އިސްރާއީލުން ޣައްޒާއަށް ދިން ޑްރޯން ހަމަލާއެއްގައި އަލްޖަޒީރާގެ ފަލަސްތީނުގެ ނޫސްވެރިޔާ މުހައްމަދު ވިޝާހް ޝަހީދުކޮށްލައިފިއެވެ.
އިސްރާއީލުން ދިން ހަމަލާ އަމާޒުވީ އަލްޖަޒީރާ މުބާޝަރުގެ ނޫސްވެރިޔާ މުހައްމަދު ވިޝާހް އިން ވެހިކަލަކަށެވެ. އޭގައި އެހެން ބަޔަކުވެސް ތިއްބެެވެ.
އަލްޖަޒީރާ ނޫހުން ބުނީ އޭނާ ޝަަހީދުކޮށްލާފައި ޣައްޒާ ސިޓީގެ މައި މަގުގައި ކާރު ދުއްވާފައި ދަނިކޮށް ކަމަށެވެ.
ވިޝާހް މަރާއެކު އެކު 2023 ވަނަ އަހަރުގެ އޮކްޓޫބަރު މަހުން ފެށިގެން އިސްރާއީލުން ޝަހީދުކޮށްލި ފަލަސްތީނުގެ ނޫސްވެރިންގެ އަދަދު ވަނީ 262 އަށް އަރައިފައެވެ.
އިސްރާއީލުން ހަނގުރާމަ ހުއްޓާލުމަށް އަމަލު ކުރާތާ މިހާރު ހަ މަސް ދުވަސް ވެފައިވާއިރު، އިސްރާއިލުން އެ ހަނގުރާމައާ ހިލާފު އަމަލުތައް ފުރަތަމަ ދުވަހުން ފެށިގެންވެސް ދަނީ ހިންގަމުންނެވެ. މިގޮތުން މިހާރު އާއްމުކޮށް ހަމަލާތައް އަމާޒުކުރަމުން ދަނީ ހަނގުރާމަ ކަވަރު ކުރަމުން އަންނަ ވިޝާހް ފަދަ ނޫސްވެރިންނަށެވެ.
ޣައްޒާގެ ސަރުކާރުގެ މީޑިއާ އޮފީހުން ބުނާ ގޮތުގައި ހަނގުރާމަ ހުއްޓާލުމުގެ އެއްބަސްވުމަށް ފަހު އިސްރާއީލުން ސިފައިން ވަނީ 2،000 އަށް ވުރެ ގިނަ ފަހަރު، އެއްބަސްވުމާއި ހިލާފުވެފައި ވެއެވެ.
ކިޔުންތެރިންގެ ހިޔާލު