ފޭކް ސްލިޕް ހުށަހަޅައިގެން 9،000 އެއްހާ ރުފިޔާގެ ވިޔަފާރި ކުރި މާލެ މީހަކު ހައްޔަރުކޮށްފިއެވެ.
މި މައްސަލައާ ގުޅިގެން ހައްޔަރުކޮށްފައި ވަނީ މާލެއަށް ނިސްބަތްވާ 41 އަހަރުގެ ދިވެހި ފިރިހެނެކެވެ.
ސްކޭމް މައްސަލައެއްގައި އޭނާ ހައްޔަރުކޮށް، މިއަދު އޭނާގެ ބަންދުގެ މުއްދަތު ޖެހުމަށް ކްރިމިނަލް ކޯޓަށް ގެންދިއުމުން، ހަތަރު ދުވަހުގެ މުއްދަތެއް ވަނީ ޖަހައިފައެވެ.
އޭނާއާ ގުޅޭ ބަންދު އަމުރުގައި ވިދާޅުވީ އޭނާގެ މައްޗަށް ތުހުމަތު ކުރެވޭ ކުށް އޭނާ ކުރި ކަމަށް ތުހުމަތުކުރެވޭ ކޮންމެވެސް ވަރަކަށް ހެކި ހުށަހަޅާފައިވާ ކަމަށެވެ.
އެ އަމުރުގައި ވިދާޅުވީ އޭނާ ފޭކް ސްލިޕް ހުށަހަޅައިގެން 9،000 އެއްހާ ރުފިޔާގެ ވިޔަފާރިކޮށްފައިވާ ކަމަށް މައްސަލަ ބަލަމުންދާ ފުލުހުގެ އޮފިސަރު ފާހަގަކޮށްފައިވާ ކަމަށެވެ. އަދި އެ ސްލިޕް ތަކަކީ އޭނާގެ ރައްޓެއްސެއް ފޮނުވި ސްލިޕްތަކެއް ކަމަށް އޭނާ ބުނެފައިވާއިރު، ފިހާރައިން ގަތް އެއްޗެއްސަކީވެސް އެ މީހާ ބުނެގެން ގަތް އެއްޗެހި ކަމަށް އޭނާ ވަނީ ކޯޓުގައި ބުނެފައި ވެއެވެ.
ފޭކް ސްލިޕް ފޮނުވައިގެން ވިޔަފާރި ކުރަމުންދާ މައްސަލަ މީގެ ކުރިންވެސް ފެންމަތިވެފައި ވެއެވެ.
ކިޔުންތެރިންގެ ހިޔާލު