ހދ. ކުޅުދުއްފުށި ސިޓީގައި ރުކަކުން ވެއްޓުނު އުމުރުން 38 އަހަރުގެ ފިރިހެނަކަށް، އެ ސިޓީގެ ހޮސްޕިޓަލުގެ ވެންޓިލޭޓަރުގައި ފަރުވާދޭން ފަށައިފިއެވެ.
މި ހާދިސާ ހިނގާފައި ވަނީ މިއަދު މެންދުރު ފަހުގެ ވަގުތެއްގައެވެ.
އެ ސިޓީ ހޮސްޕިޓަލުގެ އޮފިޝަލަކު މިރޭ “ހަވާސާ”އަށް ވިދާޅުވީ، މިއަދު 3:00 ހާއިރު އެފަދަ ހާދިސާއެއް ހިނގައިގެން މައުލޫމާތު ލިބުނު ކަމަަށެވެ. އަދި ހޮސްޕިޓަލަށް 3:05 ގައި މައުލޫމާތު ލިބުނުއިރު، އެ މީހާ ހޮސްޕިޓަލަށް ގެނެސް އަވަސް ފަރުވާ ދިނުމަށް ފަހު، މިހާރު ވެންޓިލޭޓަރުގައި ފަރުވާދެމުންދާ ކަމަށް އޮފިޝަލް ވިދާޅުވިއެވެ.
“ހާލު ވަރަށް ސީރިއަސް، އަނެއްހެން ބޭރަކަށް ބޮޑެތި އަނިޔާތަކެއް ފެންނަން ނެތް ކަމަކު، ވަރަށް ކްރިޓިކަލް ހާލަތެއްގައި އޮތީ. މާލޭގެ ނިއުރޯ ސާޖަންއާ ވާހަކަދައްކައިގެން ކުރިއަށްދޭ،”. އޮފިޝަލް ވިދާޅުވިއެވެ.
އޮފިޝަލް ވިދާޅުވިގޮތުގައި މިވަގަތު ސީޓީ ސްކޭނެެއްވެސް ހަދާފައިވާއިރު، އޭގެ މައްޗަށް ބިނާކޮށް ފަރުވާގެ ކަންކަންވެސް ދަނީ ކުރިއަށެވެ.
މީގެ ކުރިން ހިނގި މިފަދަ ހާދިސާތަކުގަައި ބަޔަކު ނިޔާވެސް ވެފައި ވެއެވެ.
ކިޔުންތެރިންގެ ހިޔާލު