އެމެރިކާގެ ޓެކްސަސްގެ ވެލެރޯގެ ޕޯޓް އާތަރް ރިފައިނަރީގައި ބާރުގަދަ ގޮވުމެއް ގޮވައި، އަލިފާނުގެ ހާދިސާއެއް ހިނގައިފިއެވެ.
ޕޯޓް އާތަރްގެ އިމަޖެންސީ މެނޭޖްމަންޓުން ނެރުނު އެލާޓްގައި ބުނީ، ވަލޭރޯ ރިފައިނަރީގައި ދާދި ފަހުން ހިނގި ހާދިސާއާ ގުޅިގެން އެ ސަރަހައްދުގައި ދިރިއުޅޭ އެންމެންގެ ސަލާމަތާއި ރައްކާތެރިކަން ކަށަވަރު ކުރުމުގެ ގޮތުން، ވަގުތުން އެ ސަރަހައްދު ދޫކޮށް، ރައްކާތެރި ސަރަހައްދަކަށް ދިއުމަށް އެދޭ ކަަމަށެވެ.
“ޓެކްސަސްގެ ވެލެރޯ ޕޯޓް އާތަރްގެ ޔުނިޓެއްގައި އަލިފާނުގެ ހާދިސާއެއް ހިނގާފައިވާއިރު. ހުރިހާ މުވައްޒަފުންވެސް ރައްކާތެރިކަމާއެކު އެތަނުން ނެރެފައިވޭ،”. އެެތަނުން ނެރުނު ބަޔާނުގައި ވެއެވެ.
އެ ސަރަހައްދުގެ މީޑިއާތަކުން ރިޕޯޓް ކޮށްފައިވާ ގޮތުގައި އެތަނުގައި އަލިފާން ރޯވުމާއެކު ކަޅު ދުން އަރަމުންވެސް ގޮސްފައި ވެއެވެ.
🚨🇺🇸 BREAKING: Explosion reported at Valero Refinery in Port Arthur, Texas.
No details on cause yet.
Likely industrial, but any energy infrastructure event during a war that has oil at $100+ is going to raise eyebrows until confirmed otherwise…pic.twitter.com/skaUGrvF0k https://t.co/NXMvGTd5OB
— Mario Nawfal (@MarioNawfal) March 24, 2026
ހިއުސްޓަންގެ އިރުން 90 މޭލު ދުރުގައި ހުންނަ ޕޯޓް އާތަރް ރިފައިނަރީގައި 800 އެއްހާ މުވައްޒަފުން މަސައްކަތް ކުރެއެވެ.
ވެލޭރޯގެ ވެބްސައިޓްގައި ބުނެފައިވާ ގޮތުގައި އެތަނުން ތެލާއި އެހެނިހެން ފީޑްސްޓޮކްތައް ޕެޓްރޯލް، ޑީސަލް އަދި ޖެޓް ފިއުލްއަށް ޕްރޮސެސް ކުރެއެވެ.
ކިޔުންތެރިންގެ ހިޔާލު