޮށްފައިވާ 50 މެގަވޮޓުގެ އިންޖީނުގޭގެ ޕަވަރ ސިސްޓަމް އަޕްގްރޭޑް ކުރުމުގެ މަސައްކަތް ކުރިއަށް ގެންގޮސްފައިވާ ކަމަށެވެ. މި މަސައްކަތް ކޮށްފައިވަނީ އިންޖީނުގެ ނިއްވާލައިގެން ކަމަށްވާއިރު، އެ ވަގުތު މާލެ ސަރަހައްދަށް ކަރަންޓު ދީފައިވަނީ ހުޅުމާލޭގައި ހުރި ހައިސްޕީޑް އިންޖީނުތަކުންނެވެ. ކަރަންޓު ކެނޑެން މެދުވެރިވީ މި މަސައްކަތް ނިމުނު ފަހުން ދިމާވި ޓެކްނިކަލް މައްސަލައެއްގެ ސަބަބުން ކަމަށް އެ ކުންފުނިން ވިދާޅުވިއެވެ.
ކަރަންޓުގެ ޚިދުމަތަކީ ގިނަ އަދަދެއްގެ ޓެކްނިކަލް ވަސީލަތްތަކާއި ނިޒާމުތަކެއްގެ އެހީގައި ފޯރުކޮށްދޭ ޚިދުމަތަކަށް ވާތީ، ކޮންމެ ވަގުތެއްގައިވެސް ކުއްލި މައްސަލައެއް ދިމާވެ ކަރަންޓު ކެނޑުމަކީ އެކަށީގެންވާ ކަމެކެވެ. މިފަދަ ހާލަތްތަކުގައި އާންމުން ހޭލުންތެރިވެ، ރައްކާތެރިކަމުގެ ފިޔަވަޅުތައް އެޅުމަކީ ނުހަނު މުހިންމު ކަމެކެވެ.
ކަރަންޓު ކެނޑުމަކީ ފަންނީ ސަބަބުތަކަށްޓަކައި ދިމާވާ ކަމަކަށް ވާތީ، މިފަދަ ހާލަތްތަކުގައި ކެތްތެރިކަމާއެކު އަމަލުކޮށް، އަމިއްލަ މުދަލާއި ތަކެއްޗަށް ލިބިދާނެ ގެއްލުންތަކުން ރައްކާތެރިވުމަށް ހުރިހާ ބޭފުޅުންވެސް ސަމާލުކަން ދެއްވުމަކީ ސްޓެލްކޯއިން އިލްތިމާސްކުރާ ކަމެކެވެ.
ކިޔުންތެރިންގެ ހިޔާލު